طرق علاج المــلل عند البنات

1- امسكي التلفون وكلمي صديقة من زمااان ماكلمتيها..واسترجعوا ذكرياتكم مع بعض اول..منها راح تمشين وقتك ومنها راح تجددون علاقتكم ومنها تشغلين التلفون 12 ساعة

2- اطلعي الحوش ولا السطح وافرشيلك فرشة وانسدحي على ظهرك وتآملي النجوم واسترخيييي وتاملي؟!؟!؟

3-قصي اطراف شعرك..كل مازهقتي روحي عند المراية وقصي الاطراف(بس شوي شوي منها) ..اراهن انكم بتصلعون على هالحالة

4-امسكوا المسجل..ودوروا فيه بالبيت وسجلوا اصوات العائلة وهم يسولفون وسجلوا صوت شخير الوالد وسجلوا صوت الهواشات وكل شيء..

5-روحوا السوبر ماركت وامسكوا العربانة ودوروا فيها ودعموو بخلق الله وقولوا اووه آسفة مادريت

6-امسكي ريموت كونترول واحذفي كل القنوات من الرسيفر وارجعي حطيهم من جديد (هذا وجهي ان رجعتي منهم شي

7-تحدوا انفسكم تقعدون نص ساعة كاملة بدون ماتتكلمون مع اي احد او تفتحون فمكم..نص ساعة طبعا بوجود الجميع (مااحد يقدر يسويها)

9-سوي عصير برتقال واشربيه

10- غيرى مكان اثاث دارج

11-اقروا مجلة اطفال (ميكي وماجد)

12-البسي ملابس رجال دشداشة وغترة وخرعوا اهلكم !!

13- اخذيلك شور وقعدى ساعتين بالحمام >> اذا ما طلعتى تدورين الفراش هذا وجهى

15-نظفوا ماسنجركم...سووا ديليت للناس اللي من زمان عنهم مادخلوا..وبلوك للناس الثقيلين الدم

16-روحوا مواقع بطاقات وكاردات وارسلوا لصديقاتكم ..

17-ألفي مسجات نقال ونكات ماسنجر..خذي مجلات فواصل وديوان طلال السعيد وطلعي منه ابيات شعر تصلح نكااات للماسنجر واكتبيها بورقة..

18-ادخلي غرفتك وحطي فل ميكأب(مكياج كامل) كأنك رايحة لعرس ولطخي وجهك تلطخ وتصوري نفسك ..حركة صح

19-امسكي دفتر تلوين اطفال واقعدي لوني ...هههه

20-اذا زهقتي افتحي كبت هدومج وقعدي قيسي ملابسك بدلة ورا الثانية< يمكن يجي الصبح ماخلصتي من كثرهم

21-روحي المطبخ سوي كيكة (هذا وجهي اذا احد اكلها)

22-سوي ايميل جديد واقعدي العبي على اللي تعرفينهم ..

23-تعلموا لغة فرنسية هذا إذا انتي تعرفين أنجليزي .. مثلا كلمات معينة فرنسية واقعدوا اكشخوا فيهم وتفلسفوا فيهم

24-اركبي السيارة وهي موقفة داخل البيت وكأنك تسوقين

25-اطلعي وانزلي الدرج عشرين مرة .. منها تتمشين ومنها تسوين ريجيم< ذبحتكم القعدة والفراغة

26-اقعدي على الكومبيوتر وحوسيه مثل العادة

27-طلعي الحوش..وصيديلك حشرة لطيفة (زهيوي=صرصور مثلا ) وحطيها بعلبة وقعدي راقبيها..بس لا تخلونها وقت طويل عشان ماتتعذب <والله من العطف عندكم يالبنات

28-إخذي مجلات قديمة وقعدي قصقصي صور ولزقيها بكتالوج (بتطلع المواااااهب)

29-طلعوا حوشكم ..ولعبي كرة..وكسري ليتات البيت

30-قولي للهندية سوي غدا غوزي وبعدين قوليلها ماتشتهين تاكلين..

الظاهر بعد هالنصايح راح تدعون لي

بس عاااد عن الزعل


منقووول

ماشاء الله


توقعت انك

ح تحفظى قرآن

وتسمعيه

او ح تقومي تصلي ركعتين

وتدعى ربنا يوفقك

موضوع ظريف زى صاحبته
مشكورة

- اطلعي الحوش ولا السطح وافرشيلك فرشة وانسدحي على ظهرك وتآملي النجوم واسترخيييي وتاملي؟!؟!؟


كنت اسويها ايام العزوبيه00والحين الظاهر ابرجع لها

هههههههههههه ورده ,, حلوه بترجعين لها ,,


=======


يسلموووو على النصايح ,,,

ينقل الى ركن الألعاب و الترفيه

كتبت بواسطة latyfa
MR. MAHFOUZ kalamak sah 100/100



بارك الله فيكى

وشكرا لك