انا فتاه مغربيه عمري 19سنه اتعرفت علي واحد شاب مصري و اعجبنا ببعض وفقال انوا عايز يكلم اهلي و كده اول ما طرحت الموضوع علي امي رفضت رفضا تاما قلتلي احنا مش نجوز بنتنا من غير بلد و احنا نعرفوا منين و كده فضلت معاها لغايه ما وفقت انوا يجي يشوفنا الولد جا بيتنا و اتفق معانا و كل حاجه و اتفقنا علي امتا الفرح و امتا هو يجيب الشقه و يفرشها و كل دا
بس حصل انوا خطيبي تعب اوي و دخل مستشفى جتلوا جلطه في دماغ و الحمد الله قام بسلامه انما المشكله انوا الفلوس الي كان هيجيب بيها البيت صرفها علي نفسوا في المستشفى و ادويه و عرفين المصاريف دي بتبقا اد ايه المهم مش جاب الشقه في الوقت المحدد ماما قالتلي شوفي اهوا عمال بيلعب بيك و انت بتجري وراه و كده فرفضت تاني و قالتلي كل العلاقه الي بينك و بينوا عايزك تقطعيها خالص دلوقتي انا حيرانه اوي الولد كويس و بيعرف ربنا اوي و انا بعزوا اوي و بابا و ماما رفضين الموضوع اني اتجوزوا تماما مع اني حاولت اوي
في رايكم اعمل ايه شكرا علي ردودكم مش هنسلكم جمايلكم

ممكن بس اعرف انتي اتأكدتي ازاي انة تعب؟هل هو في مصر وانتي في المغرب؟
ياريت توضحي اكتر

اه انا في المغرب و هو في مصر بس انا اعرف كل اهلوا و هما ناس طيبين و انا متاكده انوا كان تعبان و كنت بكلم اهلوا في مستشفى و كده

والله يا حبيبتي انا من رأي مامتك ان مافيش داعي انك تتجوزي واحد من غير جنسيتك مع العلم اني مصرية واعرف ناس كتير هنا متجوزين من مغربيات وجنسيات اخرى والمعظم بيكون في مشاكل
انا رأي انك لسة صغيرة اوي على انك تاخدي الخطوة دي وتحددي مصيرك كلة ومصير حياتك
فكري تاني وحطي في دماغك ان دي حياتك يعني مستقبلك كلة ولو مصممة يبقى حاولي تاني وتالت مع اهلك وربنا يقدملك الخير
ربنا معاكي

والله يا أختى أنا رأيى إنك تستخيرى الله وتدعى كثير ربنا يهديكى للطريق الصواب واعذرى أمك هى قلقانة عليكى ربنا يسعدك ويعوضك ويعوضه هو كمان خير ولو فيه نصيب محدش يقدر يحوشه

بصى يا حبيبه قلبى انا مصريه على فكره بس انا من رأى ان قلق والدتك فى محله انتى لو اتجوزتيه هتبقى فى مصر طبعا وبعيد عن اهلك هو ده الى قالق والدتك بس انتى بتحبيه وهو انسان محترم لانه اخد الخطوه الصح وانه اتقدملك وانتى لو بتحبيه خليكى معاه لحد ما يكون نفسه تانى وربنا يتم شفاه على خير ويجمع بينكم فى الخير ان شاء الله وصلى استخاره وربتا معاكى

مش عارفة ايس ممكن احكيلك غير الله يجبلك الي في الخير يار ب.