بصراحة يا أخوات نحن في حال لا يعلم فيه إلا ربنا دعواتكم لحالنا بالصلاح السبب حماتي كل شوي تقلب زوجي علي وتنقلب حياتي فوقاني تحتاني مش عارفه من فين أبدا لكم بس أم زوجي قريبه ليا يعني أخت والدي والله دائماً إلا احترمها بس أنا وزوجي تزوجنا عن حب لذا بحس أنها بتغير مني وكأنها داخله معايا بحرب مين اللي هيفوز بزوجي أنا ولا هي الجديد انه زمان كانت تضايقني بتصرفاتها هي وبناتها وأنا امشي و اطنش وزوجي ما يحب يسمع شي عن اهله وكان يسهر كثير مع اصحابه خارج البيت ولا يعرف عن شي واروح دائماً عندهم لانه ساكنه بجانبهم وبحكم القرابة أهلي في مدينه بعيده عني كنت قبل ما أجيب أولاد اكل معهم عادي مثل اغلب البيوت وكثير أروح وأجي معهم حتى أتعرف عالبلد والناس ولما جبت ابني الأول بلغت المشاكل حماتي صارت بدها الولد يضل طول الوقت عندها لحد انه الولد يبكي دائماً ما بده يروح للبيت ومن يومها ابتدأت المشاكل وزوجي دخل فيها وابوه كمان وكلهم عليا وأمه تتهمني دائماً أني مقصرة معها وما بزورها مع أني والله ما بقصر معها بس هي بتعمل حالها بتحبنا ومنيحه معنا وفجاه بتنقلب عليلنا ازا يوم واحد بس ما شفناها هي قويه ومفتريه وزوجي صار محتار يوقف مع مين حيران وتعبان ومش عارف يميز بين التسلط ورضا الوالدين أن الله يعينه على هيك أم أنا يا أخواتي لا أخيره أبدا بيني وبين أهله بالعكس أقف بجانبه واروح عندهم عادي حتا زوجي يفهم أنه ما عندي شئ أنا الآن عندي 3 اطفال وزوجي من فتره تعبان ودائما مهموم وأنا كذلك محبطه لانه ظلمها لنا لا ينتهي

كان الله في عونك لي عودة إن شاء الله

اختي لوما
زوجك شكله انسان محترم وطيب وبدو يكسب رضا امه تأكدي تماما انه عارف انه امه مفتريه وحاسس انها ظالمه
بس هذه امه حبيبتي ما بيقدر يحكي معها في نسوان اذا واجهتيها بتزيد مش بتتراجع اعتقد انها من هذا النوع وهو يعلم ذلك عشان هيك هو ساكت ومقهور
انا بنصحك ايش ما تحكي او تعمل تطنشيها لانه زوجك معك وبيحبك وما بيزعلك عشانها وحاولي انك ما تقطيعهم واشتريلها هديه انت بتحسي انها بتحيها واهديها اياها لعل ربك يغير قلبها ويحننها عليك
انا كانت بنات حماي مرات يحاولو يزعجوني بالكلام لكن انا زوجي ما كان يهمو حد وكان يواجهم عشان هيك ما كان ييجي في
انت اصبري وما راح تخسري اشي وخليك حذره في تعاملك معهم يعني خليك في السليم وما تغلطي بحق حد حتي ما يقدروا يمسكو عليك اي ممسك
وبنصحك اذا قدرت ما تروحي عليهم الا ويكون زوجك معك واذا حكو عليك قدامه ظلي ساكته وهو ما راح يسكت اللهم
والله في بعض دار الحمى خساره فيهم الاولاد
اتمنى الله ييسر امرك ويريح بالك

أختي عجوريه زوجي طيب هاي مشكلته وهما عارفين هالشي وأمه عارفه انه بصوتها العالي وب الصراخ والمشاكل رح توخد منا اللي بدها إياه بس أنا خايفه من زوجي لانه بيلومني وبحط الحق علي أني أحيان بمسك الأولاد عنهم كأي أم أنا ما بهونلي أولادي يضلوا بعيد عني دون مراقبه وأنا من جديد صرت أروح لهم مع زوجي عشان يكون شايف انه أنا بزورهم مش زي الأول كنت أروح عندها دائماً وما كنت اهتم زوجي يشوفني الصبح وهو بشغله وبتقدر بسهوله تخلي الكل يشهد علي أني مقصرة فيها

حبيبتي
انت اعملي الصح واللي بتشوفيه مناسب ومريح الك وهي ايش ما تعمل طنشيها هي راح تزهق لما تشوفك مطنشه لانه ايش ما تعملي هي حاطه في دماغه تذم اي شئ انت بتسويه
التطنيش خير وسيله لهيك ناس وخاصه انك ما قصرت في احترامهم وهم بدورو الك على اخطاء
لا تغلطي ابداً بحقهم عشان هم يحتاروا فيك وما يمسكو عليك اي شئ
والله انا بنصحك راح ييجي اليوم اللي يذكروك فيه بخير بس اثبتي على الصح
هذول امتحان من ربك الك صلي وادعي ربنا يبعد شرهم عنكم

السلام عليكم الله اكون في عونك اختي
و انا اوافق الاخت عجورية في كلامها
حاولي تتفاهمي مع زوجك علي اوقات تروحو فيها لبيت اهله و من الطبيعي بي 3 اطفال ما تقدري تروحي كل يوم لانهم مسؤلية
و حاولي ما تغضبي ابدا من حماتك مهما قالت هذا صعب بس لازم تتحملي علشان زوجك،و طنشي اخواتة ما عليك منهم ،المهم امه
الله اهدي النفوس و اهم شئ ارضاء زوجك قبل الجميع
وفقك الله