السلام عليكم ورحمة الله وبركاته بدي اخد رايكم بقصة لح جن منها بنام وبفيئ انا وعم فكر
اا تزوجت من سنتين وشوي المهم فورا حملت الحمدلله والمعلومة الاهم انو زوجي وحيد على 3 بنات ومو بس لامو وابو وكمان لعمامه لانو كل عمومو ماعندون غير بنات بس صورت وطلع صبي زحل عقل الكل من الفرح لانه من زمان ما اجاهم صبي يكبر اسم العيلة المهمة بدون نقاش عرفت انو لح يتسمى على اسم ابو وماكان عندي مشكلة ابدااصلا الاسم حلو ومو بشع بس صار عمر ابني سنة حملت والحمدلله هي نعمة بس كانت حماتي دايما تئول انو الولد لازم يسمي على اسم الاب والام ماكنت ناقش بالموضوع وانا حاكية بالقصة مع جوزي ابل نتزوج انو مافي داعي نسمي على اسم الام وهي عادات قديمة لاهي سنة ولافرض المهم صورت بحملي التاني وطلع معي بنت فقلت لزوجي انو بدي سمي البنات انا وانت سمي الصبيان فقلي انو امو من زمان بتقلو بس تكبر لازم تسمي على اسمي ضلت حاكي لقنعتو انو سمي البنت على كيفي فرضي مقابل انو احكي مع حماتي واخد اذنا فوافقت المهم سافرت على بلدي مشان ادم امتحان ابل ماارجع لعند زوجي فتحت الموضوع مع حماتي متل مااتفقنا انا وزوجي المهم مرت عمي وبكل عصبية ولئم التلي هي بنتك وسمي على كيفك وانا ما بحكم عليكي هون انا زحل عقلي من الفرح وفورا سكرت وبدي بشر جوزي لسا ما عم احكيلو شو صار بسمع صوت موبايلو الي سكري هي ماما بدي شوف شبها انا استغربت سرعتا وليش اتصلت بابنى المهم اتلو رجاع اتصل في وخبرني شو يتقلك اتصلت بجوزي فقلي ماما كتير كتير عم تبكي وزعلانة وما بعرف شو اعمل التلو ليش مشان الاسم الي لا لانو ال انتي يلي فتحتي الموضوع طبعا هي حجةانا لقيتا
المهم المسا رجعت حكيت مع جوزي الي انو امو زعلانة وطول النهار عم يتصل فيا ويراضيا المهم اتلو طول بالك بدك انا براضيا ال لا
تاني يوم الصبح اتصل فيي الي انو بدي الك كلمتين ابو حكى معه والو انو امك طول الليل عم تبكي وما بعرف شو والمهم انو لاتزعل امك التلو شو المعنى الي انو لازم نسمي على اسم ماما اتلو بس الاسم قديم واسمي لسا اجدد انا مابدي سمي الي مارح احكي معك لترضي اتلو انو هي بنتي وطول فترة حملي وعدتني واتفقنا عى اسم وهلا بس لح خلص السابع عم تئلي بدك تسميا عالاسم امك مارح ارضى وتخانئت انا وجوزي وسكرت المهم انا وجوزي رجعنا حكينا فقلي جوزي تركيلي بس هالبنت سميا وسمي بعدين كل الاولاد على كيفك انا ما وافقت لاني شايفة انو البنت بنتي ومن حقي انا وجوزي نسمي وماحدا لازم يدخل بالموضوع والاسم قديم شوي والحقيقة جوزي مو قدران يزعل امه مو قدران يزعلني بس الي انو هو مارح يرض لتتسمى البنت على اسم امه انا استغربت اصرار جوزي لهي الدرجة مع انو كنا متفقين
بس رجعت على بيتي سئلت جوزي ليش غيرت رايك لانو امك بكيتلك شوي وهاد مو حقها الي لا
المهم من يومين رن موبايل جوزي الي شوفي مين بعتلي مسج وانا بحياتي ما فكرت افتح موبايلو انا وعم اقرئلو المسج شفت مسجات جايتوا من امه بنفس الوقت يلي كنا متزعلين فيا كاتبتلو بواحد من هالمسجات ربيتك ياطيري وطعميتك من خيري ولما كبرت تركتني ورحت لغيري وباعتلو كمان وقل ربي ارحمهما كما ربياني صغبرا المهم جوزي راضا امه والها انو ما بصير غير متل مابدك والي انا مابدي زعلك ومابدي سمي غص من عنك بس لازم نسمي عالاسم ماما والمشكلة انو بس اولد بيكون جوزي لسا مانزل وعمي يعني ابو هو يلي بدو يسجلهاشو اعمل احرد وما وافق ساوي مشكلة والله هي بنتي وانا يلي حملتها وانا يلي بدي اولد واتعذب فيا ولا ارضى وجوزي الي والله مابنسالك هالمعروف طول حياتي بس ليش لازم دائما اخسر ادام امه وانا يل معب الحق ليش لازم ساير وهي بنتي وانا احق بتسمايتها مابعرف حاسة اني لح اظلمه بهالاسم شو رايكن انصحونيحاولت بكل الطرق وما مشي الحال شو ساوي

سئل سماحة الشيخ عبد العزيز ابن باز - رحمه الله -:

لقد رزقني الله سبحانه وتعالى بأبنة وأردت تسميتها وأرادت زوجتي اسماً آخر فاقترحت الاقتراع على الاسمين، وأسميناها حسب نتيجة الاقتراع، فهل هذا من الألزام؟ وإذا كان كذلك فكيف نفض هذا الخلاف؟ وهل التسمية من حق الوالد فقط؟ أفيدونا جزاكم الله خيراً.


