اخواتى فالله السلام عليكم ورحمه الله وبركاته

انا مش عارفه ابدا ازاى بس انتو اكيد هتفهمونى

من اسبوعين جت اخت جوزى لزيارتى وهتقعد عندى شهر تقريبا طبعا انا رحبت بيها جدا

وبجد فرحت لانى ساكنه بعيد عن اى اقارب وهيا هتونسنى وانا بحبها

وبعد كده كل يوم نخرج وفسح وبرغم انى لما كنت اطلب من جوزى اننا نخرج يقولى لا ومش فاضى

بس علشان اخته طبعا ومش عاوز يزعلها وفة مره اخته قالت لجوزى عوزين نخرج وافق وهنلبس وننزل قالتلى لا انا عاوزه انزل مع اخويا لوحدنا

وانتى خليكى متنزليش المرادى قولتلها ليه قالت كده فسحه اخويه قولتلها يعنى انا هخليها فسحه عاطفيه و صممت على كده وانا واخده الموضوع هزار وبعدين فكرت وقولت من حقها هيا حره مع اخوها هسيبهم يخرجو وقولتلهم خلاص اخرجو وانا هنام علشان تعبت فى شغل البيت (علما انى انا الى بقوم بكل شغل البيت فى وجودها وانا حامل وتعبانه وعمرها مساعدتنى )

ونمت فعلا وهما خرجو وبعد شويه جانى تليفون من جوزى بيزعق لانه عامل شغل على الكمبيوتر وبيقول انه فصل لوحده اكيد انتى فصلتيه ومن الاخر شاكك انى عطلت الشغل علشان يرجع البيت لانى غيرانه انه خرج مع اخته وانا طبعا معملتش كده والكلام قدام اخته

قولولى كده انا الى غلطانه ولا هوا الى جرحنى قدامها وزعلنى اسفه للاطاله بس والله نفسيتى تعبانه وعماله اعيط وهوا ولا صالحنى ولا سال فيا قولولى لو غلطانه فى حاجه

واسفه جدا انى طولت عليكم

والله بنت اصول....لا حبيبتى انا شايفه انك مش غلطانه وكل شىء له حل

مش تتعبنى نفسيتك عشان حملك حبيبتى

وربنا ييسرلك امورك يارب

انا مع كلام دينا
الله يهدى النفوس ويصلح الاحوال

اقعدي معاه في وقت يكون فيه رايق كدا
و وضحيله الموضوع
و شوية كلام حلو كدا و دلع حريمي
و ان شاء الله
حتمشي الامور ..........


وادعيلي الله يحقق اللي في بالي

السلام عليكم
والله انتى انسانه طيبه
بس اكملى الزياره على خير وعمليها كويس للاخر
واما بالنسبه لزوجك موقفه عادى ومفهوش تجريح
هو بس عصبى علشان الشغل
صلحيه انتى وادلعى عليه شويه
وان شاء الله الامور هتكون كويسه

والله مش عارفه اشكركم ازاى كلمكم ليا ريحنى واهتمامكم بمشكلتى كان اهلى كلهم بيواسونى

بس انا الى مدايقنى ان كل الى عملته مع اخته واهله هوا مش شايف منه حاجه

وبيتهمنى انى غيرانه علشان خرجو من غيرى ولانى غيرانه وقفت شغله

وده ظلم ليا وخته ممكن تروح تقول لامها واخواتها انى عملت كده علشان غيرانه

وانا مش فى دماغى اصلا

وسيبتهم يخرجو عن طيب خاطر برغم انى اتدايقت من اسلوبها فى رفض خروجى معاهم

بس بينتلها انه عادى وانى فعلا تعبانه ومحتاجه ارتاح كل ده وتيجى على دماغى كده

وكمان عامل نفسه زعلان طبعا علشان اخته هنا مش هيبدا بالكلام وهيقول كرامتى

المفروض انى احس بالظلم والجرح وكمان اروح اصالحه طب دنا الى محتاجه حد يصالحنى ويواسينى