فيه بعض القرى واعرفها انا تمام سار لها صيت كبير بين القبايل كون انها ما تطلب من اولاد الحلال اللي يتقدمون لبناتهم الا ريالين كمهر بس قدروا انهم يقضون على نسبة العزاب والعوانس اللي ماليه البلد عندهم بعكس غيرهم اللي حتى البيت ما عاد يشيل الاوادم اللي فيه و الجيران يحاولون يقنعون الشياب ماعاد يدخلون على حريمهم


المهم ياطويلين العمر والسلامة اهل القرية هذي شغالين تقول يبيعون سوبيا وهاتك يا القريب سواءا كنت متوظف او طالب اهم شئ انك تستر البنت .. وانا اول ماسمعت الخبر والله جاني حماس وقمت من تكوتي مع العيال بغيت اروح استاجر جمس وادز لهم وآخذ عشر من بناتهم جمله بسعر القطاعي وابيعهم على عيال حارتنا بخمسة والله مكسب لو المرجلة عندهم زايدة ووافقوا اهل القرية


اذكر لكم قصة حقيقية وواقعية:
واحد راح وطلب يد بنت واحد من اهل القرية ووافقوا عليه واعطوه البنت بريالين وتملكوا وتزوجوا وراحوا للبيت من بعد ما يالله ماسكين انفسهم وعاشوا حياة عاديه كأي زوجين متزوجين تحت قفص زوجي لمدة شهور قليلة جات البنت لزوجها...
قالت: اليوم عندنا عزيمة في بيت اهلي
قالها: خلاص ابوديك وانا بطلع مع العيال للاستراحة عازميني من البارح
قالت: اول عزيمة نحضرها عند اهلي بعد زواجنا لازم تحضر انت ولا ترا بياخذون بخاطرهم عليك
قال: يابنت الحلال وش فيك انتي تردين على كلامي تراك بقيمة 2 بيبسي لا رحتي ولا جيتي


ما قالت شئ راحت لغرفتها وتجهزت بتروح للعزيمة وحضرت العزيمة وماحضر زوجها سأل الشايب عن الرجال وينه ما حضر ..!!
واعطته السالفة وقالها لا ترجعين ولا تكلمينه خليك هنا حتى احلها وان شاء الله بكره لي كلام ثاني معاه


رجع زوجها ياخذها آخر الليل وراحت البنت لأمها
قالت: يمه حاولي تقنعي ابوي يخليني اروح لبيتي الرجال ينتظرني تحت واخاف يزعل


سمع الشايب صوت بنته وهي تحاول انها تقنع امها انها تاخذ الاذن لها عشان ترجع بيتها وقام وقالها: دخليه المجلس انا انتظره
راحت واخذت جوالها وهي مفزوعة خايفة ان ابوها يخرف وقتها ويخرب بيتها .. دقت عليه..


قالت: ابوي ينتظرك بالمجلس اطلع
طلع الرجال ودخل المجلس واعتذر من عمه انه ما حضر وجلس معاه وبعد ما شرب فنجال الشاهي
قال الشايب: ألحين يا ولدي الفنجال اللي شربته اغلى من بنتي صح؟
قال : افااا ياعم بنتك اغلى من روحي وليه تقول الكلام هذا


قال الشايب: ألحين بنتي ام ريالين هاه !!


قال: ياعم .....
قال الشايب: قم مالك عندنا شئ ورح قل لأبوك يزوجك من بنات الاربعين الف ولا لا ترجع الا ومعاك مهر بنتي وسيارة لأخوها


ويحلفون بالله انه رجع وجاب سيارة للولد ومهر للبنت ورفضها الشايب وقال السيارة لك والفلوس لك ولبيتك .. وكل ما سمعوا الناس بذا السالفة راحوا يخطبون عند اهل القرى خصوصا وان البنات هناك فيهم من الجمال ما الله به عليم


ف اللي لفت انتباهي ياناس ان فيه ناس تدور الستر وفيه ناس تدور التنطيط آخر الليل عشان يبيع النهار ويدخل سوق الاسهم


عندي سؤالين :
1- يا اخ : هل تقبل ببنات ابو ريالين ولا تدور الفشخرة عشان يطلع لك صيت وتاكل تبن بعدها؟
2- يا اخت : هل تقبلين ان مهرك يكون رخيص وتدورين الستر ولا بتعنسين وبعدها الشايب يروح يدور لك خطيب ؟


رأيي : انا صراحه ما باخذ الا من بنات الاربعين لان الزواج ماهو وقت مرجله وقولة خذني جيتك الواحد يدور واحدة
....................................

جزاكى الله كل خيراااا
مش مهم ريالين ولا حتى ميت الف كمان المهم يكون صاحب دين وعلى خلق

قال رسول الله صلى الله علي وسلم ( التمس لها خاتم من حديد )

بارك الله فيك موضوع رائع

اخوي حاكم الله يرزقك بنت الحلال
الي تنسيك العزويه
وانا مع الي مهره يسير وش الفايدة اذا خسر الزوج الالوف على هذه الزوجه وطلعت في الخير ماتسوى ريال

وش رايك انت

??????????????????????????????????????
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!

واللله الرجال لا تهمهم ريالين ولا عشر طعش ريال لوووو طفش يرمي الزوجه الاولى ويدور غيرها