فأجاب: القرعة في مثل هذا من الأمور الشرعية لما فيها من حل النزاع وتطيب النفوس وقد استعملهما النبي صلى الله عليه وسلم في أمور كثيرة وكان عليه الصلاة والسلام، إذا أراد أن يسافر أقرع بين نسائه فأيتهن خرج السهم لها خرج بها ولما أوصى رجل بعتق عبد له ستة ليس له غيرهم أقرع النبي صلى الله عليه وسلم بينهم فأعتق اثنين وأرق أربعة.

والتسمية من حق الأب ولكن تستحب مشاورة الأم فيها تطيباً للنفوس وتأليفاً للقلوب، ويشرع لهما جميعاً أن يختارا الأسماء الطيبة ويبتعدا عن الأسماء المكروهة ولا يجوز في التسمية التعبيد لغير الله كعبد النبي وعبد الكعبة وعبد الحسين ونحو ذلك لأن الجميع عبيد الله سبحانه . فلا يجوز التعبيد لغيره.

وقد نقل العالم المشهور أبو محمد بن حزم اتفاق العلماء على تحريم التعبيد لغير الله ما عدا عبد المطلب، لأن النبي صلى الله عليه وسلم أقر هذا الاسم في بعض الصحابة رضي الله عنهم جميعاً. وبالله التوفيق. (فتاوى إسلامية


اذن حبيبتى استسلمى للامر الواقع و افهمى زوجك الكريم انك انما تفعلين ذلك ابتغاء مرضاة الله اولا ثم هو ثانيا

و افهميه ايضا انه لايجوز ان تعيشا حياتكما ارضاء للوالده الكريمة بهذه الطريقة ...

و لكن تلطفى فى الحديث معه

فانتى لا تدرين مشاعره و امه تتباكى بهذه الطريقة ...

و اهم شئ عندنا ان تقومى بالسلامة باذن الله و معك مولودتك الحبيبة سلمية معافاه من كل سوء

بارك الله يك حبيبتى و هدى لك زوجك و اهله

شكرا كتير على هالرد الحلو والمفيد ياسحر وعن جد بدي حدا يئلي كلمة واقتنع لقرر كنت شو اعمل
ردك حلو ومقنع مع اني واللهي العظيم اني غاصة بالاسم شوي بس شوبدي ساوي بوكرا بتعود يمكن مابعرف

والله ياانجي انا اقترحت من الاول انو زوجي هو يلي يفتح الموضوع مع امه بس هو الي انو هيك عم حطوا بموقف كتير كتير محرج مشان هيك الي لازم انتي يلي تفتحي الموضوع لاني مافي واجه ماما وكلامك اني حاول مع امه مافي لانو هي اصلا وقت حاكيتا واتلى بدي سمي من بعد اذنك اتلي سمي على كيفك وهي بنتك وانت حرة وانا ما بدخل ونكرت انو طلبت من زوجي انو يسمي على اسمها وهي حلفت يمين بعد المشكلة يلي ساوتها انو مابدى زوجي يسمي
بس هي كلها حركات نسوان متل مابتعرفي وهاد خلى زوجي يصر اكتر على تسميتها والي اصلا ماما انكسر خاطرها وما بدى ياني سمي على اسمها ابدا وبلشت تبعتلوا مسجات وكمالت القصة عرفتيها وصدقيني ما عم صدق اني هيك لح سميها والله ماعم تنبلع معي

اختي سميها بشهادة الميلاد على اسم حماتك وبينك وبين جوزك ناديلها بالاسم اللي بدك ياه والله شكلها حماتك متل حماتي مفكرة حالها مراهقة الله ياخد كل الحماوات العاطلات

اول شى الله يتميم حملك على خير واتقومى بسلامة تانى شى بتقولى هو وحيد امو طيب من حقه وحق امو يسمى على اسمها حتى لو كان الاسم قديم وانتى يا اختى ان شاء الله ربنا بعطكى كمان اولاد وسمى متل ما بدك ليه ما تجبرى خاطر حماتك اعتقد اجمل شى ارضاء الوالدين انتى بتحبى ترضى امك وابوكى وزوجك كمان وحماتك ما طلبت شى كبير وليش انتى متصورة حماتك سلفة لكى متلا هذه حماتك بمقام امك يعنى بتقولى انا الا احملت والى اخره ايه معك حق بس مش للهدرجة يعنى انا الحمد لله عندى 5 اولاد صدقنى ما سميت ولا ولد ولا بنت فيهم التلت بنات بنت على اسم حماتى والتانية على اسم اختو الله يرحمها والتالتة على اسم جدتو اما الاولاد على اسم ابوه وجدو كذلك وين المشكلة لو ارضتى زوجى وحماتى العبرة مش فى الاسم العبرة فى الفعل ما يستاهل انك تزعلى ويزعل زوجك وحماتك من شان الاسم اسم قديم حليمة عايشة فاطمة ميسر صبحة وضحة مالهم الاسماء هههههههه
الله يقيمك بسلامة