السلام عليكم و رحمة للة و بركاتة
انا عايزة اقولكم حكايتى و قولولى رايكم
اولا انا سيدة مخلصة جدا لزوجى ست بيت من درجة اولى شهادة كل من حولى
ام لملاكين متميزين فى الدراسة و متفوقين رياضيا و محبوبين من الكل
تزوجت زوجى زواج تقليدى جدا
الفرق بينا 11 سنة و تزوجنا من سبع سنوات بعد فترة 6 شهور خطوبة
طبعا كان فية اعتراضات كتيرة من ناحيتى
بس اهلى كانو بيحبوة جدا
و نظرا لان ماكانش فية حد فى حياتى وافقت
و قلت فى نفسى اكيد فرق السن هيخلية حنين عليا
اتارينى كنت غلطانة
بقالى 7 سنين مستحملة كلام بايخ فى كل مناسبة
و ساعات اكون عند اهلة و احكى حاجة يقولى ماحصلتش و يحرجنى و لما نروح البيت افكرة يقولى لما حكيتى ماكنتش فاكر
اقولة انا تعبت من شغل البيت هاتلى شغالة ان شا للة مرة فى السنة يقولى اومال لو بتشتغلى برة البيت كنتى عملتى اية
و على فكرة كم الشهادات و المنح الى معايا يخلينى اشتغل لولا انى عايزة اربى ولادى بجد و فى بيت اهلى عندنا شغالة دائما
غلبت اقولة عايزين نجدد الوان البيت بدل ما الحيطان اتبهدلت من كتر الغسيل و نغير ارضية غرفتى غرفة الاطفال بصراحة ايديا اتبهدلت من دعكهم كل اسبوع بالكلور عشان ينضفو يقولى لما نشترى شقة جديدة بقالنا فى الموضوع دة 4 سنين
هو مبرمج كمبيوتر فظيع و لما اقولة صلحلى الكمبيوتر عشان باظ مايعملش اى حاجة
هلكانة مع اولادى كورسات تمرينات شغل فى البيت مجاملات لاهلى
و اقولة نخرج لوحدنا شوية يقولى ازاى تفكرى اننا نرمى الولاد عند اهلك و نخرج
صدقونى ربنا اعلم انا مابخرجش معاة خالص
لاغينى من حياتة الاجتماعية يعنى عزا او فرح او خروجة من ناحية اهلة او حد من صحابة اكون موش معاة
لو مجاملة لحد من اهلى طبعا باعملها مع والدتى و ممكن اعملهاش اصلا
طول الوقت و هو برة البيت موش عايزنى حتى ازور جارتى
و اللة العظيم انى مرة نسيت ورق مذاكرة ابنى فى العربية تحت البيت مارضيش انى انزل اجيبة و استنيتة لما جة متاخر و طلعة معاة
طبعا يمكن حد يقول ان لبسى او شكلى مضايقة
انا الحمد للة بشهادة الكل جميلة بيضا و عينيا ملونة و شكلى اصغر من سنى
من نوع الستات الى الصبح مبهدلين فى شغل البيت لكن وقت رجوع زوجى لازم اكون اجمل من اى وقت و البارفان ريحتة ماليا لشقة و يمكن 4 اصناف جاهزة على ترابيزة السفرة احب الموضة جدا و ادور على الجديد فيها و مهذبة بحكم تربيتى
طب موش عايزنى اخرج معاة لية موش عارفة
طول الوقت بيحسسنى انى لازم اخدمة و اخدم اولادة و ان دة اى ست بتعملة و ماتستناش حاجة
لو طلبت منة اى طلب يرفضة و بعد ما اكون نسيت يعملة و يقولى عشان كنتى مؤدبة و مازنتيش
انا زهقت خلاص من الى انا فية
و بقالى يومين فى بيت اهلى موش عارفة اعمل اية ؟
بس حتى البيت ماوحشنيش و موش متصورة انى اروح
بجد انا موش عارفة اعمل اية
لانة اخر مرة كان ابنى عندة بطولة و كانة يوم عيد حضرت لبس جديد و فرحانة بية و نقاة معايا خلانى يومها انزل معيطة لانة اعترض على كل حاجة
بجد حد يقولى اعمل اية

أنا حاسة فيك

الحياة يبغالها صبر

وانت في نعم كثيرة ، ولعل فيك اكتئاب هذه الفترة ، جعلت منك زهقانة من الحال إللي أنت فيه
أصبري على زوجك ، وأدعي أن الله يسخره لك .
البيوت فيها أكثر من كذا و أصعب .
الله يعيننا و إياك .

