بسم الله الرحمان الرحيم
السلام عليكم ورحمة الله وبركاته
اخواتي الحبيبات انا عضوة جديدة بهذا المنتدى وهذا اول موضوع احطه هون
انا اليوم بدي احكيلكم قصتي وبدي اياكم تعطوني نصائحكم وانا قصدتكم لان ما عندي بعد الله احد غيركم استشيره وانا متأملة فيكم خير
ببدا قصتي على طول
انا بنت من دولة عربية بس عايشة تقريبا طول عمري بي اوروبا وما بعرف عن تقاليد بلدي كثير يعني بعرفها بس ما بعرف كيف الناس بتمارسها في حياتها اليومية.
انا قبل سنة تقريبا رحت زيارة عبلدي لاول مرة من سنين وكان وقتها عمري 22 سنة يعني كنت شابة كبيرة وشخصيتي مكتملة (شخصيتي المتكونة في اوروبا لكن ربوني ام واب ملتزمين دينيا ومحافظين كتير ) اول ما رحت عبلدي تقدم لخطبتي شاب من معارفنا انا في الاول استغربت كتير لاني ما كنت متوقعة ابدا انو راح يتقدم شاب لخطبتي من بلدي ببساطة لاني مو عايشة هناك وما حدا بيعرفني يعني كنت متوقعة ديما اني راح اتزوج واحد عربي عايش بي اوروبا يعني واحد من نفس ثقافتي لكن الي حصل انو ابي كان معجب بهذا الشاب وعيلته والناس كانت كلها بتشكر في اخلاقه ودينه هذا الشئ خلاني افكر في الموضوع بجدية خاصة انو انا ما يهمني الا اني اتزوج واحد دينه واخلاقه عالية المهم فكرت في الموضوع وعملت مقابلة معو يعني في المقابلة هذه كنت اول مرة اشوفه بحياتي لان الخطبة كانت طبعا تقليدية يعني اخواته هن اللي شافوني وعرضوه عليه يخطبني وفي المقابلة دخل معي اخوي الكبير المقالبلة ما طولت كتير يعني شي نص ساعة فقط وانا بحكم شخصيتي الخجولة كتير ما قدرت احكي شي بس هو سالني كم سؤال وانا جاوبت بكل خجل (غريب بالنسة لبنت عايشة بي اوروبا بس انا هيك) يعني المقابلة كانت تقريبا بين اخوي وهو مو بيني وبينه حكو كتير مع بعضهم بعد المقابلة كان انا هيك رأيي فيه
_ اسلوبه بي الكلام كويس
_ اخلاقه ودينه مناح طبعا هذا بناء على حكي الناس
_شكله ما كان حلو كتير بس انا الشكل عندي مو مهم الاخلاق اهم ويعني هو ما كان بشع بس ما كان هديك الوسامة
المهم بناء على هذه الاستنتاجات قررت اني اوافق طبعا بعد صلاة الاستخارة وموافقة اهلي كلهم واللي شجعني كتير اني سمعت انو كان راح يجن عليا لما شافني عجبتو كتير الحمد لله
بعدها عملنا حفل خطوبة عائلي ولبسنا الخواتم ورجعت بعدها طول ع البلد اللي بعيش فيه
ومن هديك الوقت انا ما سمعت صوته ولا كلمني ضليت استنى مكالمة منه والايام تمر و ما حصل شي اضايقت كتير من تصرفه لدرجة اني حسيت انه غير رأيه فيني وما عاد بدو اياني حكيت مع امي بالموضوع فحكتلي هو ما نساكي ولا شي بس احنا عادات بلدنا هيك المخطوبين ما يحكو ما بعض عيب وخاصةالملتزمين ما تنسي انو خطيبك ملتزم انا حكيتلها مستحيل هذا مو التزام انا ما طلبت نضل نحكي ساعات طويلة ع