بسم الله الرحمن الرحيم حبيت اخد منكم النصيحه فى موضوع انا ما بحب اكلم فيه اى انسان وهوانا ارتبطت بانسان ملتزم اتقدم لى ورفض فتره الخطوبه واتفق مع اهلى على موعد لكتب الكتاب وفعلا كتب الكتاب ولكن انا بخجل اتكلم معاه لانى مش اخده عليه ومعرفتهوش الا من فتره قريبه جدا وكتبنا الكتاب بعدها علطول ومن فتره مرضت وطبعا انا برفض تماما انى اروح لدكتور مش بقدر فزوجى جه يزورنى ولقانى مريضه جدا وقال لامى ليه ما وديتوهاش للدكتور وطبعا امى قالتله انى انا الى رفضه فهو اصر انه يخدنى للدكتور وبالفعل اخدنى ومش قادره اقولكم على احساسى وقتها وقت كشف الدكتور ولقى درجه حرارتى مرتفعه واصر على انه يعطينى حقنه وانا بكرها جدا بس انا مقدرتش اتكلم طبعا ولا اقول حاجه حرجا من زوجى وانا من بعد الموقف ده وانا اغلقت تليفونى ومش برد عليه على تليفون ومش قادره اكلمه ومحرجه جدا ممكن تساعدونى وتقلولى اعمل ايه بجد انا حاسه انه هيضيع منى وهو بيخاف عليه وطيب جدا ارجوكم ساعدونى

حبيبتي استعيذي بالله من الشيطان الرجيم
بسم الله الرحمن الرحيم
‏فيتعلمون منهما ما يفرقون به بين المرء وزوجه وما هم بضارين به من أحد إلا بإذن الله‏
صدق الله العظيم

هذا زوووووووووجك حلالك كيف تستحي منة؟
الله احل لك كل شيء
فاستعيذي الله
واضح انك اصلا خجولة وهو دة سبب المشكلة
الخجل مع اي حد الا زوجك
ربنا يهديكي

السلام عليكم يا حبيبتى
أنت عاملة فى نفسك كده ليه والله أنا ابتسمت أنت إيه اللى مزعلك أنا يا ستى زوجى ملتزم أول يوم يكلم فيه أهلى يوم الجمعة وكنا الأربعاء كاتبين الكتاب ومقعدناش مع بعض قبل كده لوحدنا أو مع بعضنا والله أخدت عليه على طول افتحى قلبك لخطيبك ربنا يسعدك وغلط اللى أنتى بتعمليه ده يا حبيبتى افرحى وفرحى خطيبك دى أحلى أيام هتعيشوها وفرفشى وفكى كده وقومى الوقت أهوه كلميه أو رنى عليه عشان يكلمك ما فيش حرج بينك وبينه اهتمى بيه أنا أزعل عشانك قوى دى أحلى أيام حياتكم ومش هتتعوض وهو باين عليه ابن حلال وخايف من ربنا وبيخاف عليك حرام تضيعيه من إيدك وادعى ربنا يحببك فيه ويحببه فيكى ويسخرك ليه ويسخره ليكى ويتم زفافكم على خير ويرزقكم الذرية الصالحة اللهم آمين أحب أسمع آخر أخبارك طمنينا عليك.

حبيبتي هدي نفسك........
انت اضطريت تروحي دكتور والشرع احل ذلك في حالة الضرورة...
تخجلين من زوجك.. لأنك ذهبت الى الدكتور!!
ماالعلاقة !!
تأكدي ان زوجك نسي موضوع الدكتور تماما...
لأنه موضوع لا يستحق التفكير فيه بزيادة...
انسي الموضوع تماما لأنه لا يوجد موضوع من اصله....
خليك طبيعية وتكلمي مع زوجك حتى تزول كل الحواجز والخجل ....
فهو زوجك واذا استمريت في خجلك بعد الفرح الرسمي فيؤثر ذلك تأثيرات سلبية جدا....
هناك اخت من فترة كتبت انها من كتر خجلها من زوجها زوجها تعرف على وحدة اخرى....
اكيد انت لا تريدين ان يحصل هذا معك بعيد الشر........
بالتوفيق ان شاءالله

يا حبيبتى انتى شكلك خجوله زياده عن اللزوم علشان كده مكبره الموضوع انتى المفروض تفرحى انه مهتمه بيكى واصر انه يذهب معاكى للدكتور ليطمئن عليكى وصدقينى انه خجلك زائد ده زوجك مفيش حرج منه من اى نوع اتصلى بيه وكلميه وعيشى السعاده الى هو عيشها وحاسس بيها انه امتلكك وان شاء الله موضوع الخجل ده هيروح وحده واحده وهتخدى عليه وكل الامور هتتصلح بس انتى دلواقتى انسى موضوع الدكتور ده واتصلى بيه وكلميه وانتى اكيد بعد مكلمته هترتاحى وهو كمان هيطمن عليكى وهيبقى سعيد ويا رب يوفقكم ويجمع بينكم قريبا

يا حبيبتي ان كنت زيك برضه اول ما اتكتب كتابي علي زوجي ولكن نصيحتي لكي ان تخلعي هذا الخجل من قلبك
ولي لكي فكرة جيدة جدا ستمد جسور الحب والاطمئنان من قلبك لقلبه
اشتري له هدية وقدميها لها وهاتي معها كارت لطيف واكتبي له فيها بمناسبة اخذك لي للطبيب واطمئنانك علي بارك الله لي فيك
وعندها سوف يفتح اسباب كتيرة جدا جدا للكلام بينكما وستكسر ان شاء الله الحاجزبينكما