الحقيقة كان هاد رد على موضوع الخت ستايل هير انه بتزوري اهلك كل قد ايه ؟؟؟ بس انا كنت بدي اكتب عن هالشي لانه كتير مضايقني وهي حطت ايدها عالجرح وبدي راي اخواتي العزيزات هالموضوع ....ااااااااااااااااخ بدي كنت اكتب موضوع عن هالشي لانه كتيررررررررررر مألمني يا جماعة
الحمد لله زوجي لا يمانع وخصوصا من اجل بر امي يعني مو كل يوم بس اذا مرة او مرتين بالاسبوع ماعندو مشكلة علما انه بيت اهلي بياخد ربع ساعة مشي ... بس هو بوصلني طبعا
بس المشكلة انه انا عندي ولدين وايام بحس انه امي شوي بتنزعج من الاصوات بيت اخوي قريب عليهن وكل يوم لااااااااااااااااازم يجو لعندن وهي بتنزعج من الضجة وبتعرفوا مشاغبة الولاد ..... ولما بجي انا بحس انه كتيرررررررررررررررر متساقلة من حالي وماكتير بتبرك معي وبعدين (اهلي حالتن موكتير يعني ابي وامي موظفين متقاعدين )وبتبرك امي بتفكر شو بدها تعشي زوجي نحنا اهل ما منقيد على بعض .... بس الصهر ....!!!!
وانا عبتدايق من هالشي يعني بتكون بدها تشوف ولاد وتشتقلن بياخدوا بيت اخوي كلللللللللللللللللل الدلال لحد ماصرت اغار كتير انه لازم تحب امي ولادي متل ولاد اخوي وصرت اكره مرت اخوي وما احب اشوفها لانه بتشوف امي اكتر مني وكتيررررررررررر بنزعج لما بترد عند اهلي عالتليفون وكانه البيت بيتها ....وصارت تعرف اخبار اهلي اكتر مننا واغراض بيتن وهي بتقوم بكل شي عندن انا كتير بضايق من هالشي
واللي بضايقني اكتر انه اذا ما شافت امي ولاد اخوي يومين كانن شهرين وكتير بتضايق بس نحنا ايام ما منروح لعندا كل عشرة ايام او اسبوعين واذا كل يوم استفقدتاها بالتليفون بتقول مو ضروري كل يوم نحكي مع بعض مشان مانعرف انه ولاد اخوي عندا هنن يعني اذا ما اجا اخوي بتروح امي لعندوا عالبيت وبتجيبن ....ونحنا ايام بتجي لعنا انا واختي بس شي مانروح لعندا ..........
وبصراحة قلت محبتي لولاد اخوي لانه بشوفن امي كتييييييييييير بتدللن وايام بتحسس انا وبنزعج وبتحاول تخفي شعورها تقديرا لشعوري بس ................ مابتحسن نهائيا
الحقيقة عمنعاني من هالمشكلة انا واختي انا عندي ولدين وهي اربع ومنحب نجتمع عند اهلي بعد ماصرلنا ولاد ونحكي ونضحك وونجمع بس بحس امي مالها متل هالامهات كتير بتنبسط من جيتنا لعندا وكتير بتلمح انه تجي كل وحدة بيوم مستقل عن التانية. بس نحنا مامننبسط الا اذا اجتمعنا ببيت العيلة
حاولنا نجتمع عند بعض هي تجي لعندي وانا اجي لعندا بس ما انبسطنا متل عند اهلي لانه بتشوفي اهلك وووو...
كتير متضايقة من هالشي وايام بجي لانفجر بجد لانه 12 ساعة لحالي انا وهالولدين وزوجي بالعمل وبيت حماي مالن سالين نهائي كمان حماتي بتخاف يتخرب بيتها من الولاد ....... ومنروح لعندن بس مرة او مرتين بالاسبوع وشي ساعتين وما بتكون ممنونة حماتي مع انه بنتي عمرها سنتين ونص وابني 5 شهور .يعني مابيعملو شي
اللي مضايقني اته مافي اهتمام لامن اهلي ولا من بيت حماي وكتير بزعل على ولادي ....لوكنت بدالي شو بيكون شعورك يمكن انتو تلاقوا شي عادي وسخيف هالموضوع بس والله التفكير فيه بالنسبة كتيرررررر صعب .........ز

العزيزه جودي الصغيره انت حبيبتي من كثر حبك لاهلك عم بتغاري عليهم من زوجه اخوك. لازم تفرحي انها بنت كويسه و بتزورهم و بتساعد امك و تشعر انها واحده من العيله. هذا الشيء لازم يفرحك على الاقل هي لا تعذب امك لا سمح الله و لا تفتعل المشاكل لاهلك. شوفي حبيبتي في ناس كتير لما يكبروا لا يحتملوا اصوات الاطفال و الدوشه و التجمعات. انا اهلي صاروا كبار و لا بتحملون الدوشه. لازم تتفهمي هذا الشيء . زوري مامتك لوحدك و لا تحسسيها انك تغارين من زوجه اخيك حتى لا تضطر هي ان تخفي عنك زياراتهم لها. اعزمي امك و ابوك على الغذاء او العشاء مره في الاسبوع و مش مهم ان تعملي اكل كثير طبخه واحده المهم ان تحسسيهم انك تدلليهم في هذا العمر. و بهذا يتعودوا ان ياتو لعندك و يتعلقوا باولادك. باختصار حاولي ان تبذلي انت المجهود لروءيه اهلك بدون ما تحطي ثقل عليهم. انا لا ارى اي مشكله هنا غير انك تشتاقين لاهلك و تحبين روءيتهم و تغارين عليهم. ارجو ان تفكري في الموضوع من زاويه اخرى. ايضا حسن علاقتك بزوجه اخيك و دائما ذكري نفسك انها تعامل اهلك معامله حسنه. اعزميها عندك لوحدها حتى تقضي وقت كافي لتحسني الروابط بينكم. ارجو ان لا تكبري الامور حبيبتي لانه كل مشكلتك انك تحبي اهلك و يا ريت كل المشاكل هكذا. ارجو ان تتقبلي مروري

عزيزتي جودي الصغيرة انا متعطفة معك لرغبتك دوما في زيارة اهلك بس وضعك منيح بالبنسبة لغيرك يعني بتحكي انك بتزوري اهلك مرتين بالاسبوع نيالك وفعلا الاهل ضوع بينزعجوا من الاولاد متل ما انا بحس لما بروح لعند اهلي وانا مسافرة بعيدة عنهم وبروح كل سنة مرة وما بحب اطول لاني بحس انه الاهل بيتعودوا عالهدوء مع انه معي ولد بس بس حسيت اني رح اكون ثقيلة عليهم لو طولت هادي سنة الحياة يا عزيزتي تقبلي الموضوع برحابة صدر طيب انا ابني بضل عند بيت جده بحبوه كتير وبدللوه كتير على عين سمع اخت زوجي بس مصيبة اذا بتكرهني من الغيرة ههههه لا بمزح لانه مشقصد مرت الاخ انها تاخد الاهتمام الها ولاولادها بس كمان سنة الحياة بدون ما تزعلي مني عزيزتي انه اولاد الابن غير عن اولاد البنت لانهم بيحملوا اسمهم وبعتبروهم متل اولادهم لسه اخت زوجي بتيجي عند اهلها بالاسبوع مرة بس وبس الصبح وبتروح الظهر وما بتجيب كل بناتها لانهم ما بتحملوا الفوضى من بناتها الخمسة وانا بشوفها كل يوم لانها رح تزعل لو ما سالت عنها