التليفون ونسهر الليالي بعرف انو هذا غلط بس بدي اياه يطمن علي يشوف اذا انا عايشة اوميتة يحسسني اني مخطوبة والله كنت ببكي ساعات طويلة وبحس حالي مخنوقة بسبب اهماله لي وجفافه معي مو معقول انا اللي بعرفه انو الخطاب تفكيرهم كله في حبيباتهم ويشتاقو يسمعواصواتهم الا انا ليش والمشكلة اني ما كان عندي حدا اشتكيله الا اختي وهي كمان ما كان بيدها شي ابي ما تجرأت احكي معو لاني خجولة كتير وامي حكيت معها بس ما جاب الحكي نتيجة هذا كان بالنسبة لي اول اصطدام مع عادات بلدي كنت بستحي من خطيبي الجاف لدرجة اني كنت بضطر اكذب وقت يسألوني صديقاتي عليه وبحكي انو يكلمني وامورنا تمام.
هذا الشئ خلاني صرت ما احب خطيبي وحتى خاتم خطوبتي كرهتو لانه بيذكرني فيه وصارت كل الافكار الحلوة عندي الي كانت تجاهه صارت سلبية وحسيت حالي اني بكره شخصيتو بالرغم اني ما بعرفه هذا الشئ خلاني افكر اتركه بجد ومع الاسف في لحضة ضعف كنت راح اتعرف على شاب شخصيتو حلوة لكن الحمد لله ربي انقذني وحسيت بغلطتي بكير وتركت هذا الشاب وتبت لله واستغفرفته وانا ندمانة كثير على هذا الشئ اللي عملته لحد الان بس بحكي الله يسامحني ويغفرلي. هذه الغلطة يلي عملتها خلتني افكر في كل شي من جديد وخلتني اغير فكرتي تجاه خطيبي وصرت اقنع حالي انو ممكن سبب عدم اهتمامه بي هو فعلا عاداته وتقاليده وممكن التزامه الديني وحكيت ايضا لحالي انو انا خلاص هذا نصيبي هيك و مو الناس كلها متل بعضها كل واحد لازم يعني يرضى بنصيبه والمهم مو وقت الخطوبة المهم بعد الزواج انو نكون سعداء وبنحب بعض .
يعني اقنعت نفسي بهذه الكلمات التي قلتها لنفسي وتصالحت مع حالي وصرت اجبر نفسي اني احب خطيبي متل اني بالليل قبل ما نام بفكر فيه وبحكي اسمه واضل اردده وبحكي اني بحبك حبيبي وهيك ممكن تعتبروه جنون بس انا ما لقيت حل تاني
هلا انا زواجي قرب بعد شهر تماما
صرت افكر في اشياء منها كيف اتعامل مع زوجي بايام زوجنا الاولى اللي هي اهم ايام العمر وانا ما بعرفه نهائيا
كيف اتصرف ليلة الدخلة مع شخص بشوفه ثاني مرة بحياتي وخاصة اني خجولة كتير
كيف اعرف شخصيتو عشان ما تصير معي مشاكل وخاصة اني قررت ارضي ربي واطيع زوجي وما اعمل اي شي ما يحبو
شو اعمل اذا تفاجأت بانو هو انسان جاف وما بيحكي كلام حلو ومو حنون معي (لاني بحكي ممكن هو طبعه هيك جاف مو عادات او دين ) خاصة انو انا حساسة ورومانسية كتير كتير والله ما تتصورو قداش انا رومانسية ودلوعة
كيف افاتحه بمواضيع بتهم حياتنا الي كنا لازم نحكي عنها وقت الخطوبة بس ما صار
واخيرا كيف اتأقلم على الحياة في بلد غريب علي حتى لو كان بلدي وكيف اتعامل مع الناس ومع اهل زوجي وهن عندهم عدات وتقاليد انا ما بفهمها
اسفة طولت عليكم كتير بس انا كتبتلكم لاني بثق فيكم

