كل عام وانتوا بالف خير جميعا.
اخواتي اليوم اختلفت انا و زوجي بالرأي على موضوع اول شي انا بغربة وما بعرف ناس كتير طبعا حالي متل حال اغلب المغتربات..
اول ما اجينا على هالبلد اتعرفنا على ناس صديق لزوجي ومرتو ومن جديد اتعرفنا جميعا على ناس جداد رجلين وزوجاتهم يعني صارت المجموعة 4 رجال و4 نساء هلأ الشباب في يوم بالاسبوع بيروحوا بيلعبوا فيه شدة ونحنا النساء بنقعد ببيت وحدة منا على الدور,,, اللي صار حاليا انو في اثنتين من النساء صاروا يحكوا على الست التالتة اللي معنا انها حسودة وهيك شغلات بس انا لما حكوا قدامي قلتلهم لا حرام هي مش هيك لانو انا فعلا ما شفت منها شي غلط يعني ليش احكي عليها وهي منيحة معي بس لما هم شافوا اني مش ماشية معاهم بالحكي والنميمة على هاي الست وغيرها طبعا صاروا يحاولوا يتقربوا لبعض اكتر,, هلأ انا قلت لزوجي من باب الفضفضة وانو صديقي لانو انا بغربة واهلي وخواتي بعاد عني لمين بدي احكي غيرو يعني
زوجي فهم الموضوع انهم متل اللي بيحاولوا يبعدوا عنا طبعا هم وازوجاهم وانو متل ما بيحكوا على هديك الست اكيد بحكوا عليكي (هاد رايي زوجي)

انا قلتلو انو مو فارق عندي ازا حكوا علي او لا لاني انا اصلا كتير حريصة بكلامي معهم وما بزعل حدا وما بحكي ولا اي شي من اسرار بيتي لاي انسان بس بنفس الوقت بتسلى معهم حتى لو ما كانوا كتير بيشبهوني بطريقة التفكير والحياة يعني بمعنى اخر تمضية وقت عشان ما اضل عايشة لحالي..

اللي صار انو زوجي بيقولي خلص بلاها طلعات النسوان ازا هم هيك بفكروا لاني انا اللي بهمني انتي وما بحب اي حدا يدايقك ابدا,,, قلتلو انا بقدر كلامك كتير انو بتفكر هيك عشاني بس انا بتسلى بتمضية الوقت معهم وانت اللي مكبر الموضوع انا ما بيفرق عندي يحكوا اللي بدهم اياه بما اني مو غلطانة بحدا بالاول قلي انتي عاقلة بتفكيرك الحمدلله بس لما زادت حركاتهم يعني متل انو بيطلعوا سوا وما بيحكوا لحدا وعليها قيسوا طبعا وانا ما زلت عند رايي انو تمضية وقت وبس قلي ازا انتي هيك بدك اوكي بس ما عمرك تيجي تشكيلي منهم ابداااااااا..
مع اني والله ما كنت اشكيلو انا كنت بس احكيلو عن اللي بسمعو وبشوفو اني مستغربة منهم ليش هيك بيتصرفوا ..

هلأاتفقنا انو عادي رح اضل اشوفهم يوم بالاسبوع لما زوجي يطلع مع الشباب عشان ما اضل بالبيت لحالي ما انا طول النهار لحالي اصلا لما يكون زوجي بالشغل بس هو مو مقتنع بكل الموضوع يعني موافق على مضض ....... انا بدي اخد رايكم هل انا تفكيري صحيح ولا المفروض فعلا ابعد عنهم بس بنفس الوقت اضل عايشة لحالي يعني صحيح انو زوجي معي وبنطلع دايما سوا الحمدلله بس انتوا عارفين انو اي وحدة فينا بحاجة اوقات لقعدات نسائية حدا يكون عندو نفس اهتماماتك..
شو رايكم يا صبايا افيدوني بارائكم واسفة عالاطالة وانشالله الاقي تفاعل منكم بالموضوع..

