السلام عليكم و رحمة الله و بركاته
دى اول مرة اكتب فيها مشكلتى لحد بس انا اتقدملى شاب كويس و من عائلة كويسه كنت اعرف مامته و اخته قبلها و اخته كانت صاحبتى
المهم انى مترددة لان موافقتى معناها انى هسافر معاه امريكا و اعيش هناك لمدة لا يعلمها الا الله
انا محتارة و مش عارفه اخذ قرار و ارد عليهم
و نفسى حد يكون مجرب و يدينى رأيه وهل لو تم الموضوع هيكون فيه تاثير على اولادى فى المستقبل
و اشكركم على مساعدتكم و زياراتكم

وعليكم السلام ورحمة الله وبركاته

اختى بوسي ان كان العريس ذو اخلاق ودين فاستخيرى الله وتوكلى عليه
قومى بصلاة استخاره وان شاء الله تسير الامور بما فيه خير لكى



وبالنسبة لاستفسارك عن تربية الاولاد هنا
فيا اختى هذا سيتوقف عليكى وعلى شريك حياتك
فان كنتى امرأه صالحه وتتقى الله وتبعدى عن اى شئ حرام انتى وزوجك
وتهتموابتربية اطفالكم تربية اسلاميه مع الاحتكاك بأسر مسلمه
فان شاء الله ستنجحين فى تربية اولادك على طريقه سليمه.




اريد لفت انتباهك لبعض الامور لعلها تفيدك لانى من خلال تجربتى هنا وجدت هذه الامور سبب رئيسى لنشوب مشاكل بين الزوجين :



اول امر هو معرفة ان كان العريس معه الجنسيه الامريكيه او لا او هل هو موجود بشكل قانونى اى معه جرين كارد
لان ذلك يؤثر على حياتكم العمليه

ام انه متزوج من امريكيه ليأخذ منها الجنسيه؟
وان كان هذا حاله حاليا تأكدى انه طلقها وانه سيثبت زواجك بشكل رسمى امريكى وليس بزواج اسلامى فقط دون توثيق امريكى.
وهذه النقطه مهمه لوجودك هنا بشكل قانونى وعدم تعرض زوجك للمسأله القانونيه وعدم تضيع حقك .



الامر الثانى وهو مهم جدااااا معرفة مصدر رزق زوج المستقبل؟
يعنى هل يعمل ويكسب من مال حلال 100% ام ان هناك شبهه فى عمله مثل يعمل بمتجر يباع فيه الخمر او يقدم فيه.ان كان هناك اى شبهه ارفضيه



الامر الثالث تأكدى من دينه وخلقه والتزامه ؟
لأن ذلك مهم جدااااا وخصوصا فى هذه البلدان.يعنى هل يصلى ويصوم وهل يواظب على صلاة الجمعه .




الامر الرابع هو ان تكونى متعلمه قيادة السيارات من مصر وقبل مجيئك لهنا وهذا امر هام جدااااا ستعرفى قيمته عندما تعيشين هنا.
وهو ما اعانى انا شخصيا منه الى الان.


الامر الخامس هو تعلم الانجليزيه لان ذلك سيفيدك فى حياتك هنا بشكل عام.



و نصيحه لكى اختى هو ان تتأكدى ان هذا العريس مناسب لكى وانه فعلا سيحبك ويحترمك ويحافظ عليكى فى بلاد غريبة عنكى.

لا اخفى عليكى انكى ستعانين كثيرا من الوحده والغربه فى بداية حياتك هنا لكن ما سيخفف عليكى هو ان يكون زوجك رجل طيب يتقى الله ويخفف عنكى غربتك الى ان يرزقك الله باطفال يملون عليكى حياتك ان شاء الله


واخر نصيحه اقدمها لكى هو ان تكونى زوجه مطيعه لزوجك ومحبه له وتحاولى ان تحافظى على زوجك بشتى الطرق.فهنا الفتن كثيره والحرام يحيط بنا من كل جانب .