اول اشي اهلا وسهلا فيكي هون بالمنتدى وان شاء الله رايحة تستفيدي وتفيدي
تاني اشي الف الف مبروك والله يتمملك على خير
هلأ بدي اسالك يعني بدك تتجوزي بعد شهر خطيبك ولا مرة اتصل عليكي ولا حتى بالاعياد ولا بالمناسبات مافكر يتصل فيكي يسالك مثلا غرفة النوم شو بتحبي يكون لونها
يعني حتى لو بخجل مش منطق وماتحكيلي عادات اهله هيك وعادات بلدنا لانه اليوم عنا ولد عمره 10 سنين بعرف يمسك جوال ويحكي خطيبك كم عمره
هلأ انتي داخلة على حياة جديدة ضايلك شهر بهاد الشهر بتقدري تعرفي عنه كل اشي مافيها اشي لو حكيتي لاخوكي يتصل عليه وياخد رقمه او ايميله وتحكي معه وتتعرفي على شخصيته وهو كمان هاي فرصتك
والله يجيب اللي فيه الخير الك واله يارب

كتبت بواسطة مجد الاقصى
اول اشي اهلا وسهلا فيكي هون بالمنتدى وان شاء الله رايحة تستفيدي وتفيدي
تاني اشي الف الف مبروك والله يتمملك على خير
هلأ بدي اسالك يعني بدك تتجوزي بعد شهر خطيبك ولا مرة اتصل عليكي ولا حتى بالاعياد ولا بالمناسبات مافكر يتصل فيكي يسالك مثلا غرفة النوم شو بتحبي يكون لونها
يعني حتى لو بخجل مش منطق وماتحكيلي عادات اهله هيك وعادات بلدنا لانه اليوم عنا ولد عمره 10 سنين بعرف يمسك جوال ويحكي خطيبك كم عمره
هلأ انتي داخلة على حياة جديدة ضايلك شهر بهاد الشهر بتقدري تعرفي عنه كل اشي مافيها اشي لو حكيتي لاخوكي يتصل عليه وياخد رقمه او ايميله وتحكي معه وتتعرفي على شخصيته وهو كمان هاي فرصتك
والله يجيب اللي فيه الخير الك واله يارب



اختي حبيبتي مجد الاقصى شكرا لاهتمامك
والله يبارك فيكي
عن جد هذا اللي صاير ما حكى معي ولا مرة ولا حتى بي الاعياد بعيد واحد كلمتني امو بس وهي عن جد طيبة كتير بس هو متل ما حكيت ولا مرة بس انا ما بعتقد مثل ما قلتي انو غباء اكيد هو عن عمد ما يحاكيني انا هذا اللي خلاني مضايقة انا في الاول فكرت اني اخذ رقمه واكلمه بس انا قلت هو الرجل وهواللي لازم يبادر مو انا وثانيا خايفة يفهمني غلط ويفكر اني مو متربية انا ما بدي اشوه صمعة عائلتي خايفة كتير اذا عملتها تصير مشكلة

وعليكم السلام والرحمه
شوفي انا عندي بنتيين ربي يحفظهم واتولدوا في بريطانيا وعاشوا هناك
وصح لسه صغار بس انا وابوهم متفاهمين ومتفقيين انه ان شاء الله نصيبهم بيكون من نفس البيئه يعني انسان اخلاق و اتولد وعاش في بريطانيا مثلهم , لييه لانه اكيد مابيكون فيه تفاهم لو اخدوا حد من بلادي .... التفكير والتربيه والطباع كلها بتكون مختلفه و هدا اكيد بيكون له ثاتير قوي في انجاح الزواح او فشله .
وانتي الان في فتره الخطوبه .......... احلى مرحله للبنت لانها بتعيش في الاحلام الورديه الحلوه مع خطيبها وحكايه انه محد اخد رائيك في بيت العمر وكم غرفه عايزاه وهل قريب من اهلك او لا وشو الديكور والالوان والاثات اختاري الي عايزاه هدا اهم الامور في الخطبه والزواج
لازم تتكلمي مع ابوكي وامك عن هدا الشي وليه التطنيش ........ ادا الان محد حاط لك اعتبار صدقيني بتلاقي نفس المعامله من زوجك. خليه يتكلم معاكي بوجود حد ويسال شو طلباتك .............. وانا صراحتا مابعرف ادا كانت كدا هي عاداتكم ام لا ؟؟
بالتوفيق