و هناك حكمة ( لا تفكر في المفقود حتى لا تفقد الموجود)

اعانك الله اختي العزيزة
ننتظر آراء العضوات إن شاء الله يلاقوا لك حل

يا عزيزتي طولي بالك
انت فعلا واضح انك عندك شوية اكتئاب الفترة ديه
كل اللي ذكرتيه موجود في كل البيوت وعند كل الرجال تقريباً
اختي المرأة تتزوج وفي بالها توقعات كبيرة للحياة الزوجية ولكنها تتفاجأ انها لم تحصل على نصف هذه التوقعات !! وهنا تبدأ في البحث عن المبررات وتضع الاسباب
فأنت تقولين لأن فارق السن كبير ، ولكن لا أعتقد ان فارق السن له علاقة ابداً بما قلت
زوجك رجل عملي وبالعكس مما وصفتي اجد انه انسان محترم لا عيب فيه فهو لا يقصر بحق بيته ولا مع اولاده يتكاسل عن بعض الأمور ولكنه يرجع ويعملها !! إذن هو انسان حنون وطيب
المشكلة عزيزتي انك تنظرين الى نفسك وتحللين الأمور من منظورك دون وضع زوجك في الحسابات ، يعني تقولين انا جميلة وصغيرة ومعي شهادات ولا ينقصني شيئ مدلله عند اهلي واعتدت على الخدم طيب كل هذا جميل ولكن أين زوجك وإمكانياته وما يرغب ؟!!
نصيحتي لك لا تربطي الأمور ببعها ولا تكثري من التحليل فلشيطان يعميك عن رؤية المزايا التي تعيشينها في محاوله منه لخرب بيتك فلا تعطيه المجال
تقولين انا عند اهلي حالياً طيب لماذا ؟!! لا يوجد سبب قوي يجعلك تهجرين بيتك من اجله موضوعك بسيط بإذن الله وله اكثر من حل
ما انت بحاجته فعلا هو تدريب زوجك مع الوقت والعشرة الحسنة على تنفيذ ما تريدين وبدون هذه الحساسية المفرطة فهو زوجك لا تتعاملي معه على انه انسان مطلوب منه ان يفعل كذا وكذا وهوه لا يفعل هذا غلط عزيزتي
ما انت بحاجته فعلا هو كيد النساااااااااء

الله المعين اختى

اختي ببساطة زوجك ليس رومانسي ... برأيه ان كل شي عم تعمليه منشانه هيدا واجبك واي زوجة تانية بتعمل متل اللي عم تعمليه لزوجها ... يعني هو ما شايف اي سبب للعتب اللي انت حاطتيه بقلبك من كل الاشياء الللي ذكرتيها .... وهو فعلا في نساء متل ما حكيتي بتكون مرتبة وحلوة وذكية وبتشوفي زوجها بيتزوج عليها مثلا ... يعني زوجك بالنهاية مانه رجل سيء ...

كل ما في الامر ان هو رجل واقعي وعملي ... ما بهمه ان تطلعو سوا لوحدكن او هي الاشياء اللي بالنسبة لألنا نحنا النسوان شغلة عظيمة والدليل الوحيد للحب ...

اختي صدقيني الحب اله اشكال كتيرة ... يعني المسؤولية واهتمامه بالاولاد وتعامله معك يعني لا تدققي عالمواقف الصغيرة ولا تكوني حساسة كتير ... خلي عندك ثقة بنفسك بشكلك بانه بحبك بس الرجال هيك طبعن ... وجد لا تطلبي وتعاتبي كتير لأن الرجال ما بحبو كتر الحكي ....

جربي تحسسي زوجك انك ممنونة لاله وانك مقدرة تعامله معك وشايفتيه ما في منه وشوفي كيف زوجك بيعاملك بالمثل .... صدقيني الرجال بحبو نحسسن انن شغلة عظيمة وكل ما عاتبتيه كل ما صار لئيم معك ...

الله يخليلك ولادك وارجعي لبيتك وقرري تفتحي صفحة جديدة تغيري فيها كتير اشياء بحياتك .. شيلي كل الافكار السودا من حياتك وحاولي تفتحي قلبك للفرح ...

السلام عليكم واللة انا مبسوطة بيكم و بردودكم جدا
هو بصراحة غير انى فى بيت والدتى علشان زعلانة
انا كنت باعمل كيراتين لشعرى و زيى ما انتو عارفين شغالنة 4 ايام

فى السجن مظاليم شكرا ليكى و كلمة لا تفكر في المفقود حتى لا تفقد الموجود
صدقينى اثرت فيا اوى

سوما شكرا للدعاء جزاكى اللة خير

abeer taher
هو انا محتاجة حبة كيد نسا اكيد بس موش باعرف

تاملات الماضى شكرا جدا

Rimaa
هو انا هحاول معتبش علية فعلا و يا رب الموضوع يجيب نتيجة

ابل باي
ما شاء اللة على زوجك ربنا يهدية ليكى دايما و يكون سبب من اسباب سعادتك فى الدنيا

bichebicha1
تصورى و انا بقرا الرد بتاعك ارتحت جدا
فعلا انا موش ذكية اجتماعيا و الموضوع دة بيضايقنى من نفسى كتير
انا هحاول اغير اسلوب الكلام و ربنا يعينى
استفدت من رايك جدا شكرا ليكى

أم شدى
ان شاء اللة هاروح بكرة و باذن اللة ربنا يستجيب الدعاء و يهدى زوجى

جزاكم اللة خيرا كلكم
مهما دعيتلكم مايوفيش النصايح الى نصحتوهالى