السلام عليكم ورحمة الله وبركاتة

انا انسانه عاديه وعندي بنت عم قريبه لي مرة يعني مثل اختي او اكثر
ومرة انا واياه شي ماتتخيالونة وعندي زوجة اخوي وعلاقتي مع زوجة اخوي عاديه يعني مابيننا خلافات ولا يحزنون يعني ماخبي عنه شي وهي بعد مثلي وفجاة انقطعت بنت عمي لمدة شهرين وادق عليه وارسل من هالمسجات ولا ترد علي قلت غريبه وفجأة تدق علي امي وتقولي نبي نطلع للحديقة حنا وبنت عمك وابيك تجين عاد انا منقهرة منها قلت لامي السالفه اني ادق عليه ولاترد علي واخر مرة دقيت عليه امس ولااقدر اجي قالتلي امي خلاص ابقوله ان ولدك تعبان قلت اوكي
راححت امي و اخواتي وجت بنت عمي وقالت له امي وينك من زمان ماجيتينا ولا تكلميني وانا مثل امك جت بنت عمي قالت له ان زوجه ولدك داقه علي وانه تسبكم وانه تقول ان شهرزاد تكذب عليك وانه تكلمك تبي تاخذ اخبارك واخبار اهلك
وانه قلبه اسود ومن هالكلام وان زوجة ولدك تقول اني اذا رحت لم بيتهم اتسبح عاد تقول بنت عمي ان زوجي يقول انتي مهبوله ذي شهرزاد صديقتك وامه مثل امك لاتصدقين كلامه ومن بكرة دقت علي زوجه اخوي تبي خدمة وعطيته الي تبي يوم سكرت دقت امي وقالتلي السالفه عاد انقهرت المشكله اني ماسويتله شي وبهذيك الايام كنت حامل ونسيت السالفه وراحت الايام ويوم كنت عند اهلي
دقت اختي على زوجة اخوي وهن متفقات انهن يروحن لحديقة مع بنت عمي الي نقلت لنا الكلام وقالت اختي له وينك وردت عليه انا بالحديقه جت اختي قالت له يالخاينه ليش ماقلتيلي مو احنا متفقين اضحكت زوجه اخوي وسكرت وقالت لاخوي اسمع وش تقول اختك تقولي خاينه نزله اخوي وجاء لبيت اهلي وقاعد ينفخ وش دخلكم فيها وتهاوش هو واختي وطلعت لغرفته عاد انا قلت لاخوي المفروض انه قايلتلي فشله قدام الناس وقعد يهاوش جيت قلت له كمل الناقص وقل بعد ان قلبي اسودمثل زوجتكانصدم وجلس يطالع فيني وقال هي قايلته قلت ايه
وراح اخذة من الحديقة وهي ماله عشر دقايق نازله جت بنت عمي دقت علي وقالت لي انتي قلتي لاخوك شي قلت ايه حلفتني اني مااقول شي
قلت طيب وهينا المشكله ومن بكرة دقت تنافخ وش انتي قايله لاخوك ماتخافين ادعي عليك وانتي على وشك ولادة قلت له شوفي لوانك ماتكلمتي ماطلع
وبعدين ليش خايفه وجاء اخوي طردة لبيت اهله وقال ابطلقه وقعدنا يومين ودقت علي امي وقالت لي قولي انه ماسوت ولاقالت شي وانك انت ياخوي معصب ولا تدري وش اقول ورفضت وتقعد تمي تصيح عاد انا ماتحملت دموع امي وقلت له تامرين امر وصار كل شي على راسي تخيلو ودقيت على بنت عمي قلت له شوفي اختاري انا او هي واذا دقت عليك بطلعه مشوار قولي لها ماأطلع الاومعنا شهرزاد قالت طيب وخلصنا من الفصل هاذا والحمدلله ولدت وجبت ولد مثل العسل
وتاخر مامشى عاد يجيني اطراف كلام من زوجه اخوي ان هاذي دعوتة عاد قفلت معي وابي رايكم بلي سويته هو صح ولا غلط وصراحه اني متحسفه علشاني سمعت كلام امي تكفون ابي طريقه وشلون اتعامل مع زوجه اخوي

مادام منتو عايشين في بيت واحد قولي الحمد لله واشكر
ومشي كلامها خليك اقوى منها بالفعل لأن لو جينا على الكلام كل يقدر يتكلم
ومدامك واثقة انك ماظلمتيها ماعليك من حكيها

وولدك بيمشي إن شاء والله لايحرمك من ممشاه معك بالحرم يااارب

وسعي صدرك اختي الدنياء ماشية ومو ماخذين حكي فلانه وفلانه

انا تعبت من القراءة بسبب اللهجه وبعض الكلام مش فاهماه على العموم ربنا بيتقبل دعوة المظلوم وطالما انك لم تظلميها لا تخافي في اطفال بيتاخروا في الكلام والمشي ولو ان تي ملاحظه حاجه مش طبيعيه وديه للدكتور يشوفه والباب اللي يجيلك منه الريح سديه ولا تختلطي بزوجة اخوك كتير
ولا تكثري معها اي كلام الكلام للضرورة فقط فهذا افضل من القيل والقال وما فعلتيه من تحقق الكلام ليس خطأ ربنا قال (ان جاءكم فاسق بنبإ فتبينوا )وانت تبينتي ومن حقك وكده عشان تخاف تتكلم تاني وكل واحد يتعرف على حقيقته