السلام عليكم ورحمة الله وبركاته ...

اتمنى يا اخواتي قبل لاتقولوا رايكم انكم ماتحكموا عليا غلط ... وتساعدوني لانه ماعندي احد اتكلم معاه ... انا قعدت اكثر من ساعه قدام الجهاز افكر اكتب قصتي او لا ؟ وايش راح يكون الرد ؟. وهل انا انسانة سيئة ؟

المهم ... مشكلتي يااخواتي بدات من زماااااان وانا طفلة عمري سنتين كانت المشاكل جدا كبيرة بين الوالد والوالدة .. لدرجة انه مرت علينا انا وامي ايام مايعلم بيها الا ربنا وماكان في احد معانا غيره سبحانه وتعالى طبعا الايام تمر وانا كبرت ... وكملت دراستي بتفوق واتخرجت من الثانوي بامتياز ودخلت الجامعه طبعا طوووول حياتي عمري ماعرفت ايش يعني حب وحنان كنت عايشة لوحدي وصنعت لنفسي عالم ثاني هروبا للواقع ولاتنسوا اني كنت مراهقة صغيرة ....
طبعا لما دخلت الجامعه مع الايام لاحظت انه الكل يسوي اللي يبغاه ما احد عارف شي ( بحكم انه الجامعه مجتمع كبير وواسع ) طبعا في البداية كنت خايفة اسوي شي غلط لاني بصراحه كنت خايفة من اهلي مو من ربنا ( استغفر الله ) لكن مع الوقت اتعرفت على شلة سيئة وبدات اتمرد على واقعي وعلى حياتي ومشاكلي وكنت دائما اقووول انا حلوة ومافيا شي ناقص وليه يحصلي كذه ؟ بدات انحف ونحفت وبدات ازبط نفسي واتغيرت كثييييييييييييير ... بدات مع شلة الفساد ادخل في عاااااالم ثاني ...
التعارف والخرووج والسهر وغيره وانتوا كملوا (لاحول ولاقوة الا بالله ) وفي واحدة من زميلاتي كانت تنصحني اني ابعد عنهم ..وما ارضى وكانت حجتي اني عشت حياة صعبة ومحررومة من كل شي خلوني اعيش ((( تخيلوا اي حياة هذي ؟)))
المهم ... واحدة من صحباتي دعت دعوة ما انساها ابدا وزميلتي ماشاء الله ممن تخاف الله ...
قالتلي انتي انسانه رائعه وقلبك نظييف وجميلة لاتستغلي كل شي جميل فيكي بشي سئ اذا حياتك سيئة هذا مو عذر انتي لو بحاجة للحنان من احد انشاء الله تلاقيه عند ربنا ويجي احد وينتشلكي من بؤرة الفساد اللي طحتي فيها وبكيت وقلتلها ما اقدر اتراجع لاني خايفة اخرج ويؤذوني ... لكن الله يسعدها وقفت معايا وساعدتني ... وخرجت من العالم اللي دخلته بكل ثقة وكنت احسب راح الاقي السعادة ...
السعادة لقيتها مع ربنا ... كنت اول ما اركع ركعه والان صرت احافظ على كل صلواتي وحقوقي تجاه ربنا وحياتي اتغيرت للافضل حتى المشاكل في البيت خفت وصرت دائما سعيدة بدوون سبب .. وكنت ادعي ربنا انه يسخرلي بابن الحلال اللي يسعدني ....
اتمنى انكم تتعظوا وتحسوا بالامي اللي كانت مسيطرة عليا لكن الان الحمد لله كل شي اتغير وحتى شكلي باين انه تغير واي احد يشوفني يقووول صرتي احلى وشكلك زي العرايس ( الحمد لله هذا من فضل ربي )

الان انا في مشكلة جديدة وقلت هذي المرة خلوني اسال اخواتي في الله .. يمكن يساعدوني ؟؟؟
انا اتقدملي واحد ابن حلال .. طيب ومحترم ومقتدر ولله الحمد وانسان مافيه شي ناقص .. لكن اهلي رافضيييين رفضا باتا عليه وحجتهم انه انسان منفصل وعنده اولاد وانا لسه صغيرة ماجربت الحياة ومن حقي اخذ واحد مثلي اهلي جزء منهم موافق والجزء الثاني لا ...
انتوا يمكن تقولوا صح كلامهم وكمان ايش يدريكي انه طيب ومايكوون انسان سئ ؟؟؟
اقلكم كل شي بيد ربنا انا صليت واستخرت لمدة اسبوووع وانا مرتاحه جدا وابغاه من كل قلبي ومتمسكة بيه ولاتقوا يمكن فراغ عاطفي لا الحمد لله انا حالي افضل بكثييير ورفضت ناس قبله كثييير لاني ما ارتحت لكن معاه شي غير .. صدقوووني انسان رائع وباين عليه اما سبب انفصاله عن زوجته فهذي حكاية ثانية ما احب اتكلم عنها لانه من ستر عى مسلم ستر الله عليه يوم القيامة ... لكن هوا ماسابها من فراغ وهذا اقل شي اقدر اقوله
الان كيييف اتصرف مع اهلي كيف اكلمهم ؟؟ تراه مستعد ينفذ كل طلباتي لانه هوا كمان متمسك بيا واهلي عارفييين وقلهم انه يبغاني و راح يحاول المستحيل ...
امي تقووول راح يقارن بينك وبينها!!! وكمان اولاده انتي حتربيهم !!! رغم انه لاولاد مع امهم ووعدني انه مايجيبهم عندي ابدا لانه هذا من حقي ما اشوفهم لكن بالنسبة ليا شي عادي لانهم اطفال ومالهم ذنب ...
امي تقووول لو ماكان منفصل كان وافقت لانه صحيح كلامك انسان رائع وباين عليه واهلوا طيبين لكن لا وجوابي لا ولو حاولتي تسوي شي ياويلك مني ...وباين عليكي يابنتي متعلقة بيه ولاتحاولي معانا ...
بس في يوم فتحت الايمميل ولقيت رساله منه ( ما اعرف كيف اخذه ) يتاسف اذا سببلي احراج مع اهلي وانه اهلي كلامهم صح لاني لسه صغيرة وانه هما اهم منه ولاتسوي شي يغضب ربنا وانه ما ارسل الرساله عشان يلعب بيا لانه عنده اخوات ويخاف ربنا وقال لو احتجتي في يوم شي راح تلاقيني اول شخص اوقف معاكي حتى لو ما حصل بيننا نصيب ...
انا ما ابغى اطووول عليكم اكثر من كذه لكن اتمنى تكونوا فهمتوا كل شي .... وتقولوا رايكم وانا ما ازعل ابدا

