هلا بخواتي في الله
عندي مشكله مع زوجي
يكبرني ب7 سنوات يعني متزوجه من سن 18
عندي بنتين الكبيرة 3 سنوات ونص والصغيرة سنتين وشهر
حيتنا روتينيه وشبه تعيسه
مانتلاقي في اليوم ولانتكلم كثير
تعبانه منه وودي اخلص من هالعيشه لاني تعبت
الاخ 24 ساعه عالنت مركب دي اس ال ومانعني اني ادخل عالنت وخصوصا من جهازة لان فيه بلاوي طبعا ومايحتاج اشرح سبب رفضه اني ادخل النت كل من يرى الناس بعين طبعه
البنات عنده عالمسنجر بالهبل بتتساءلون من وين عرفت طبعا
لاني اعرف باسووردة وادخل واشوف
هو مااظن فيه ظن السو مع هالبنات بس بدل مايتكلم معاهم يجي يتكلم معي شوي او حتى يسمعني
بيفتح لهم المايك والكاميرا وبيسرق صورهم بعد وسمعته اكثر من مرة بيكلمهم
وعنده كم وحدة عالجوال ومسجات وحاله وانا ماعمرة رسل لي مسج ولما ارسلل له يقللي وش له هالخساير
تصورو بنتين وكبار وينامون معانا بنفس الغرفه طبعا لان الشقه صغيرة ومافي لهم مكان طبعا لان الشقه ملك لاهلة وعيلته مايدفع فيها لااجار ولا ماي ولا كهربا
ماسك يدة بالحيل
مابي اقول بخيل عشان مااظلمه
مصروفي مايتعدى الميه ريال وانا االلي طلبت انه يعطيني مصروف شخصي بس هالشي مايكفيني
اغراضي وملابسي واحتياجاتي اشتريها تقريبا من العيد للعيد
ماعمرنا احتفلنا باي مناسبه وان امابي اقول انه هالشي يهمني بس يهمني انه يتذكرني بشي
يعني اذا مايعرف يعبر معنويا يعبر ماديا وعلى فكرة هو مرتاح ماديا كثير
فلوس بالاسهم وهذاهي طايحه لان مال البخيل ماياكله الا العيار
وراتبه فوق ال7 الاف
شي ثاني
دايم دايم من ركب هالدي اس ال وهو ينزل اف لام الدعاره ويوميا
وانا عارفه وساكته وهو مايدري اني ادري
الجوال مايفارق يدة
لما ابتدي اتكلم معاه ياما يقاطعني او ينتقدني او يحرجني او يسكتني
هو مايضربني بس بيجرحني كثير واحس انه يطعنني داخل قلبي
مااعرف هل هو يحبني او انا احبه مع تلك التصرفات
كلامي صاير مخربط لانني موشوشه
اتعب وادفع دمي شهريا بسبب مانع الحمل اللولب وانا مركبته علشان مااحمل وعلشان هو يستانس بعد
لكن هالشي كله يصير لي وانا مااحصل حتى كلمه حلوة
وانا اتصور كل هالشي من وضعنا الحالي
لان حتى الجنس مو وراد كثير بسبب هالعيشه ونظام نومي انا والعيال ونظام حياتنا كله
مادري شسوي دللوني وادعولي ولاتتركوني بمحنتي الله يخليكم
ولما يزعلني تعالو شوفو
انا اللي ازعل وهو سبب زعلي
مايحاول يراضيني يخليني ويمشي يعني انتي اللي زعلتي انتي متى مارضيتي ارضي
بعد انا اتركه
انا اللي زعلانه وهو مخليني
اتركه احيانا شهر مااكلمه ولا يكلمني ولا تلامس جسدي ولا نقاش ولا ولا شي
واللي يسلمكن لاتهدوني نصحوني كل وحدة تقرا لاتطلع الا وكاتبه شي

أولا : أدعو الله أن يفرج عنك ما أنت فيه

ثانياً : يظل مع هذا هو زوجك وأب أولادك وعليك طاعته بالمعروف

ثالثا : عليك الصبر والاحتساب والدعاء

رابعا : قابلي إساءته بالإحسان ، وتزيني له واستعدي له وهيئي نفسك له في أي وقت

خامسا : لاتكثري التذمر والشكوى والطلبات ، وثقي انه سيتغير بعد فترة قصيرة بإذن الله

سادساً : إذا حصل خلاف أو زعل فبادري بالإعتذار حتى لو كنتي ترين أنه هو المخطيء ( خيركم الذي يبدا بالسلام )