اختي فلسطينية
أهلا و سهلا بك معنا
و كل عام و انت بخير

وجهة نظر زوجك معقولة ووجهة نظرك انت معقولة
و التصرف في هكذا مواقف يعتمد على شخصية الانسان
يعني أنا مثلا لا أحب أن أصاحب و لو مصاحبة عادية
الا انسانة اثق في اخلاقه و تكون نفسيته صافية و سوية
و بطبعي انتقائية في علاقاتي بشدة
و لا أحب أن اعمل علاقات لمجرد عمل العلاقات
و في رأيي العلاقة اللي فيها من تحت لتحت و عقد نفسية و اسقاطات
يبقى بلا منها
لكن انت ممكن تكون وجهة نظرك مختلفة
فممكن انك لا تتحسسين كثيرا من كلام الناس
و ما تفرق عندك و تستفيدي فقط من تمضية الوقت معهم
و عدم الشعور بالوحدة (طبعا بعيدا عن مجلس الغيبة و النميمة لأنك تؤثمين في هكذا مجلس حتى لو لم تشاركي في الغيبة)
و عندك قوة تحمل و قدرة على التأقلم مع شخصيات الناس حتى لو لم تناسبك


و لكن وجهة نظر زوجك صحيحة أيضا
فقد تعتقدين أن الامر لا يتعدى مجرد كلمات من ورا ظهرك
لكن هل ان سمعت تلك الكلمات هل سيبقى عندك نفس الفكرة ?
ألن تتضايقي فعلا ??
لو كأن الكلام الذي يتحدثون به عليك من خلفك ليس صحيحا و افتراء
كمثلا أن ينقلو عنك كلآم في حق احداهن انت لم تقوليه
أو يتهمونك بأمر صعب و او افتراء و يصلك الكلام
هل يمكنك ان تحافظي على هدوؤك و تتقبلي الامر عادي دون ان تتحطم نفسيتك

المشكلة أننا لا يمكن أن نتوقع الى أي حد تصل أفعال الاخرين
و قد يحصل أمر كنا نعتقد انه من عاشر المستحيلات أن يحصل
لكنه يحصل فعلا و نصدم و نتأثر لعدم توقعنا وجود اشخاص
يصل بهم الامر لهذا الحد من سوء و شر

و المسألة نسبية كما قلت لك لكن عليك أن تكوني حريصة و مهيئة لآي أمر

و الأصل الصحيح هو البحث عن الرفقة الصاااااااااااااالحة
و هذا ما يحث عليه ديننا الحنيف و يوصينا به
فالرفقة الصالحة خاصة في الغربة تعينك على الاعمال الصالحة
و تحفظ سرك و تعينك وقت الحاجة و تساعدك ما استطاعت
يسكن قلبها خوف الله و تقواه فلا تغتاب و لا تنم و لا تفعل ما يؤذيك
نفسيا او فعليا و لا تفعل ما يغضب الله
و لا تتخلى عنك وقت الحاجة و لا تخونك و لا تطعنك

لذا فالصداقة تتحقق في تلك الصحبة
و ما دون ذلك من علاقات لتمضية الوقت و نبذ الوحدة
فهي أمور مؤقتة محكوم زوالها
و أحيانا الانسان يشعر بالغربة و هو بين حشود من الناس
فلا يكفي مجرد وجودنا بين الاخرين لنشعر بالانس

و لا تنسي أنك عرفت حقيقة هؤلاء السيدات
يعني لا حجة لك بعد ذلك ان فعلوا ما يؤذيك
فعليك أن تتوقعي ذلك و تهيئي نفسك على أساسه

بالتوفيق ان شاء الله

والله كثير من النساء بهذة الصفات وانت انسانة فاضلة وتخافى الله ومنك قليل في هذا الزمن بارك الله فيك وراى من راى الاخت انجى وكل عام وانت بخيرررر .........

اختي ضلك مصاحبتيهم بس ما تفتحي مجال لاي وحدة منهم تحكي على حدا
يعني غيري الموضوع ازا كان مش عاجبك
بعدين متل ما حكيتي ما تحكي اسرار بيتك لاي حدا وبهيك انتي بتضلي بالسليم

اختي انجي تسلم ايديكي ردك حلو وشامل للموضوع من كل الجوانب وكلامك مقنع شكرا الك حبيبتي

الاخت انجي ما قصرت وانا اوافقها
الرفقة الصالحة ابحثي عنها وستجديهااا
تحياتي لك يا احلى فلسطينية