السلام عليكم ورحمة الله وبركاتة
ازيكم يا حلوين عاملين اية
النهاردة جيت اكتب موضوع مهم قوى قوى يخص كل البنات والمقبلات على الزواج وحتى المتزوجات حديثا
بس انا مش هكتب حاجة .انتوا اللى هتكتبوا كل حاجة
كل واحدة تدخل تكتب نصيحة او تجربة مرت بيها واتعلمت منها حاجة
تقولنا علشان البنات تتعلم من اخطائنا
ونكسب فيهم ثواب ونشوف فى سعادتهم اللى يعوضنا عن اللى احنا ما شوفنهوش
وعلى فكرة مش لازم النصيحة من اللى تعبوا او فشلوا فى حياتهم بس لالالا
احنا عايزين تجارب اللى نجحوا واللى فشلوا علشان البنات والمتزوجات حديثا يتجنبوا الحاجات دى
ومستنية تفاعلكم

لي عوده بإذن الله عندي الكثير اود قوله
والموضوع جاء في وقته

إختيارك للموضوع موفق أختي جزاك الله كل خير

وفي إنتظار النصائح من المجربات

تسمحيلى اكون اول واحده تدخل .. واقول كل اللى اعرفه .. عن موضوعك

انتى موضوعك ممتاز وهيفيد كل مقبله على الزواج واللى متزوجه ...

انا متزوجه ..

من خلال اربع سنين جواز قدرت اعرف ان الرجل عبار ة عن طفل كبير ( اتمنى من الرجال ميزعلوش منى )عاوز عنايه حب رعايه اهتمام بالظبط زى ما بتعاملى ابنك او بنتك
دايما حبى جوزك بكل عيوبه بس المهم متديهوش كل الحب مره واحده بالعكس اديله الحب ده ببطئ او بالقطاره حبه حبه مش مره واحده والا هيزهق

اى مشكله تقابلك من رأى بلاش تقوليها الا للى عنده خبره وبيحبك ويخاف عليكى

خليكى صببببببببببورة اوى اوى مع زوجك صبر ايوب فهمتونى صبر ايوب بجد زى ما بتصبرى على ابنك او بنتك لأنه ساعات الزوج بيعدى بمشاكل وتقلبات بره البيت انتى متعرفيهاش ولما بيلائيكى صابره عليه ومستحملاه بيلين ويرجع كويس من تانى وبيشيل ليكى الجميل والصبر ده

دايما حسسيه انك ضعيفه ومحتجاله بس مش بإلحاح ودايما تزنى عليه انا محتجالك لأ بلاش كده حاولى مره كده تفهميه فى جلسه حلوه وانتوا بتتفرجوا على التليفزيون مثلا اد ايه انك مبسوطه وهو معاكى وادعيله دايما بالتوفيق

اللمسات دى صدقونى انا جربتها وليها سحر غير عادى ..

اتمنى اكون وصلت لكم كل الخبره الصغيره مش الكبيره اللى عندى الجواز زى البطيخه زى ما بيقولوا بالبلدى يعنى يا حمرا يا ...... المهم انتى تقدرى تتكيفى مع الشخص وتحى فيه مميزاته وعيوبه وتأقلمى نفسك حبى الحياه ودايما قاومى

اتمنى لكل فتاه مقبله على الجواز ان تختار شريك حياتها صح وبالعقل قبل القلب واى مشاكل فى الاول سهل التراجع وبلاش تكملى على مشاكل ..

اتمنالكم كل الخير من قلبى ...

شكرا لكى سوما وجروح الورد انا فى انتظارك
وردة مصرية تسلمى على الرد الجميل دة ونورتى موضوعى المتواضع

فينكم يا بنات

نصيحتي هي لا تجعلي مشكلتك انتي وزوجك تخرج خارج الباب فستندميييييييييييييييييي ندم ندمته انا
سمحي زوجك لانك لست ملاك كل ابن ادم خطاء وخير الخطأئين التوبين
حتي ولو عرف احد مشكله من مشاكلكم ايااااااااااااااك ان تفضحيه فلا ولن ينساها لكي طوال عمره
هذه من الواقع المؤلم الحمد لله