السلام عليكم ورحمة الله وبركاته ..
انا وزوجي تزوجنا عن حب وقناعة تامة ..وفترة الخطوبة كان انسان رائع بمعنى الكلمة ..وكان رومنسي وحساس ويحكيلي على كل حاجة ..وكنا اصحاب جدا ..وكنت كل حاجة في حياته ..وكنت متاكدة من كده وانه مش بيتصنع ..
وكان كريم معايا جدا ..
لكن بمجرد ما تزوجنا تغير تغيير جذري ..بقى انسان غامض وكسووول وبخيل ..حتى في التعبير عن مشاعره بقى بخيل وكل فترة لفترة اسمعلي نص كلمة حلوة ولما انا ابادر ..والبوسة مافيش الا على السرير وساعات ياخذ غرضه من غير بوس ..
وانا مشكلتي اني دلوعة وبحب نفسي جدا وبحب انه يدلعني ويعبر لي عن حبه واعجابه بيا ..تصوروا كرهت حتى اني البس له ملابس مغرية ..احسه بينزعج اني اوريله جسمي لما البس جينز وسبورت يقول كده احسن ..مع ان جسمي حلو ..مش رشيقة جدا بفعل الانجاب والولادة لكن انا عارفة ان جسمي حلو بالارواب وملابس النوم هو مش عايزها حتى بالليل ..
طيب ان احترمت مزاجه وماعدتش بالبس ..
لما اتفنن في الطبخ واعمله كذا صنف واهتم بالمظهر للاكل ..احسه يمل بسرعة ويقول مافيش داعي لكل هالبهرجة ..احس اني انكسر من جوه ..
ساعات لما القاه لوحده اجيله احضنه وابوسه ..يقول لي انا لسه ماصليتش ..مع اني مش فاهمة ايه علاقة البوس بالصلاة ..هو ممكن يتوضى ويصلي عادي ..اسيبه واقوم ..اشوفه يصلي ويرجع لمكانه من غير مايجيني او يندهلي ..
انا حنونة عليه جدا بس هو قاسي وجاف ..مع انه مش نكدي ولا عبوس ..بس بارد يعني مش رومنسي ..
عشرته طيبة لو رضيت اننا نعيش اصدقاء ببيت واحد ساعات يصير بينهم علاقة على السرير مرة كل 10 ايام او اكثر ..
عتدي منه ولدين والان حامل .
وانا زهقت من كسله ..من عدم طموحه ..من بروده ..لا مبالاته ..لو اكون مريضة والبيت يصير مزبلة مستحيل تنهز له شعره انه متضايق من الوسخ او انه يرفع ولو شوكة ..
ولما اطلب منه مساعدة يقول لي سيبي ولما تخفي ابقي وضبي بالراحة وانا مستحيل ارضى بالوسخ احس اني مرضي يزداد عليا خصوصا اني هالفترة اتوحم وعايزاه يحن عليا ويدلعني بس هو بارد جدا ..
هو اللي اصر على الحمل ..
ولما حملت حسيته بارد لافرحان ولازعلان واحسه يتضايق لما يشوفني دايخة والا مرهقة ..مع انه مايصرحش بس احس بيه ..
بقى هو في عالم وانا في عالم ..
غيرت من نفسي من شكلي من غرفتنا ..
كل فترة اجدد حاجة على انه يتغير مستحيل ..بارد ,,صامت ..كسول ,,,
كتوم مابيحكيش على حاجة خاااالص ..ولما اطلب حاجة للبيت ينطق لي ستين عرق ولا يبجيبها الا لما هو عايز مع اني عارفة انه يقدر يجيبها لكن في الاكل بصراحة مايبخلش ..
وانا عايزة منه اهتمام حب احتواء صداقة ..اشعاري بانوثتي ..وانه محتاج لي ومشتاق لي ..
هو كده من لما تزوجنا يعني انا متاكدة اني مش غلطانة معاه في حاجة علشان يعاملني كده ..
انا عايزة نصيحة اغيره ازاي ..اخليه يسمعني ويحكيلي ..
ويهتم ببيته ووضعه وانه يجمله زي ماحلمنا زمان ايام الخطوبة ...ارجوكم احترت فيه مع اني بحبه لكت زهقت منه ومن طبعه البليد لولا اني خايفة على اولادي ماكنتش هاعيش معاه لانه زي قلته ...مع احترامي له ..

اشكرك اختي ملاك ..
انا فعلا بحاول اعمل كده بس هو كسلان حتى انه يقوم يصلي معايا باحس انه مالوش مزاج لحاجة .. يسمع محاضرات دينية وانا ساعات اجي اسمع معاه ..لكن انا محتاجة للرومناسية ...عمرك شفتي واحد ليلة خميس الساعة 1 ونص بالليل جات وهو لسه قاعد بيسمع محاضرات ..لكل حاجة وقتها ومايحبش اتدخل في حاجاته ...باقول يللا نصلي سوا يرفض ...
انا باحفظ قران اقول له سمعلي بحسه يتضايق ومالوش نفس ولما بتحايل عليه يسمع لي وهو مبوز ...
من فترة عرفت بالصدفة انه بيحفظ سورة الكهف وماقاليش فرحت جدا وطلبت منه اسمع له اللي حافظه رفض ...مش عارفة اتفاهم معاه في حاجة ...

يوم عسل ويوم بصل..

اشكرك ام ميدو على الرابط الرائع

حبيبتى انت واضح انك فعلا علشان الحمل حساسة اوى بس انا عارفة وحاسة فعلا بكل حرف كتبتية بس زى ما قالو لك البنات الرجالة مختلفين عنا انت كلمة حلوة ممكن ترفع فوق السحاب ولو حسيتى انك مزعلاه تحسى ان الدنيا بقت ضلمة حواليكى هما طبعا مش كدة
فعلشان تريحى نفسك
اولا
اقرى قرأن كتير وصلى وادعى ربنا يهديهولك
ثانيا
اشغلى نفسك بحاجة غير التفكير فيه صدقينى دة بيجيب نتيجة ( وبطلى تقولى له كلام انك عايزة حنية ودلع والكلام دة دلعى انت نفسك لنفسك ) واسفه بطلى تستدرجى مشاعرة لاء بطلى دة مدة عارفة النتيجة هيستغرب التغيير هتلاقية هو اللى بيجر معاكى ناعم ( الممنوع مرغوب )
اشغلى نفسك بالقراية
بالكتابة
بتنظيم البيت
باولادك انت ليه مش شغله نفسك باولادك بالعكس انت لما هتهتمى باولادك فترة زيادة عنه هيغير وهو اللى هيطلب انكم تفضوا لنفسكم وقت تقضوة سوا ..
واقولك لو ظروفك تسمح ومثلا عايشة فى مصر سافرى مكان حلو شرم الشيخ - العين السخنة - الحتت دى تخلى الجبل ينطق والله
وربنا معاك
بس تنضيف البيت والحاجات التانية مفيش فيها امل لانها معانااه كل الستات ودة قدرررررررررررررر