ا[COLOR="Black"][SIZE="5"][FONT="Comic Sans MS"]لسلام عليكم أحبتي
أنا مو دايم أدخل هذا الموقع الرائع بسبب انشغالاتي
المهم أحبتي أخواني دايم يجون عندنا ماشاء الله وأحيانا إذا بدهم يروحون زواج أو مناسبة أو مستشفى يتركون أطفالهم عندي أنا وخواتي
لكن حنا نقول عادي يحطونهم إن كان بيروحون المستشفى لكن نتضايق إن بيتركونهم لما يروحون المناسبات والعزايم ونتضايق من كثرة زياراتهم علما أنه أخواني أكبر مني بخمس وثمان سنوات ودايم يساعدونا الله يحفظهم في كل شي
بس بصراحة يا أخواتي هل أنا وخواتي مخطئات لما نتضايق من أطفالهم وإن كنا مخطئات اش نسوي ما نقدر نتحمل ضجتهم الله يحميهم
وإن كان الخطأ من أخواني كيف نبين لهم أنه حنا نتضايق من غير ما نحرجهم الله يوفقكنننننننن ياليت تساعدونيييييييي والله يجعله في ميزان حسناااااااااااتكن وتسلمووووووووووووووو

وعليكم السلام ورحمة الله وبركاته ...
أختي الغالية ..
معك بعض الحق أنكم تتضايقوا بسبب أزعاج الأطفال ...
لكن أخوانك ماقصروا معاكم وتعاملهم زين معاكم ..
لازم تردوا الجميل ..
ووتخيلي نفسك في مكانهم ..
لازم تحتاجي أهلك يرعوا أطفالك في يوم من الأيام ..
وحبيبتي لازم تجدي طريقة حلوة مع الأطفال حتى مايزعجوكم ..
مثل شغل وقتهم بالألعاب..أو قناة أطفال هادفه ..
أو حتى تلعبي معاهم وتستمتعي في وقت وجودهم تعيدي أحلى ذكرياتك
بالأناشيد ..والألعاب الحركية ..وتصويرهم بالفديوا وتجعليهالحظات ممتعه ..

أما أن كنتي تريدا الخروج من المنزل
ووجودهم سوف يمنعك من الخروج ..
أو كان عندك ظروف ووجود الأطفال يتعبك ..
أو يزعج الوالدين ..
فلاباس بإخبارهم بأسلوب لطيف ...

بالنسبة لسؤالك لست مخطئة وضعكم تشتكي منه كثير من البنات

ههههه
الله يعينك صحيح الاطفال مزعجين مرات

لكن لطيفين و حبوبين

اول شي حطي نفسك مكان اخواتك تبغي احدي يشيل عنك شويه

وبعدين فعلا زي ما قالو الاخوات اشغليهم بشي يعني اذا كانو كبار شويه و فاهمين حتى لو 3 او 4 سنين جيبي لهم الوان ما ئيه مثلا من التعليم المبكر تروح من الملابس حتى و خليهم يخبصو زي ما يبغو

او اي لعبه فيها حركه

والله يعينك قدمي الجيمل حتى تلاقي بعدين ان شاءالله وقت الحاجه

شوفي حبيبتي طبعاً انا ضد أن الأمهات يطلعوا كثير لكن لو خواتك طلعاتهم معقولة معليش لازم تشيلوا عن بعض ، انتم ماشاء الله أكثر من أخت في البيت ومش قادرين على أطفال يجوكم كل كم يوم ، أتخيلي اخواتك شايلينهم طل يوم وطول الوقت ألا يستحقوا أن ينفسوا على أنفسهم قليلاً ، وبعدين إذا مش أنتم شلتوهم وريحتوا خواتك شويه من اللي بيعينهم ؟ .
حبيبتي بكرة بتتزوجي وبتخلفي وبتعرفي أن الزواج مسؤولية وهم كبير ، والأم بحاجة أن ترتاح وتنفس عن نفسها مرات لتستطيع أن تكمل مسؤوليتها ، هذه لو مكنة وتشتغل على طول بتنحرق وبتخرب فتخيلي كم ستكون طاقتها ، أنا لا أقول أن تكثر طلعات أو تتأخر لا طبعاً هذا الشيء مرفوض للأم والبنت العادية اللي بدون زواج ، لكن بالمعقول لا بأس به وانتم ماشاء الله عددكم أكثر من أخت بإمكانكم المساعدة ليش لا ؟ في الأخير أولاد أخواتك في مقام ومعزة أولادك ، يعني بعدين لو اتزوجتي وخلفتي بتملي من أطفال ؟ أكيد لا ، فمعليش ساعدوا اخواتكم وبكرة هما بيساعدوكم وهذه نعمة من الله انكم مجموعة بنات يعني قادرين تشيلوا عن بعض ، ومثل ماقالتلك الأخت قرب أعملوا لهم برنامج يستفيدوا منه عشان مايزعجوكم وربي يجزاكم كل خير ويخليكم لبعض وتشيلوا عن بعض على طول .

نفس الحاله خواتي يطلعون ويتركون اعيالهم عندنا اما اعيالهم مزعجين ومايحترمونا وذا ضربنهم عن الخطا يزعلن وابوي كبير في السن ومايحب الازعااااج وهن عااااادي عندهم الله يعنكم ويعينااااااا

كتبت بواسطة أعتز بديني
[]السلام عليكم ورحمة الله وبركاته
أخواتي الحبيبات يمكن أنا لأني عمري 27 سنة ومن أيام كنت في المتوسطة وأنا أتحمل بزورة أخواني إلين هذا السن طفشت وأنا أنتظر دوري في أنهم يشيلوا عني ههههههههههههههههههههههه أما أخواتي الحمدلله لما نشكيلهم همومنا مع أطفال أخواني يحسوا في مشاعرنا (فكرة خطييييرة صح)
أخواتي الغاليات قرب وعيون 123 وأخت فرولاية جدة والعربية المسلمة ومعلمة الأجيال الله يسسسسسسسسسسعدكم يارب ويفررررررررررررررج كل هم في قلوبكم والله أنكم حسستوني فعلا بالأخوة وأنكم أهل نصح بحق أسأل الله أن يجعلكم كالغيث أينما حل نفع والله يصلح أحوااااالي مع أخواني اللي زعلتهم بسبب هذي المشكلة ووأنا ملاحظة فعلا أنهم زعلوا مني إن شاء الله ترجع قلوبنا زي أول لمن كنا في صفاء نية آآآآآآآآآآآآآآآآآآآآآآآآآآآآآآآآآمين ياااااااااااااااااااااااااااااااااارب






اختي شكرا لانك ما زعلتي من كلامنا دا اول شي

و تاني شي الله يساعدك و يخفف خرجات المتزوجين ههههههههههه

والله يكتب لك الاجر يارب