السلام عليكم ورحمة الله وبركاته.
انا عندى مشكلة وعيزاكم تساعدونى فيها لان انا تعبت خلاص انا من النوع الى بيتأثر بالى بيحصل حواليه يعنى اى حاجة بتأثر بيها حتى لو شفتها فى الشارع برضه اقعد افكر فيها وطبعا من هذه المشاكل المشاكل التى تحدث فى البيت
انا عندى والدى طيب جدا وحنين جدا ونحسبه من المتقين ولكنه عصبى جدا جدا اى حاجة لو كانت صغيرة يغضب ويزعقلنا وهنا لا يفكر فى المذنب من الى غير مذنب وعلى طول يزعل ماما حتى لو على حاجة بسيطة جدا وماما جزاها الله خيرا على صبرها معنا ولكن امى لا ترد عليه وتسكت حتى لو قال ايه وعلى طول تقول له ربنا يخليك ليتا ولو لفينا الدنيا مش حنلاقى زيك فأنا بتصعب عليا وممكن تبقى قايلاله ده دلوقتى وفى نفس الوقت لو شاف حاجة يزعق ولو قلناله حاضر يقول انتو بتقولو حاضر ومش بتعملو حاجة انا بزعل جدا وبحس انى مخنوقة وعايزة ارد واتكلم تبصلى امى وكانها بتقولى ماترديش عيب اروح ساكتة مع العلم ان ابى قلبه ابيض وبيحبنا ومش حرمنا من حاجة وفى ساعتها يصفى فامش عارفة اعمل ايه ولما حد من اخواتى بيرد عليه بزعل جدا فانصحونى اعمل ايه لما اخواتى يردوا مع انهم لاياخذوا بنصائحى اعمل ايه.

اختي

مافي الا العافية
انا والدي الله يحفظه كان زي والدك تماما
اللهم احفظهم جميعا

بنفس الوصف اللي وصفتيه
العصبية و عدم التفاهم
كله نفس الشي

بس انا اتغلبت على العصبية بطريقة اني ادخل فيه اكثر
يعني
لو كان قاعد لوحده مثلا احط راسي على كتفه
او اضحك معاه بنكته او موقف طريف حصل معايا
اعرف هواياته
يعني والدي مهندس معماري و ايضا مصمم ديكور
فكنت بشتري كل كتب التصاميم و الديكور
حتى لو كلفتني مبلغ و قدره
بس في سبيل ان والدي يتغير للاحسن
وفعلا
صار مختلف جدا معايا
حتى لو في اي مشكلة عنده او هم
بيتكلم معايا انا بدون ماما
حتى بعد ما اتزوجت وانجبت وصار جد
اتغير تماما
وماما بتقولي
انت عملت فيه ايه ؟
قلتلها خلطة سحرية
هههه

ان شاء الله مافي الا الخير
حاولي اعرفيه اكثر
وادخلي فيه
اعرفي بيحب ايه
وفاجئيه يوم بحاجة بيحبها وما كان متوقعها منك

لو معصب سيبوه لوحده
وما تتكلمو معاه الا لمن يهدا خالص
وممكن تدخلي عليه بكاسة شاي نعناع مثلا و قولي
عشان ترتاح يا بابا
مالك خير ؟

يعني اكيد حيتغير حتى و لو بعد فترة
بس في النهاية
حيعرف معنى الحنان
والحب
والاحترام

تحياتي