السلام عليكم ورحمه الله وبركاته
ازيكم عاملين ايه
بجد من زمان وانا عايزه اتكلم معاكوا فى موضوع ايه رايكوا لو نعمله موضوع للنقاش وكلنا نتكلم فيه و نقول راينا فى الموضوع ده؟
انا عاوزه اتكلم معاكوا فى موضوع فى موضوع الجواز والمشاكل اللى بيتقابلها كل اسره عندها بنت او ولد هيتجوز بس تعالوا نضيق الموضوع شويا ونتكلم عن البنت لان الواد مشاكله معروفه وهيه الشقه والمهر والشبكه وكده
اما البنت فمشاكلها بختلف من مكان لاخر وبجد بحس البنت فى مصر مشاكلها اكتر من اى دوله تانيه لان البنت لما بتتخطب بيجى العريس ومثلا بيتفق مع ولى امرها على مبلغ معين بيكون هوه ده المهر بتاعها والشبكه اى ان كان مبلغها فهى بتكون هديه من العريس وكل واحد على قد طاقته بس تعالوا معايا نشوف البنت بتعمل ايه بالمهر !!!!!!!!!!
اولا
هيه بتنزل بتشتري الفرش بتاعها بيه وكمان فى اغلب الاوقات بتضع عليه مبالغ عشان تجيب فرش كويس وبكده بتكون فلوس المهر خلصت
بس مش هوه ده وبس اللى على العروسه لا ده لسه فيه وفيه.

كل مستلزمات المطبخ عليها وكل الاجهزه الكهربائيه عليها وكمان السجاد وكمان التنجيد وكل المفروشات اللى بتكون موجوده فى الشقه عليها معادا الستاير والنجف بس التحف والفازات عليها ولبس العروسه كله من هدوم وملابس داخليه ولبس خروج وكله كله عليها
عارفين المشكله فين فى التحكمات وطباع الناس الغريبه فلانه جابت وعلانه جابت وتركانه مجابتش اخيه!!!!!!!!!!!!!!
فاهمين اقصد ايه؟؟؟ وكل ده يا عينى وابو العروسه يدفع عشان بنته تكون مرتاحه ومحدش يضايقها بكلمه ولا يقولها جبتى وما جبتيش
دى بتوصل انهم بيدخلوا المطبخ بيعدوا هيه جابت ايه وكام كوبايه وكام كأس جابته ونوعه ايه فرنساوى ولا تشيكى ولالالا وكمان جابت 25 ملايه سرير ولا مجابتش وكمام لحاف وكام بطانيه والمشكله انهم مالهمش دعوه لو جابت كتير محدش هياخد منها حاجه ولو جابت قليل محدش هيديها حاجه يبقى ليه هما حشرين روحهم فى اللى ميخصهمش؟؟؟؟؟؟؟؟!!!!!!!!!!!!!!!!111
.وغير كده يسالوها جبتى كأسات كرستال ولا جبتى طقم شربات كرستال ولا البوبنيره كرستال والشياله كرستال وطبق الفاكهه كرستال اه جبتى الصنيه الفضه وطقه الشاى الفضه والشمعدنات الفضه يييييييييييييه بس كفايه صدعتكوا ممكن يبقى يرد عليا ويقول لى رايه
شكرااااااااااااااااااا

الاختلفات والمشاكل سببها الفروق في الثقافة بين المتزوجين

بسم الله الرحمن الرحيم
السلام عليكم ورحمة الله وبركاته
اختي الحبيبة احنا في المغرب الزوج بيتكلف بكل ما قلتي عليه من شقه وفرش والات كهربائية وغيرو وبيدي العروسة المهر عشان تجهز نفسها بيه وبيشتريلها الدهب وده كل على حسب رغبتو يا طقام وبيشتري خاتم الزواج بتاعها وهي تشتري خاتم الزوج و مع العلم انا الدهب محرم على الرجال فاغلب ازواج اليومين دول بيشترو فضة و المشكل الواحيد الي عند العروسة المغربية هي انها لازم تجهز ملاحف السرير ومفروشات الطولات وكل مفروشات المطبخ والحمام ود عندنا مكلف لاني لازم يكون بتطريز غالي عندنا اسمو الفاسي وتاني بتطريز الرباطي واضافة لان العروسة المغربة مش زي عروسة اخرى بتكتفي بفستان واحد فالعروسة لازم على الاقل تعمل تلات تكشيطات مغربية وجلابتين بلوازمهم وتشتري اغلى الملابس الدخلية وملابس الخروج والله كل هدا غير جائز ونقول لمادا الشباب لايتزوجون لو كان الزواج بدون هده المغلات وبدو كل هده الاشياء التافهة ولو كنا نراعي الله في هؤلائ الشباب ليسرنا لهم الزواج لكي نمنع الفاحشة الله يهدي الاباء والاباء يقولون انا لما اتشرط على العريس برفع قيمة بنتي ولله العكس تخليه يشوف بنتك سلعة تقدر بالثمن وليست مراة لها كيان ولها شخصية والله دها حقها بالمهر فليش نضيف عليه كل هادي الشروط مشكورة على الموضوع الجميل جدا

يا عينى على ابو العروسه هههههههههههههههههههههه

السلام عليكم ..........
يااااااااااا يا مونا مور انتى جيتى ع الجرح
انا لسه مره بالتجربه دى قريب ويا عينى بابا استوى ع الاخر
من الطلبات عشان تخرس السنه الناس وعيونهم الى كلها فضول
لا حول ولا قوه الا بالله حاجه تحرق الدم والله
عاوزه رايى كبرى دماغك وما تشغليش بالك الناس لا حتزوودك ولا حتنقصك