احنا الحمد لله استقرينا على شقة العجمي ودلوقتي المشكلة انه ظهرت شقة تانية جنب الأولانية
مساحتها أصغر شوية بس متشطبه والأولانية كنا هناخدها نص تشطيب

المشكلة انه عشان ناخد الثانية لازم أدي خطيبي فلوس علشان نكمل حق الشقة وبابا ما عندوش مانع
بس اخويا عمل مشكلة وقال ما ينفعش ندفع معاه حق الشقة علشان دا هيخليني أتأخر شوية في الجهاز
ودلوقتي حبيبي موافق على الشقة وبابا بعد ما كان قال قدام حماتي انه موافق عايز يغير رأيه علشان أخويا مايزعلش

ونا مستعده أديله كل الفلوس بس من غير مشاكل مع حد( انا عندي معظم جهازي بس ناقص اللبس والملايات والحاجات دي وفاضل المطبخ- البوتاجاز-الثلاجة- والسجاد والستائر)
ايه رأيكم نديله الفلوس ولا ناخد الشقة الثانية ونعد نشطب واحنا لسه هنستلمها في شهر 5 ونبتدي نشطب ويرجع يدفع اقساط ويجيب عفش

الله يجازيها كل خير اللي ترد عليا

اهلا اختي الحبيبة

ادا كنت ستدفعين الكثير لخطيبك حتى تشترو الشقة الثانية

فياريت تدخلي فيها شركة معه اي تكتب باسمه و اسمك معا

و هدا حق لا يزعل منه و حتى يشعر خطيبك بالمسؤوولية

خاصة انكم لا زلتم في فترة خطوبة

و مادام حتحرمي نفسك من الجهاز و تتاخري فيه

فعالاقل يكون فيه مبرر قدام اخوك و هو ان الشقة مكتوبة باسمك و اسم خطيبك

و هدا حل جيد ان كنتم مصرين على اخد الشقة الثانية و فيها مصلحتكم

بدلك تكوني انت تنازلتي عن النقود

و خطيبك تنازل لك عن جزء من الشقة بحسب ما ستدفعين

و حتى تتجنبي الاحراج مع خطيبك

اجعلي والدك هو من يطلب دلك من خطيبك بحجة خوفه عليك و على مستقبلك

و ان كان هدا الحل غير وارد عندك

فلا انصحك ان تدفعي نقودك كلها من اجل الشقة

و دون اي تنازل او تفهم من خطيبك كما تنازلت انت

و في هده الحالة ممكن ان تبقي على الشقة الاولى و يتحمل خطيبك النتائج مثلك

اتمنى لك كل التوفيق

أختي شكرا لردك

بس هو قال انه هيديلي الفلوس في جمعيه انا وهو داخلين فيها وهناخدها في شهرين ورا بعض فهو قالي خدي بتااعتي وهو في أرض عندهم هتتباع ان شاء الله هيديني فلوسها وهو مش غريب دا ابن عمتي

ياريت تردي عليا والفكرة اللي انت قلتيها هقولها لبابا بس ما اعتقدش ان خطيبي هيوافق

مش عارفة

الله يفرجها عليكم حبيبتى
تحياتى

حبيبتي انا مع حل ملاك محمود وعموما لو هو هيرجعلك الفلوس قبل الجواز يبقي مفيش مشكلة بس ممكن تكتبوا الشقة مؤقت بأسمكم انتوا الاتنين ولما يرجعلك فلوسها يبقي باباكي يرجعها بأسمه لوحده لكن لو هيرجعلك الفلوس بعد الجواز يبقي الاحسن انك تكتبوا الشقة باسمكم انتوا الاتنين وبرده لما يرجعلك فلوسها ابقي اكتبيها باسمه لوحده وخليها تيجي من باباكي وخليه يقوله ان هو واثق فيه قوي بس هو هيعمل كدة علشان اخوكي هيزعل لو معملش كدة وانكم لسة محتاجين مصاريف علشان الجهاز والحاجات دي ولو اخوكي لسة متجوزش يبقي ممكن باباكي يفهمه ان الفلوس دي كان هيجهز بيها اخوكي ويساعده علشان يجيب شقة فعلشان كدة دي متعتبرش فلوسك يعني حاولي تجيبوهاله بألسوب حلو ولو الموضوع فيه مشاكل يبقي خلاص اتوكلي علي ربنا وجيبي الشقة الأولاني يعني احسن ما يحصل مشاكل بينكم.
ويا رب يوفقك للي فيه الخير

اذا كان المبلغ كبير خدوها شركة بينكم وان كان حاجة بسيطة وخطيبك شاريكي توكلي علي الله وبعدين جهزوا مع بعض وبانسبة لاخوكي اقنعية واعملي استخارة وادعي ربنا ينور طريقك وربنا يسعدك ويتمم بخير

حبيبتي وابنتي الغالية
مع دعواتي لكي بالتوفيق في اختيار شريك حياتك وفي اختيار شقة المستقبل وفي كل خطوة في حياتي
اولا بالنسبة لمساعتك له في موضوع الشقة
اعتقد ان بعض المصريين لايفضلون ان تكون الشقة باسم الزوجة او الاثنين معا وقد يرفض ذلك لان اي تعاقدات بعد ذلك في تليفون مياه كهرباء اقساط كل دا لما بيكون فيه اسم الزوجة بيكون شوية مش لطيف دي وجه نظر بعض الرجال والله اعلم
فنصيحتي لكي
في هذه الامور لاتعتمدي على كلمة ثقة ولا قرابة ولا اي تعهد شفهي ولكني اقترح ان يقوم خطيبك وباذن الله زوج المستقبل ان يكتب على نفسه ورقة بما سوف تدفعينه له لمساعدته في شراء الشقة وفي حال رد اليكي هذه الاموال تقطع الورقة ويمكن القول كما قالت لكي بعض الاخوات ان يكون والدك هو الذي يطلب ذلك منه ويقول انه ارضاءا لشقيقك ، وكما قال القران فيما معناه فليكتب كاتب بالعدل ولاتحرجي فالحياة اليوم لامجال فيها للحرج وسوف تشعرين بكل حرف اقوله لكي سواء كان زوجك اهلا للثقة او لا بعد 20 سنة من الان
ارجو ان لااكون قد اطلت عليكي
وطمنيني عليكي ياحبيتي
في رعاية الله