بس ابغى اعرف ايش اسوي مع اهلي ؟؟؟ كيف اتكلم معاهم ؟؟؟ انا باصلي وادعي كل يوم وكل شي بيد ربنا .. هل خلاص ارضى بكلام اهلي ؟؟؟ وانشاء الله ربي يعوضني او في حل ثاني ؟؟؟؟
ونسيت اقلكم انه عمري( 20 )..... واذا تحبوا تعرفوا عمراللي اتقدملي فهوا (34 )...\يعني رجال مو لسه صغير وقصده يلعب ..

اتمنى تساعدوني وانشاء الله اللي بتوقف معايا وعد مني لادعيلها في ظهر الغيب ... حتى اللي عندها نصيحة بسيطة او بس تحب تقووول رايها ...
وسامحووووني اذا طولت عليكم ....

أختي ...لقد قرأت رسالتك كاملة بعون الله ....وأنت طلبت النصيحة ...فلا تغضبي مما سأقوله .......ما تشعرين به الآن هو شعر متأخر بالمراهقة وللأسف هذا الشخص يساعد على تنمية هذا الشعور ....فاسمحي لى بصفة أخت لك في الله قبل أي شيء أن أضعك في الصورة التي لا ترينها بحكم أنك صغيرة
أولا هذا الزواج به الكثير من المخاوف التي أخشى عليك منها أبرزها فارق السن بينك وبينه ....فأنت يا أختي لا زلت في بداية تمتعك بشقاوة العروس الجديدة ..وهو قد شبع منها ولا أريد أن أفسر حتى لا أخدش حياؤك ولكن ....أخشى عليك من علاقة متوترة بينك وبين هذا الشخص .
ثانيا : لو تزوج الشخص مائة مرة لن تكون كأول مرة وأسألي أي أحد .
ثالثا : فكرة ارساله رسالة لك عبر البريد الالكتروني لا تريحني فهو يذكرني بمن يدس السم في العسل ...هو يحضك على عدم عصيان أهلك وفي نفس الوقت يدغدغ مشاعرك حتى تنظري له في صورة العاشق الجريح ..وهي صورة لا أراها مقنعة بالنسبة لرجل منفصل .
رابعا : دائما مشاعر الفتاة التي لم يسبق لها الزواج تكون لذيذة وعفوية وبكر وهو ما يمثل مصدر سعادة له بصرف النظر عن كونه يبادلها نفس الشعور أم لا وهذا ما أشك فيه في حالتك .

وأخيرا أنصحك يا أخيتي أن تلتزمي جانب أهلك فهم دائما يرون ما لا ترينه وأسأل الله لك زوجا صالحا يعينك على طاعته ...... واعلمي أن ما أصابك ما كان ليخطئك ..وما أخطأك ما كان له ليصيبك ...............الا بإذن الله

وطمنينا عليك وعلى أحوالك

حبيبتي اريج الزهر ... شكرا الف شكر .. على رسالتك .....
كلامك اثر فيا صراحة وراح اصلي انشاء الله ركعتين لله وافكر في اللي قلتيه بهدوووء ... كلامك صح لو اتزوج الواحد 100 مرة ماراح تكوون زي اول مرة ...

الله يسعدك ربي انشاء الله ...

حبيبتى لقد قرات رسالتك ورد الاخت اريج جزاها الله خيرا
واقول لك انا الحرمان العاطفى كثيا ما يعمى ابصارنا عن ما نحن مقدمين عليه واحيانا يصور لنا حلاوه الاشياء
ويجعلنا ننسى الواقع
واقول لك انك تائبه الى الله وهو لن يضرك ابدا باذن الله وانصحك بالابتعاد عنه
لاننى احس انه يتلاعب ببرائتك ويستغل فرصة انه اول من دخل حياتك
وهل انتى متاكده مائه فى المائه انه ليس هو سبب الانفصال
وفقك الله لما فيه الخير

أختي
بالبداية
ألف ألف ألف مبارك ....على إالتزامك واسأل الله أن يكثر من تلك التي نصحتك أو ساعدتك لترك تلك الشلة
غاليتي
أعجبني جدا أنك لم تذكري سبب الطلاق ...فأسأل الله أن يوفقك على ما فعلتيه