الشتااااااااااااااااااااااااء

يعني … سحاب ، برق ، رعد ، مطر ، برد ، تدفئة ، أكل ، جلسات عائلية ، وحكايات من هنا وهنااااااااااك
ما أحلى الشتاء ولماتة الحلوة مع العيلة الغالية
اليوم راح احكي لكم حكاية شتاء زمان ( أيام الوالد والوالدة رحمة الله عليهم )
وكيف كان الجو العائلي الممتع والبسيط ... وتطبقي له مع عائلتي الصغيرة المصونة
كان ياما كان ... كان في عيلة صغيرة ترعاها ام حنون وتخاف على أولادها حتى من النسمة ...
وفي يوم من الأيام خلصوا الأولاد الواجبات بدري … وكان الجو ممطرا جداً ...وكان الغالي قاعد معانا بالبيت
حطيت صفرة الشاي ومعها ساندويتشات خفيفة وحلويات ومقرمشات … يعني كل ما لذ وطاب من المسليات
وقعدنا نهدرز ( نسولف ) مع بعض في جو مرح ...
ومن ضمن الهدرزه غلطت في كلمة وصاروا الكل يضحك علي الكلمة يلي قولتها … وهنا تذكرت الأيام الخوالي وكيف كنا نتسلى ونلعب بأيام البرد والمطر داخل البيت بجو حلو وسعيد ...
وقولتلهم على لعبة كنا نلعبها فأصروا على ان أقولهم عليها ... فبديت اشرح لهم وقولت ...
كان الوالد ( ألله يرحمة ) يقول الجمله لأي واحد منا يتم اختياره ( هنا كان تركيز الوالد دائماً على الكسلان منا ) على ان يظل يردد فيها مثلاً عشر مرات بسرعة وبدون توقف …
وكانت على سبيل المثال ( خيط حرير على حيط خليل )
ويا ويله يلي يغلط ( وهذا الشئ ضروري ح يحصل لأنة تركيبة الجملة أعدت لهذا الغرض )
والعقاب كان مستنية فوراً … يعني هو مش عقاب بمعنى الكلمة لكن كان مثلاُ
لإخواني الأولاد : أطلع اشتري الغرض الفلاني … حط للدفايه قاز ( كيروسين ) … الخ
وللبنات : اعملي قهوة بدل الشاي … اعملي العشاء … أعملي حلو … الخ
يعني لازم تقوم من الجلسة وتتحرك من مكانك وتطلع من الدفء وتعمل عمل …
وللتفكير في هذا المرح لبرهة نجد أفكار آباء وأمهات زمان كانت لها مغزى وقصد مفيد لكل أفراد الأسرة
فنجد هنا فكرة رائعة جداً للتعاون
فمع الدفء وجو البرد القوي أحياناً لا يريد أحد التحرك من مكانة ولا القيام بأي شئ وخاصة مساس الماء البارد
وتتحرك الأيادي الحنونة ( الأم ) فقط فطرياً لخوفها على أولادها وحب خدمتهم ألا شعوري
ولكن بهذه اللعبة الشيقة والهادفة الكل يتحرك لا شعورياً ويتعاون وينجز العمل بسرعة غير عادية علشان يرجع يشارك ويمرح … جربيها مع أولادك فالشتاء أحنا فية ….
اخلقي جو التآلف بينهم وبين أبوهم وخلية يجربها معاهم ويغلط وشوفي كيف يضحكوا لما يغلط لمفاجئتهم بمرحة خاصة إن كان دائماً جاد …
خليهم يحكموا علية وينفذوا علية الحكم ولو لمرة وراح تشوفي الأستمتاع وتشوفي الانسجام بينهم وكيف يحسوا ويتعلموا أنة حتى الكبير يغلط وله عقاب مش بس الصغار !!!!!!
وانه والدهم يعرف يعمل شئ ومتعاون … مش بس هو رمز الخشونة والقوة والصرامة والجد …
واليك غاليتي بعض الجمل الأخرى للتجربة وأكيد عندكم غيرها :
هذا المشمش مش من مشمشنا
لحم الحمام حلال ، ولحم الحمار حرام
نخلة قدام بيتنا ، ونخلة وراء بيتنا
شنبك دة ححلا هولك
بسيطة وماتسبسطهاش ، وصعبة وماتتصعبهاش
قميص نفسية نشف
لوري ورا لوري
بطتكم بطت بطن بطتنا ، ليش بطتكم إتبط بطن بطتنا ، لازم بطتنا إتبط بطن بطتكم زي ما بطتكم بطت بطن بطتنا ..... … ههههههه
صدقيني أنا نفسي غلطت كذا مرة في كتابتها
يلا جهزي القعدة الحلوة ولميهم حوليك وجربيها وخبريني ايش رأيك … انا بالانتظار