كتبت بواسطة انسانه نادره
وعليكم السلام والرحمه
شوفي انا عندي بنتيين ربي يحفظهم واتولدوا في بريطانيا وعاشوا هناك
وصح لسه صغار بس انا وابوهم متفاهمين ومتفقيين انه ان شاء الله نصيبهم بيكون من نفس البيئه يعني انسان اخلاق و اتولد وعاش في بريطانيا مثلهم , لييه لانه اكيد مابيكون فيه تفاهم لو اخدوا حد من بلادي .... التفكير والتربيه والطباع كلها بتكون مختلفه و هدا اكيد بيكون له ثاتير قوي في انجاح الزواح او فشله .
وانتي الان في فتره الخطوبه .......... احلى مرحله للبنت لانها بتعيش في الاحلام الورديه الحلوه مع خطيبها وحكايه انه محد اخد رائيك في بيت العمر وكم غرفه عايزاه وهل قريب من اهلك او لا وشو الديكور والالوان والاثات اختاري الي عايزاه هدا اهم الامور في الخطبه والزواج
لازم تتكلمي مع ابوكي وامك عن هدا الشي وليه التطنيش ........ ادا الان محد حاط لك اعتبار صدقيني بتلاقي نفس المعامله من زوجك. خليه يتكلم معاكي بوجود حد ويسال شو طلباتك .............. وانا صراحتا مابعرف ادا كانت كدا هي عاداتكم ام لا ؟؟
بالتوفيق



حبيبتي انسانة نادرة تسلمي كتير لاهتمامك
هو بالنسبة للاختيار كان بكامل ارادتي وما حدا ضغط علي ابدا انا كنت بدي اياه وانا لما حكيت مع ماما بالموضوع قللت من اهميتو وقالت انو هيك طبيعي بس انا ما عجبني هيك ابدا بس اللي بدي اياه انا منكن انكم تعلموني كيف اتعامل مع الوضع هيك مو اني اغيره لانو بحس انو هلا كتير متاخر صار لنا 9 شهور مخطوبين بحس انو مو معقول قبل شهر من الزواج اجي واحكي بدي كل شي يتغير ما بعرف بحسو مو معقول وبالنسبة لفترة الخطوبة الحلوة انا ضاعت علي مع الاسف الحمد لله هيك نصيبي

حبيبتي عنا متل بيقول مية قلبة ولا غلبة
يعني لسا حياتك بايدك اتركي كلام الناس وشو بدهم يفكرو انت اختبري نفسك اذا حاسة روحك لح تتأقلمي الله يهيئلك الخير وأكيد رح تواجهي صعوبات كتيرة ببداية حياتك ومشاكل بس انت استعملي اسلوب الطيبة والتطنيش يعني ما تكبري المشاكل وحكي الناس كتير وتاخدي وتعطي فيه لانو بس دورتي الحكي ورددتيه رح تعيشي بدوامة المشاكل معهم
وخلي علاقاتك رسمية مادامك خلوقة ومرباية أحسن تربية لا تخلي العادات والتقاليد تسيطر على اهتمامك اتصرفي طبيعي جدا
بس بالنسبة لخطيبك إذا انت عاطفية جدا متل ما بتقولي وهو أكيد جاف فما بعرف شو بدي قلك يعني حتى العادات والتقاليد بتقول يحكي معك ولو سلام وشو أخبارك مو أكتر ويبعتلك هدية بالمناسبات يعني هي نقاط ما بينسكت عنها
بس نصيحةاسألي عنو ناس قريبين منو و فكري منيح ولا تحطي حالك تحت الامر الواقع تماما لانك لو متزوجة منقول صابرة وراضية بس لسا قدامك فرصة فكري منييييييح أحسن ما تندمي بعدين وتقولي ياريت

مبارك خطوبتك أختي
تمم الله لك على خير وكتب لك كل خير

أنا مع الأخت مغربية في كل كلمة قالتها
أسأل الله أن يسعدكما ويجعلكما قرة عين لبعضكما
أكثري من دعاء {رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَاماً }

وهذا الموضوع سيفيدك فيما تسألين عنه بإذن الله

تجـــــ "☺"محاور دورة الفتاة المقبلة على الزواج"☺" ـــــميـع


وأود أن ألفت نظرك على أمر
وهو أن لا تعتبري أي خجل منه أو عدم مبادرة لأمر أنه جفاء !
فكما أنك خجلى وهو أول رجل تعاشريه فهو كذلك

أسعدك الله أخيتي وأسأل الله أن يوفقك في حياتك