واى استفسار انا تحت امرك


اختك مهاجره

شكرا لك اختى العزيزة على اهتمامك و ردك
المشكله انى ماليش مصدر اتاكد بيه من اخلاقه
المصدر الوحيد اخته الى هى صاحبتى و طبعا اكيد مش هتقول عنه حاجه وحشه او على ممكن تكون مش عارفه و هو من القاهره و انا من محافظة بعيده عنها جدا فمش فيه طريقه اسال بيها عنه
لكن هو قالى انه مش بيشرب محرمات لكن بيشرب سجاير كتير
هو مش متجوز امريكية و اقامته هناك قانونية لانه بيدرس و بيشتغل
انا لغتى الانجليزيه كويسة الحمد لله بس كمان حاسه برهبة شديدة تجاه الموضوع ده
و هو بيحترمنى جدا و كمان انا الحمد لله عارفه ازاى اعامل زوجى بما يرضى ربنا و احترمه و اقدره
لكن انا مش ناوية اشتغل هناك و مش عارفه ده يبقى احسن ليا ولا لا .. كمان هو مهندس كمبيوتر فى شركة كبيرة يعنى اعتقد ان مصدر دخله بعيد عن الشبهة

بجد موضوع يحير
شكرا لاهتمامك و جزاكى الله كل خير

السلام عليكم

اختى بوسي حاولى تهدى اعصابك شويه لأنى حاسه انك مشتته وتايهه

لما كل هذا القلق؟؟؟

صلاة الاستخاره ستخرجك ان شاء الله من الحيره.

وربنا يجعله من نصيبك ان كان فى ذلك خير لكى.


هو من القاهره و انا من محافظة بعيده عنها جدا فمش فيه طريقه اسال بيها عنه


شوفى يا بوسي خليه يجى يتقدم رسمى ومن خلال زيارته لكم وكلام والدك معه سيتضح لكى بعض الامور عن شخصيته.وحاولى تطيلى فترة الخطوبه لتتأكدى من اخلاقه وطباعه واسلوب تفكيره.ولا تتسرعى فى الرد.
وتأكدى من شعورك انتى اتجاهه هل ستشعرى بارتياح ام لا؟؟




لكن هو قالى انه مش بيشرب محرمات لكن بيشرب سجاير كتير


اختى ما السجاير حرام لكن بمحاولات منك ممكن يبطلها ان شاء الله





هو مش متجوز امريكية و اقامته هناك قانونية لانه بيدرس و بيشتغل


اختى بوسي الاقامه بالدراسه فقط تعتبر اقامه مؤقته ومرتبطه بانتهاء دراسته
وكونه بيعمل هنا فهذا جائز لان كل من يدرس يسمح له بالعمل 20 ساعه اسبوعيا فقط ولكن هذا ليس له علاقه باقامه دائمه.او بوضع قانونى دائم.

تأكدى يا اختى ان معه جرين كارد او جنسيه .وانه سيقوم بعمل اوراق رسميه لكى من السفارة الامريكيه بمصر.قبل مجيئك هنا.




لكن انا مش ناوية اشتغل هناك و مش عارفه ده يبقى احسن ليا ولا لا


اتركى هذا الامر حاليا فهو سابق لاوانه
احتمال تيجى وتدرسي وتعادلى شهادتك هنا وتحصلى بعد ذلك على وظيفه جيده
واحتمال ربنا يرزقك باطفال علطول وتلتهى بعنايتهم وتربيتهم وانا اشوف ان دا افضل كتير من العمل.




وربنا يوفقك لما يحبه ويرضاه


اختك مهاجره

السلام عليكم ورحمه الله وبركاته
انصحك ياختي انك ترين ان كان الشاب على قدر عالي من الخلق والدين وان تستخيرين ربك وان تعلمي ان من ترك شي لله اعوضة الله خير منه هذاان كان من ضعاف الدين وفقك الله لمى يحب ويرضى