اول مرة اتكلم مع حد فى مشكلة شخصية كدة بس انا عارفة انكم حتدلونى على الحل الصح خصوصا وان اهلى مسافرين ومفيش حد معايا هنا
اولا زوجى مبيحبش يقعد معايا انا والعيال يعنى يحب يقعد معايا لوحدنا اما العيال فيتخنق قوى من وجودهم بالرغم من حبهم الشديد له الى ساعات بيفضلوه عليا فى حاجات كتير لكن هو من طريقة كلامه عليهم ليا بحس حبه ليهم قليل قوى يعنى الشعور مابينهم متناقض
ثانيا عمره فى حياته ماقلق علينا لاى سبب عمره مافكر ممكن يكون جرى لينا حاجة لو مرديتش على التليفون او كان مغلق
ثالثا لا يحب المسئولية بتاتا ولايسال حاتاكله اية او اجبليكوا اية ودة طبعا بيبقى فى الصغر لم يعوده احد على تحمل المسئولية(هو و اخوته كلهم)
رابعا عصبى لابعد حد على العلم بانى كنت زمان شخصية هادية وناعمة لكن تقدروا تقولوا بعد عشر سنوات اصبحت اكثر عصبية ولكن ليس معه بالطبع انما مع اطفالى الذين ليس لهم ذنب غير انهم اطفالنا
خامسا لااعرف كيف اصالحه لما يزعل منى فعندما اكلمه برفق يتنرفز اكتر عليا ولما ادلع عليه ممكن يبعدنى عنه وممكن يغلط عليا
سادسا دى اكبر مشكلة بيكدب كتيييييييييييييير اوى فى الجد والهزار
سابعا غامض جدا ومش ممكن اعرف اللى فدماغه
ثامنا لايهتم الا بشغله ولا يفكر الا فى شغله
مش عايزكو تفهمونى غلط انا يمكن بدات بالعيوب علشان زعلنين مع بعض لكن ميش حد كله عيوب ودى بعض الصفات الكويسة
اولا يعرف ربنا ونفسه دايما يبقى من العباد الصالحين
ثانيا مش خاين
ثالثا كريم
رابعا كان متجوزنى عن حب (من طرف واحد ولما صارحنى بعد الجواز حبيته)
عايزة اعرف انا معاة صح ولا لازم انهى حياتى معاة انا نفسيتى تعبانة جدا ياريت الاقى عندكم الحل وربنا يهدى

حبيبتي اصبري واحتسبي....
انتوا بينكم اولااااااااااااااااد وهذا نصيبك.......

المهم انه يخاف رينا وما يكون مقصر معاكم....

ومسألة المشاعر مو بيدنا نتحكم فيها.....

والرجاله هم كده... الصفات اللي قلتيها صدقيني معضم الرجال يحملون هالصفات.....

وفزمنا هذا ماراح تحصلين رجال كامل.....

المهم ارضي ربنا وارضهيه وخلي بالك من الاولاد.....

انتي بتتكلمي عن ثلاث ارباع الرجال في المجتمع العربي
بس هل فكرتي لو كان بخيل كان ايش اللي صار
طيب لو كان ما بيخاف ربه
او لو ايده طويله وبيضرب
ولا لو خاين ومعيشك بغيره وقلق
احمدي ربك هو بس عنده برود في التعامل معاكم
واولادك لازم يعودوه انهم دايما معاه هم حيتربوا لوحدهم؟؟
فهميه انه ببعد اولاده عنه بايديه وبكره حيكبر ويحتاجلهم
والباقي استحمليه مدام مش منكد عليك على طول
يعني كلها عيوب ممكن تعيشي معها
وهو بخاف عليكم بس زي ما حكيتلك ما عنده اسلوب يعبر فيه
واحتسبي الاجر

اختي الكريمة ربنا يباركلك في ولادك وفي زوجك دام ان زوجك يحب يقعد معاك ديما نيمي الاولاد بكير وهيئ جو لزوجك ثانية الاولاد لازم يكونوا في احسن حالتهم لاما ابوهم يجي علي البيت يعني بخي ريحة حلوة ليهم ومثلا اشتري هديا ليه بس خلي الاولاد يقدومها لابوهم وخليهم ويقولوا حق ابوهم بابا نحن بنحبك وخليهم يهجموا علي ابوهم ويعلبو معوا خلي الصلة بناتهم مباشرة لان فكري في بعدين وشوا بصير معك لما بيكبرو ومفايش علاقة بينهم انت اللي رح تحصلي في مشاكل الها اول مالها اخر
واطلعوا نزهة كلكم جهزي اكل بالبيت واطلعوا واللعبو اللعاب جماعية واعملية كيكة وكلكم قطعوها انت خلي الاولاد هما اللي يبدوا يعني اول مابيرع من العمل هيك خليهم يعملوا كم حركة حلوة يبوسوه ويجبو المغلسة يغسلولو رجليه
ولما بدوا ينام ايغطوه هيك حتي يحبوا بعض بس وينك ماتخليهم ينسوك

انا اشكركم جميعا فانتم نعم الاصحاب والاخوات
طبعا مقدرة مجهود كل واحدة تعبت نفسها وكتبت ليا كلمات تهدىء بها من زعلى وانا جتلى فكرة من خلالكم وبقوم بتنفيذها فاذا اثمرت سوف اعلمكم بنتائجها (رغم التجارب الكتير اللى قمت بعملها لكن دى بالنسبة لي جديدة ومعملتهاش) ادعولى
واخبار التجربة قريب جدااااااااااا