و الله مش عارفة شو بدي اقولك بس اختي حاولي تتقربي منه و تنصحيه يتقرب من ربه لاه هاي الاشياء حرام و اذا ابتعد عنها بقل تعلقه بالكمبيرتر وو ببتصبح هناك فرصة لالك و ما تىخذيني ما بعرف اصف اللي بدي احكيه لاني مش مركزة من النعس بس انتي ادعي ربنا و اساليه الهداية لزوجك

فعلا الشقق الضيقه تخنق
حبيبتي غرف النوم اهم من اي غرف اخري لابد تسون غرفه للاطفال حتي تستطيعوا تتكلمون سويا
ولاتهملي في نفسك مهما بعد زوجك اجذبيه اليك بالطرق الغير مباشره المعروفه للنساء
ولا تخاصميه طويلا تري الخصام يولد جفاء

السلام عليكم اختي الام الحنونه


والله مدري اش اقولك

والله فيه كثير نساء يشتكو من هذي النقطه

وهي تعلق ازواجهم بالانترت والبلاوي اللي فيه


ومشكلة الزوج لما يهمل زوجته وعياله كله بسب التفاهات اللي في الانترت

والله هذي المشكلة صارت تهدد بيوت كثيره

نسأل الله الهداية للجميع

انا عندي صديقه ااعرفها مسكينه مثلك


بس والله صابره على زوجها صبر عجيب

بعدين مايسير تقاطعي زوجك بهذا الشكل


لازم تتقربي منه بشتى الطرق

اختي انصحك الرجال اذا لقى البديل بعدين ما راح يهتم فيكي

يعني عنده اللي بامكانه انه يستغني عنك


ولا كيف ما يهتم وانتي تقاطعيه بالشهور لانه لاقي اللي يسولف له ويضيع وقته

انتي اعطيتيه الضوء الاخضر على قولهم

معقوله تصبري شهر ما تكلمي زوجك انتي في جهة وهو في جهة

انصحك اختي حافظي على زوجك ان شاء الله ربي يهديه على يدك

ماقريت كل الردود اللي فوقي لكن من وجهة نظري اقول...

اولا انسي كل اللي شفتيه منه بوسيله او بأخرى حفاظا على كرامتك وحتى تتهيئى نفسيا للي بقول لك

اذا قلتي له انك دريتي 1)راح تشعلين فتيل الحرب وبيزعل وبتزيد الطين بله

2) لمصلحتك حتى اذا غيرتي من نفسك

مايقول ماتعدلت الا من كذا وكذا ويستخدم هالسلاح ضدك ويرجع على وضعه الاولاني ويهددك انه بيرجع ويعيشك صراع نفسي

فهمتي

انسيه لفتره كأنه مايعنيك يعني لاتنشغلين بالتفكير فيه او باللي يسويه بس قومي بواجبك الاساسي فقط لاغيرتجاهه

احتفظي بنفسك لك ولو لفتره بسيطه تغيرين فيها نفسك

مثل ما اهوه مرتاح مع نفسه يعني تبردي مثله من داااخل سامعه

استرخي واجلسي جلسه هاديه جدا مع نفسك مايعكر صفوها اي شئ

وابدي بالتغيير...

اولا نفسيا اذا كنتي تحبينه مرره خففي الحب وابعديه عنك شوي تلاقين جزء من مشكلته راح وبديتي ترتاحين
علاقاتك بصاحباتك وروحك الحلوه وحريتك اللي قبل زواجك ارجعي مثل ماكنتي
شوفي نفسك بالمرايه وش محتاجه؟؟
مثلا استرخاء يريح بشرتك ماسك حلووو
لون شعرك يحتاج تجديد أو لأ
قصة شعرك
مكياجك

