السلاه جديده عليكم ورحمه الله وبركاته
انا عضوه هنا وهدي تانى مشاركه ليا بس انا نفسيتي مره تعبانه واحسن اني متضايقه مره ياليت
تسمعوني وتفهموني ولاتبخلوا عليا بالرد .
مشكلتى هيا مااحد يحبني جوالي بالاسبوع مااحد يتصل غير زوجي ولا امي مره في اليوم عشان تقول كيف حالك ولا تجينا اليوم تأكد عليا انو ماجي غير يوم الخميس .وانا اطفش مافى مكان اروحوا غير بيت اهلي ماعندى صديقات غير اثنين وهما كمان مايجوني ولا انا اجيهم الافى المناسبات حتى لوجربت ازورهم دايم ماريردوا الزياره,بحجه انشغالهم وهما ماعندهم عمل ولاشي دحين اكيد اللى يقرا يقول ايش البنت هذى ام دم ثقيل حرام لادمي ثقيل ولاشي بس كثر الطفش سرت مااخرج من منتدى الاادخل الثاني اروح للناس والناس تستنا لما تكون عندى مناسبه ,بنات عمي وخالاتى ماليه علاقه فيهم بس كدا لما انشوف بعض اهلا وكيفك عشر دقايق وكل واحد راح في حال سبيلوا ايش اسوى كيف اسوى علاقات جديده حتى جاراتي اروح ازورهم وضحك وناسه ولاتخرجي خليكي ماشبعنا منك بس اخرج حتى الو مافي لو اتصل ماحد يرد ,واهل زوجي هم ثانى بعدين اقلكم.

الاخت العزيزه ام طفلبن ولاتزعلي ولاتتعب نفسيتك ركزي على تربيت عيالك وخليهاعلىالله الدنياكده صارت فلاتخلي هذه الاشياء التافهه تشغل بالك ونصيحة لك اقضي معظم وقتك مع عيالك الله يحفظهم ينسوك الدنيا

مشكوره اختى اسعدني مرورك

السلام عليكم اختي هذي هي الدنيا الكل مشغول بامور دنيوية بس ولا يهمك وانشاالله بس يكبروا اطفالك بتنسين نفسك..

حبيبتي ام لطفلين ..اللة يخليهم لك ويحفظهم يارب..انا معاك انة الواحدة فينا محتاجة ترفة عن نفسها ويكون لها وقت خاص فيها مع صاحباتها بعيد عن دوشة الاطفال اللة يحميهم..عزيزتي انت ذكرت في كلامك انة ماحد يكلمك غير زوجك وامك ..يا شيخة قولي الحمدللة انة زوجك يكلمك ومو مطنشك كمان!!ياما بنات عندهم عشرات الصاحبات وكل يوم مكالمات ورسايل محبة.ولكن ولا مكالمة من ازواجهم ولا حتى رسالة واحدة,,يبخلوا بكلمة يرسلوها!! ايش الاهم يكون عندك زوج محب ويقدرك ولا يحاول يزعلك ومسكين مراعي مشاعرك ويحاول يكلمك عشان ماتطفشي. ولا صاحبات ماليين عليك الدنيا ضحك وفرفشة ومفتقدة زوجك ومهملك ولا يدري عنك ومطنشك ام الطناش!!!!!! مافي شئ كامل,,الواحد لازم يضحي بشئ..والعاقلة فينا تكسب الاهم والمهم في حياتها..وحياك اللة انا ارحب بمعرفتك واكسبيني صديقة لك..اللة يسعدك دنيا واخرة ويحفظ لك زوجك واولادك امين يارب العالمين..

و انا زيك حبيبتي اهلي في بلد تاني و ما الي صديقات و اهل زوجي بيضحكوا بوشي و بيحكوا علي من و را ضهري ولا عندي لاشهادة و لا وظيفة زوجي ليل نهار شغل و الوحدة دابحتني دبح ما عندي غير بنت و حدة الله يخليلي اياه و ما الي الا رب العالمين