السلام عليكم ورحمة الله وبركاته

كيف الحال خواتي انا فكرة الف مره عشان اتكلم معكم في هذا الموضوع ومن جد ابي المساعده اتمنى ماتبخلون علي بالنصيحه
خواتي انا وحده متزوجه وعندي بنت ولله الحمد بس المشكله اني انا عايشه مع اهل زوجي ويمكن هذي ماهي مشكله عند البعض منكن بس المشكله اذا عشتي مع ناس انتي ماتحبينهم (يمكن تقولون اذا ماتحبينهم ليه اخذتي ولدهم ) انا تزوجت ولدهم عشان ارضي امي لان ابو زوجي هو عمها وهو اكثر واحد اهتم بامي بعد وفاة امها وامي تيبي ترد الجميل بس الحمد لله الله وفقني بزوج طيب يمكن عشان رضيت امي مو هذي المشكله المشكله ان ام زوجي سببت تعاسه لامي بسبب سعيها لزواج ابوي من حرمه امي اعطتها اغلى ماتملك وهي بنتها ( اختي ) لان الحرمه الي تزوجها الوالد عقيم والطامه الكبرى انها زوجت خال الوالده وتزوجت الوالد بعد وفاة زوجها بمده طويله وامي اعطت الحرمه اختي وعمرها 6 شهور وحتى بعد وفاة خال الوالده ( زوج حرمة ابوي ) ماخذت امي بنتها الي هي اختي عشان عشان ماتزعل خالها في قبره والطامه الاكبر ان امي حتى بعد زواج ابوي من الحرمه ماخذت اختي كل هذا عشان العشره الي كانت بينهم وعشان خالها الي كان لها السند

المهم : ام زوجي هي الي سعت بالزواجه هذي زي ماقلت والله من يوم وانا صغيره ما احبها بس النصيب صرت زوجة ولدها واهل زوجي من النوع حكي من قدامك وحكي من وراكي ( قدامك ياعمري ياقلبي ومن وراكي فيكي وفيكي ) ومن النوع الي يتحكمون في الواحد 3 من سلفاتي(حريم اخوان زوجي ) طلعو من بيتهم بسببهم وانا ابي اطلع من البيت بدون مشاكل وفي نفس الوقت بدون ماتكون قطيعه لولدهم ( زوجي ) انا كذا ابي ومن جهتهم راح يحكون ومايسكتون ومن ناحية زوجي وده يطلع اليوم قبل بكرا بس هو يتحجج بالدين وان دينه راح ينتهي بعد سنتين وانا مافيني اصبر سنتين لان زوجي عنده اخ اكبر منهم واخت اكبر منه مو متزوجين طبعا اذا تزوجو مافي مجال ان نطلع تدرون اخو زوجي يقول (انه اذا تزوج ماراح يظلم بنت الناس ويسكنها عند اهله هذا ولدهم ويحكي كذا ) وزي ماقلت حتى كان لزوجي نقل وبعثه لدراسه احس ان عمي له يد في السعي ان البعثه ماتتم واتمنى ان اكون غلطانه لان عمي رفض ان اروح انا وبنتي مع زوجي اذا جته نقل لمنطقه ثانيه كل هذا عشان مااطلع من بيتهم وحتى اذا طلعت انا وزوجي لبيت اهلي او نتمشا يقفون عند الباب تحقيق وين ومتى تجون واذا طلعنا ازعاج بالجوال وينكم وينكم
انا ابي اطلع من بيت اهل زوجي قبل لا يتزوج اخوه او اخته عشان لا تكون في حجه عشان نجلس على فكره زوجي اخر العنقود عنده أختين الله لا يبليكم بمثلهم

اتمنى انكم ماتخذون عني فكره غلط والله شاهد علي ان صار لي 4 سنين ماشافو مني غير الاحترام وتقدير لدرجه اني انادي ام زوجي يمه ( رغم انها ماتستاهل ) وابو زوجي اناديه يبه الله يخليكم ساعدوني قبل لا نفسيه تتعب زياده الكل يوقف معي ويعطيني النصيحه بس قبل حطو نفسكم بمكاني من جد خواتي ساعدوني لا تخيبون ضني فيكم انا لجأة لكم من بعد الله هو القادر على كل شي
واسفه على الاطاله

كل الي كنت تسويه ربي ما يضيعه ويجازيك عليه .

واذا لدرجة الكلام من ورا ظهرك لا تواجهيهم بالكلام عشان لا تزيد المشاكل

اذا زوجك راضي على الخروج اخرجي عشان لا يزيد الكلام وما يلاقوا شي يتكلموا عليه .

تقبلي مروري .

الجئي الى الله والله ما راح يخيبك قومي وادعي في جوف الليل وانتي متاكدة ان ربنا ما راح يخدلك
حاسة بيك وبالمك الله يعينك يا قلبي ويوفقك لما فيه الخير لك ولاسرتك
تقبلي مروري

شكرا خواتي ( احترت اعبر _ ناديتو _ noran5 )

من جد نصايحكم فادتني ووسعت علي والله ان تطورات صارت من جد الكل مستغرب فيها وطلعتي من البيت صارت قريبه وسهله ومتى مانبغى

ومن جد الله يعطيكم العافيه ويفتح لكم ابواب يجزل لكم الثواب ويرزقكم بغير حساب ويغنيكم بحلاله عن حرامه ويحفظكم بحفظه وييسر امركم ويجعلكم من المتقين وصحبتكم من الصالحين ويسكنكم في أعلى عليين ويسعدكم بشفاعة الامين اللهم امين