انا حبيت اطرح عليكم الموضوع دا انا عندى واحدة صاحبتى بقى لها 4 شهور متجوزة هى متجوزة عن حب وحاربت الدنيا كلها علشان تتجوزه وهو كمان حارب الدنيا كلها حتى اهله علشان يتجوزها وعمل المستحيل وراح لاهلها كلهم واحد واحد واصدقاء والدها المهم مش هطول عليكم حوالى بعد اسبوعين من الجواز هى قالت انه متغيرشى معاها بس المشكلة انه بدا يضربها هو مش ضرب مبرح بس اهو ضرب واهانة وذل ويقولها ان هو ندمان انه اتجوزها تخيلوا بقى لهم 4 شهور وضربها اربع مرات اخر مرة كانت اول امبارح كلمتنى وهى منهارة الغريب انه بعد ما بيضربها بيقعد يتاسف لها ويعتذر ويقولها انها لحظة شيطان ويبكى مثل الطفل الصغير ويقولها انه بيحبها والكلام دا هى كل مرة بتهدده انها تقول لاهلها لانه عارف ان اهلها عمرهم ما هيسكتوا على الموضوع دا انا قولتاها تقول لوالدها بس هى خايفة انهم يقوللها ان دا اختيارك وانتى اللى كنتى عايزه كدا ياترى ايه الحل؟تقول لاهلهاولا تصبر وتستحمل انا بصراحة مش عارفة افيدها ازاى وقلت ان الحل عندكم

للاسف انا عندى واحده صحبتى متجوزه من 4سنين برده عن قصه حب وزوجها برده بيضربها فى وقت غضبه ومع ذلك بيقولها انه بيحبها جدا وهى كمان بتحبه جدا برغم ضربه ليها وخلاص هى اعتبرت الضرب ده شىء عادى فى حياتها
انا مش عارفه بصراحه ازاى يبقى بينهم كل الحب ده ويضربها

لا تعليق

اختي حتى ما نتسرع بالحكم لنضع احتمال انه عنده مرض نفسي معين لانه كما تقولين يحبها ويعتذر لها ويبكي كمان يا عيني اكيد مو طبيعي انصحها تستشير اخصائي نفسي وخصوصا انها في بداية زواجها حتى ما تكبر الامور