السلام عليكم
الصراحة عندي مشكلة كبييرة في بيتي، علاقتي باهل زوجي اكثر من رائعة الا ان زوجي ما بيحب عيلته و حتى انو هو مش قايلهم حتى على بلد اقامته، انا احترمت رغبته و شاركت معه في الكذبة.
لما صرت حامل، قالي لا تقوليها لحدا الصراحة انا ما التزمت لاني بدي وحدة تحكي معي في الحمل و يكون عندها تجارب و اسالها عاي شي، فانا و اختو صحبات و اختو جايبة ماشاء 5 فحكيتلها، و قلتلها اني حامل و الصراحة هي كمان قبل ما احمل شافتلي حلم اني بايدي بنت. و بعدها بشهر حملت و الصراحة ما كانت بتكف عن الدعاء. فانا قلتلها ماشاء الله يا شيخة انا حامل و تحقق الحلم. و فرحتلي كتييير لكن قلتلها لا تحكي لحد. ووعدتني و وفت بالعهد.

تدور الايام و زوجي يكتشف اني قلتلها. اولا هددني بالطلاق. و بعد ما عرف انو اختو التزمت بالوعد قرر ان يخليني بالبيت الين موعد الولادة يعني الين اولد. و انو ما يحكي معي علاطلاق و اي شي احتاج اكتبو فورقة، و اذا في مشوار اقوله بيوم. يعني سجن. انا اهلي مش معي. و انا ما باشتغل يعني موت بطيييييئ.

اه و بما اني ما باشتغل فكل مرة بيعايرني بها. ما انا كنت باشتغل قبل الزواج و حياتي كانت ما احلاها لكن انتقالي لبلد تاني خلاني اترك شغلي. و كل ما بدور على شغل هنا بتكون الافضلية دائما للمواطنين و انا مقيمة فقط.

و كنت قبل هيك حكيت معو انو لازم يصلي و يصوم عشان تكون الزكاة اللي راح يطلعها علي و على البيبي زكاة مقبولة. قالي اني انا متخلفة و جاهلة و درويشة. و انا ما بيهمي فعلاقته بربنا. و انا كنت نشرت الموضوع. انو زوجي ما بيصليش و لا بيصوم. و سالت عفتوى لقيت كوارث. و المصيبة و لا عندو نية انو يصلي و لا انو يصوم. ممكن الانسان ميكونش بيصلي لكن بيقول مع حاله لازم اصلي. و بيوبخ حالو و لما يجي حدا يحكيلو ما يتهمو بالدروشة.

المهم حياتي ما بحكيلكو صايرة جحيم في جحيم. و بخصوص القرار اللي اتخدو بيقول اني اذا بدي اروح عند اهلي بروح و اذا بدي اضل بالبيت اضل و لا كلام معو الين اخر السنة و بعدها بيصير خير. يعني الين الولادة. تصورو ايش هالقساوة. اذا انا كفرت ممكن يسوي معي هيك المصيبة انو ما سويت له ايشي. و اعتبرني اني كسرت كلتمه.

يا ترى ابش ممكن تسوي انتي لو كنت مكاني.

مشكلة فعلا , أختي أجمع أفكاري و أداوي صداع رأسي و اعود لك بإذن الله , لأنّ موضوعك يحتاج دقّة في الإجابة .استعيني بالله و لك منّا الدعاء ,

الصراحة انا مابدي اطلق. لان هلا عندي بيبي. و انا شرحتلو عن السبب اللي خلتني اقولها لاختو. لكن قالي كنت تقولي لامك. لصحباتك مش لاختي. انا مش عارفة ليش عامل من الحبة قبة. هذا من جهة.

من جهة الصلاة و الصيام يا اختي حكيت معه قالي انو هالشي بينو و بين الله و مش اني ما ادخل فاشي بيخص علاقته مع الله.

و المصيبة يا اختي انو بيوصلو رسائل ربانية سبحان الله. تصوري مرة صحي من النوم و لقى حالو نايم في وضع السجود. سبحان الله. سبحان الله.

تصوري بتجيه الهيئة مرة و تنين و تلات بتقوله هذا وقت الصلاة روح تصلي دونا عن الناس كلها.

تصوري انو الله بينجيه من الموت مرة و تنين و تلات. مرة من حادث. مرة من الكهربا دونا عن الناس كنا جنب الشاطئ و هو الوحيد اللي خبطو الكهربا دعس سلك كهربائي. بقولك كهربا الشارع مش البيت. يعني تصوري قوتها و هو حافي القدمين.

فانا لما حكيتلو قالي اني انا درويشة و متخلفة. لكن هو عارف انو اللي بيسويه مش مزبوط. و كل ما بيزعل استغفر الله بيلعن الله. مش عارفة ايش جرالو

انا حكيتلكو و فضغضت اللي ماكنتش قادرة اقوله. عشان تجتهدو معي بالدعاء انو الله يهديه. و تحسو في مشكلتي. انا يمكن كنت بحط مشاكلي على هالنافدة لكن الصراحة كنت بقول تفاهات لاني كان بدي افضفض و مكنتش عارفة و لا قادرة. يعني مثل مابقولو كنت بحوم على هالموضوع و انا اليوم قررت اني اطلع كل اللي زاعجني. لان لو ضل جوا راح يجيني شي مرض.

الف سلامة عليكي اختي
استعيذي بالله وهدي حالك
انت الآن حامل والعصبية والنرفزة لا تصح لك واكيد راه ضر البيبي قبل ان تضرك
فرجاءا تمالكي اعصابي وهدئي من روعة غالية
لا حل لمشكلتك سوى الدعاء للبارئ بان يهدي زوجك ويقدم لك ما فيه الخير لك وله ولزواجكما
قومي الليل واكثري من الدعاء واستغفري سبحانه وتعالى بكرة واصيلا
كما يجب عليك المكوث في بيتك لا تخرجي منه ابدا وعامليه بالحسنى واقفلي على الموضوع نهائي
وتاكدي بدعائك سوف يهديه الله قبل حلول وقت الولادة ان شاء الله
هداه الله لك ووفقكما لما فيه الخير والصلاح

الاخوات كفو ووفوا جزاهم الله خيرا وبارك فيهم
حبيبتي.................تاملي في الايه الكريمه(انك لا تهدي من احببت ولكن الله يهدي من يشاء)
غاليتي زوجك فيه فطرة سليمه وهذا سيعيده الي طريق الصواب ان شاءالله
لانه يعترف انه علي خطأ وهذه نقطه مهمه.........ولا تعلمين
لعله يعيش صراع داخلي مع نفسه لهذا السبب يغضب كل ما ذكرتي له عن افعاله
فاصبري واحتسبي الأمر من عند الله واكثري من الاستغفار سيفتح لك ابواب الفرج بأذن الله تعالي
ولا تضغطي عليه ولا تذكريه علي ما هو عليه الان.................
اما بالنسبه لأهله واخته فهذه قضيه اخري وكان يجب عليك ان تأمني السر حتي اذا طلب منك من امك واهلك
وان امتلأقلبه بالايمان وطاعة الرحمن
سينير له الطريق بفضل الله تعالي
ويهديه الي الصراط السوي
وسيعيد بناء علاقاته مع اهله واقربائه من جديد بأذن الله تعالي
فالصبر والصبر ثم الصبر اوصيك به حبيبتي
دمتي في حفظ الله