أنا توأم الجوري واطرح لكم معاناه نعيش أحداثها حاليا...

قدر الله وتزوجت أختي الكبيرة وهي معلمة رجال متزوج وعنده اربعة بنات وحرمته مريضه بالسرطان كان شرطها يكون لها بيت شرعي اذا نقلت من المنطقة اللي متعينة فيها لها سنتين من غير بيت مرة عندنا ومرة عند اهله ومرة في شقة مفروشة وعلى كذا عندها بنت راعت ظروفه في ولادتها الاولى ودخلت بيت زوجته وجلست معاة فترة النفاس اللي هو صيف العام الماضي وكانت صابره على اشياء كثيرة عشان يمكن يتحسن الوضع لكن مافيه فايده الرجال تمادى في هضم حقوقها ويحسبها ساكته خايفه منه بس اهي تقدر وتحترم العشره والبنت اللي بينهم بعد ثلاثة اشهر حملت الحمل الثاني ورجعت مقر عملها وكان يجيها في الشهر اربعة مرات في بيت ابوي لان ابوي اهو اللي جالس معها طول فترة تدريسها ماكان يصرف عليها المهم جاء نقلها في المنطقة اللي فيها سكنه مو في مقره بس هذي المنطقه ماهي بعيده عن مقره كثير وجات تطالبه بالسكن وقال لها بعد الولاده ولدت عندنا وجابت بنوته حلوه وخبروه اهلي وجاء سلم عليها وخرج حتى ماكلف على نفسه جاب حاجه بسلامة حرمته وبعد اربعة ايام اتصل عليها وقال ابغى اسلم على بناتي ماكان احد في البيت اللي انا واختي والشغاله قال باخذ البنت الكبيره اللي عمرها سنة واشتري لها من البقاله حلاوه وراحت معاه بعد ربع ساعة دق عليها وقال البنت نزلتها معايه جدة في بيت حرمته بس حرمته عند اهله في منطقة ثانية واخذت كل شي لها في البيت هي وبناتها وراح تستقر عند اهله في بيت خاص لها خاصمت اختي وقالت رجع البنت ماسمع لها دخلت خالي في الموضوع وكلمه وقال اذا تبغى بنتها تجي في بيتي هي وبنتها الثانية رفضت وقالت بنتي بتجيني بالطيب او بالقوة دخلنا اهله في الموضوع واعترفوا ان ولدهم غلطان وجلست البنت عنده اسبوع وفي اخر الاسبوع بعد مارفض التفاهم اتصل على اختي وقال اذا تبغي بنتك تعالي انتي واخوك وخذيها ماردت عليه ولمن سالته فين البنت قال عند واحد من اصحابي نزلوا له اليوم الثاني ومعاهم ابوي دخلوا عنده ولارحب فيهم اتكلم معاه ابوي وتناقشوا في الموضوع حتى اختي رضيت ببيت زوجته بشرط يغير الاثاث ويرتبه وتسكن فيه رفض هذا كله وقال بنتي ماراح احد يأخذها وكان جنبه مسدس وقام رفعه عليهم ومسكه اخوي وربطوه بحبال وضربوه واختي اشفت غليلها منه بالضرب والكلام وسار مايسوى حاجة المهم انها طلعت راضيه عن نفسها والى الان مااخذت بنتها مرت ايام حاولنا الصلح لكن مانفع معاه
بعدها باسبوع جانا اتصال من الشرطه ويطلبون ابوي واختي واخواني كلهم اللي مالهم ذنب عدا اللي راح معاها!!!
وسبب الاتصال شكواه لدى الشرطه بأنهم سرقوا مسدسه واعتدوا عليه .. والصحيح انهم خذوا المسدس دفاع عن انفسهم وقطع للشر .. الخطأ اللي وقعت فيه اختي انها مابلغت الشرطه في وقتها صارت اتصالات بيننا وبين اهله وتهديدات منهم وبعدها دخلوا شيوخ وناس معروفين في الصلح لكن مانفع فيييييه ......!
راحت اختي يوم الاحد المحكمه تطالب بالخلع منه وحضانة بناتها ونفقتهن ..
حددت لها جلسه اليوم الاربعاء حضرت اختي وهو لم يحضر ... قال لها الشيخ انهم بيستدعونه من مقر عمله عشان يرجع بنتها اتصلوا عليه المحكمه وقال مايمديه يجي الاسبوع هذا واحتمال يجي الاسبوع اللي بعده وحولوا القضيه الى محكمة جده في مقر عمله ............ وادعوا الله لها ياخواتي بأن الله ينصرها على هالزوج الظالم المتوحش وان يرجع لها بنتها فلذت كبدها اللي ماعادت تنام ولا ترتاح من بعدها وكلنا نفس الحاله لانها اول حفيده لنا .....

هذي مشكلة اختي بالتفصيل وارجوا منكن مساعدتنا ببعض الحلول السديده
واثابكن الله ........

الله يهدي ما خلق ويصلح الحال

اللهم فرج همها وإجمعها بإبنتها عاجلا غير آجل وإنصرها يارب العالمين

الله يفرج همها ان شاءالله

الله يفرج همها ان شاءالله