اذا احتجتي مساعده باللي قلت اسئلي وبنجاوبك ان شاء الله
عطورات حلوه
لون صبغه حلوه تناسب لون بشرتك
وكلهم اسعارهم معقوله
جسمك وش يبيله مثلا ويكون حلو وكل وحده تعرف نفسها
المهم غيري حتى تحسين انك انسانه جديده وتقبلين وانتي راضيه عن نفسك وتفرحين بالتغيير
طبعا لاتنتظرين منه اطراء هذا كله علشانك وبس اتهني فيه ولو قال احمدي الله وقولي شكرا
تذكري نفسك وقت الجلسات الحميمه هل انتي جاهزه لها نفسيا وجسديا مثل النظافه وضيق المهبل والاستعراض والغنج والتمثيل بمعنى اصح ..الخ
وبناتك معليش صرفيهم لو بغرفة الجلوس اذا روق اهو اللي بيتصرف مع وضعهم
راجعي نفسك هل انتي متأكده انك عاجبته او عندك خلفيه باسرار العشيقات؟؟
والرجال تقدرين تلحسين مخه بكل بساطه ليه تاركته لغيرك تفنني بدعي له بنفسك استمتعي بنفسك وراح يستمتع معك كوني انتي القائده عليه وهوبيتبعك في نفسك كوني له واهربي منه وارجعي له واهربي ثانيه جننيه وعلى هالحال
الحاجات اللي تخصه في البيت وغيرها لاتتحكمين تفقدين انوثتك ياقمر
بتقولين كيف اسوي كل هذا وهو مايتكلم معي وووو..الخ
كوني مثيره جذابه وبيركض وراك بأسلوبك بلبسك بشكلك البسي حاجات حلوه مثل اللي تشوفيها بالتلفزيون برمودا بناطيل تنانير قصيره جاليهات اكسسوارات خواتم سلاسل اساور ارقصي اضحكي كوني مرحه سويله حركات انوثه
وبتدخلييين مزاج مزاجه
وبيكسرالكمبيوترو النت بكبره اذاكنتي شااااااطره وذكيه
انصحك تدخلين موضوع الاخت HOME 2004 حتى تعرفين زوجك شمالي ام جنوبي وتتعلمين التعامل معاااهOK حبيبتي
ملاحظه:
1)راجعي نفسك وفكري صح وش سبب تحوله وبعده عنك؟؟
2)راجعي اسلوبك وتصرفاتك يعني من جميع النواحي معاه..لازقه فيه ..مشغوله عنه..طريقة كلامك مذعنه بقوه اوجافه بقوه؟؟
3)تعلمي اسرار العشيقات للفاضه ناعمه الهاشمي..
اذا ماجاب نتيجه صارحيه ببعدة عنك وانك تبين حنان زوجك ودعمه النفسي والمادي اساسي جدامايقل عن 300 كحد اقل خصوصا وهو مقتدر حتى ينعم فيك ويرتاح هو قبل كل شي واطلبي منه يصارحك شخصيا باللي يحس فيه تجاهك وووو..الخ
اذا ماجب نتيجه راجعي علاقتك مع ربك وتاكدي منها وكل شي بيكون حلوان شاء الله..

وبالله التوفيق..

اختي الكريمة
اولا ادعو الله لك ولزوجك بالهداية
وانا اتفق مع الاخت AL-AYOUN
وتنصحك ان تبدأي انت بالتغيرروتثابري عليه يعني ما اتملي مرة بتلاقي منه اعراض او استهزاء في التغيرر لا ايهمك واستمري وبمناسبة المناسبات انت كوني من تبدأ بالاحتفال بكل المناسبات الشخصية منها والعامة يعني احنا جايين على شهر رمضان حلولي بأشياء بسيطة غيري جو البيت ولا بأس من وضع قليل من الزينة في البيت وبعض الأناشيد لرمضلن وحاولي ان تكوني مرحة وانشيدي وارقصي انت واطفالك ليشعر ان هناك شهر جديد وتغيير ربما سيشارك معكم وكذلك عند حلول العيد...حلولي خلق مناسبات رومانسية وجلسلت هادئة ارسلي اطفال يوم عند اهلك او في غرفة ثانية عند أهلوا واستمتعوا بيوم اجازة سوية..حاولي ان تجددي الحب بينكم فالحب والمودة بحاجة للتجديد لا تخلقي الجفاء من كثرة الحزن انسي واحتسبي ما تفعلينه لوجه الله ستكسبين رضا الله وانشاءالله سيهدي الله زوجك للطريق المستقيم..ولا تخبريه بأنك تعلمين بشأن الانترنت او الامور التي تزعجك حاولي التغيير فحسب
وكما قالت احد الاخوات لا تبعدي عنه بل اقتربي منه..
ضعي له الملاحظات اللطيفة والمحببة في كل مكان مثلاً اذا وضعت له الشندويش على العمل ضعي داخلها ورقة واكتبي فيها مثلا احبك واتمنى لك نهار سعيد...اذا نمت قبل ان يعود للمنزل ضعي ورقة على المراءة تمني له فيها ليلة سعيدة..وهكذا ..الامر بحاجة الى عزيمة للبدء فلا تتردي ولا تقولي كرامتي لا تسمح لي فبين الزوج والزوجة لا بد ان يكون الحب هو الاساس والمودة وان يغفر كل منهما للآخر عندما يخطئ.. والله يجمع بينكما بالحب ويوفقكم ويغفر لكم