السلام عليكم ورحمه الله وبركاته
اخواتي العزيزات اريد اخذ مشورتكم او حتي دعواتكم لي بتفريج همي لاني نفسيتي تعبانه اوي ونفسي اتكلم وافضفض بس مخنوقه ادعولي بتفرجي همي ومساعدتي في هذا الامر

مشكله زوجي مش عايزة اقلب في الامور الكتير اللي حصلت لي معه والتي دخلت وحكيت ما حدث منه اخذت اراي الاخوات منذ فتره ولا اريد ان اقول القديم مره

لكن وبعد رضاء بالكثير من الظلم والموافقه على الاستمرار مع الاسف من اجلي حبي له ومن اجل ابنائي وبيتي ان لا يهدم

الجديد القديم الغير قادره على التعامل معه هو اسلوب زوجي عند مواجهه باي شئ فعله او يفعله ومهما يكون غلطان وتاكدت من غلطه لا اعرف ان امسك عليه الغلطه عند عتاب واجده يهرب من الكلام مهما يكون معي الحق وقبل مواجهتي بما عرفت بكون في حاله نفسيه يرثي لها من بكاء وحزن وتقليب في القديم وافضل اقول لنفسي لماذا اتحمل كل هذا والله بخاف يحصل لي حاجة من شده الحزن

ولاني مش بعرف اخبي حاجه عنه ومش بعرف اتعامل معه غير لم اعاتبه وافضي قلبي مما اعرف اجده دائما يهون الموضوع يا اما يقول لا حول ولا قوة الا بالله يا اما انت بتقلبي في الماضي ليه على الرغم ان الماضي بكون لسه عارفه في وقته بس خلاص طالما هو عمله في الماضي يبقي خلاص متكلمش فيه حتي لو محروق دمي منه

يا اما ان عملت كده علشان مش عايزة ازعلك واكتشفت اني انا اكتر واحده مش بيخاف عليها ولا على زعلها

معرفش انتوا فاهمني ولا لا وفكرني ولا لا لما حكيت عن قصصي مع زوجي ودلوقتي في مواجهة جديده لامر جديد اكتشفته ومنذ اسبوع وانا ابكي منذ معرفتي ووصلت لدرجه اني مش قادره اواجه لان عارفه رد الفعل حيكون مفهوش اي تقدير لحزني ولا مشاعر وحيخرج من الموضوع وكان شي لم يكن بس المره ده في ظلم علي وعلى ولادي كمان وانا والله مش مقصره معه خالص وبحاول ارمم اللي باظ مننا في حياتنا وبحاول على قد ما اقدر امشي امور حياتي علشان اسرتي ما تتهدمش مش عارفه اعمل ايه واتعامل معه ازاي تعبت من كل يوم اكتشاف جديد وهم جديد ونكد وحزن مش بلحق استقر وارتاح الا لما يتفتح باب حزن جديد علي الله المستعان اللهم لا شكو منك الا اليك هون علي يارب وفرج همي

واخيرا لا تنسوني من صالح دعواتكم بتفريج الهم وازاحه غمي في القريب العاجل

ربنا يفرج همك ويسرلك امرك ويهديلك جوزك اميين يا رب العالميين

يارب العالمين يفرج همك وهم كل مسلم يارب العالمين

ام عمار ياقمر
انتى بتتكلمى عنى انا وجوزى والله الظاهر ان فيه رجاله كتير كده ربنا يهديهم يمكن اختلاف نفسياتهم عن نفسياتنا وطباعهم عن طباعنا وتقديرهم للمواقف عن تقديرنا
هاحكيلك موقف حصل بيننا قريب وانا فى اخر التاسع كان عندى زياره للدكتوره لقيت قدامى حالات كتيره اوى طلبت منه يروح يخلص مشاويره اللى طبعا المفروض مش اهم منى انا وابنه ويبقى يرجعلى لما اتصل بيه علشان يدخل معايا علشان المفروض انه يتفق مع الدكتوره على المستشفى اللى هاولد فيها وكمان كنا عايزين نتطمن على البيبى على السونار نزل الحوض ولالا تخيلى سابنى قاعده 4 ساعات متواصلين رغنم انى اتصلت عليه يرجعلى ودخلت وحدى عن الدكتوره ونزلت استناه الساعه2 فى الشارع لان الدكتوره قفلت العياده وكنت هاموت من الرعب ماانتى عارفه اختك
ولما فيييييييين جالى كانه ولا عمل حاجه ولما رجعنا البيت الكل قعد يسال عملنا ايه وانا اجاوب بالنيابه عنه كان كان موجود علشان مفيش حد ينتقده
طبعا انا نفسيتى كانت متدمره وحسه انى نفسى اقعد اصرخ انتى عارفه كمان التاسع مش بنبقى متحملين فيه ازاى
تانى يوم باعاتبه واقوله ايه اخرك عليه امبارح قالى هو انا اتاخرت ؟؟؟؟؟؟؟؟؟؟؟؟؟؟؟
هههههههههههه نكته مش كده
انا باه ريحت نفسى صراحه وعملت حاجه ممكن تكون غلطه فى حق نفسى بس صراحه ارتحت وحياتى بات اهدا وهى انى طوعت نفسى على طباع جوزى وغيرت من نفسى 180 د بانى حاولت انى اكون اكتر بلاده واحيانا احتوى الموقف بانى بس ابكى جوه نفسى واحس الدموع نازله جوه قلبى وبس خلاص احيانا هو بيحس بكده وبيقدرنى وساعات بيبقى ولا على باله بس عامة التوتر قل بيننا وانا شويه وبانسى او بمعنى اصح باتناسى
يلا لنا الله هو القادر يفرج همى وهمك وهم المهمومين
ولا تزعلى نفسك ياقمر دنيا وهاتعدى

اخواتي الغاليات جزاكن الله خيرا كثيرا والله نفسي اتكلم كتير اوي بس علشان اوضح الامور تاني لازم ارجع احكي تاني حاجات صعبه وقصه طويله مؤلمه وفيها تفاصيل كتير وانا كنت حكيت موضوع مرتين على فترات متباعده وطبعا مش معايا اللنك علشان احطه مره تانيه بس حرجع ارد على واحده واحده واحاول افصل اخر موقف اللي واجهته بيه وكالعاده طلعت ان فاهمه غلط ومعنديش حق ومش لازم اقلب في القديم اللي دايما مأثر علي

معلش النهارده اجازة ومش حعرف ارد على كل واحده بكره بامر الله حرد عليكم يارب يفرج هم الجميع