اول يوم تعرفتي فيه على ؟زوجك اوخطيبك





بصراحه جيت اليوم وانا كلي امل انكم تتفاعلون

مع موضوعي اليديد

ودي كل وحده تكتب عن اول يوم شافت فيه ريلها او خطيبها

والمواقف الطريفه والتي لن تنساها وبكذا نتسلى ونتعرف اكثر

طبعا هذا الموضوع عيبني وقلت خلنتي اكتبه ومنها نتسلى

ان شاء الله يعيبكم وتتفاعلون

واتمنى انه الموضوع ماينتقل عشان نحصل ردود وتفاعل اكثر على الاقل هذا الموضوع

وحبيت اقول حق البنات انه مواضيعي اليديد كتبتا في النافذة الجتماعيه اذا حبيتوا تقرونا

sid

هلا حبيبتي
شوفي ياقلبي انا مخطوبه حالياً لولد خالتي مع العلم اني ماشفته ولا شافني ولا تملكنا ولا شيء بااااقي
جالسين مدري الى متى
بس بقولك عني انا والتمساح حقي
اولاً احنا مافيه شيء في عادتنا اسمه يكلمني واكلمه للتعارف
لا فيه النظرة الشرعيه بعدين الملكه بعدين يكلمون بعض بعد مايطولون
المهم انا وابو الشباب خالفنا القوانين من غير محد يدري(نص الجماعه اصلاً درو)
وهاتك يارسايل ويحاول انه يكلمني بس حسيت انه احنا تعدين الحدود فرفضت مكالمته مجرد مسجات
المهم اخره امس تهاوشنا ولا دق ولا كلمني وانا مطنشه يوم درت اخته
قالت هذا وانتم ماتعرفون بعض زين ولا شفتو بعض ولا تملكتو تسوون كذا
اجل اذا تملكتو وش بتسوون قااااال بنسحب شعور بعض وتقيس
والله اني احسه ماااااااش مافيه رومنسيه ولا ذراببه كنه عايش بصحراء ولا في احد مجاهيل افريقيا
المشكله هو هنا معنا اقصد من مواليد الرياض لكن وش نسوووي
واذا لمحت له اني ابيه يشوفني علشان ابي اشوف شكله
يقول انا ما خطبتك كذا الا لمى شفتك يوم كنا ببيت جدتي مو دايم بس نتقابل بالخطا واحيانا صدف
تعرفين البيت كبير واحنا نتغطى عنهم واحيانا نتقابل بالصدف بس والله اني ما اعرف ملامح وجهه
اذا شفته بالصدفه اهرب مدري وين اروح تقولين فار خايف من المصيده
لكن الله يسهل واقبله واوريه الشغل قولو يااااااااااااارب
عارفه ياقلبي طولت وقلبت لك الموزوع بس المعذرة
سلالالالالالالالالالالالالالالالالالالامي لك

السلام عليكم ورحمه الله وبركاته
اشحالج اختي مدنايت
انا انشالله بكون اول وحده

امممممممم امممممممممم

طبعا ريلي من هلي من بعيد
وهو من قطر وانا من الامارات من بوظبي
شاءت الضروف انه يا الامارات ان عنده شغل وفذاك الوقت انا ماكنت اعرفه ولاهو حتى يعرفني
بس ابوه قاله وانت ساير الامارات تقضي شغلك مر على هلي وتعرف عليهم
وبالفعل يا بيتنا وتعرف على ابوي واخواني وعمامي
المهم انا بالصدفه شفته وانا طالعه طبعا هو شافني لاني كنت يايه من برع ودخلت البيت وماكنت اعرف انه في حد فالحوش كشفت عن ويهي وكملت طريجي وشافني
ماعرفته المهم سالت امي عنه وقالت لي هذا فلان من جماعتنا في قطر
وكان شكله متكبر وشايف عمره , قلت حق امي بلاه جي شايف عمره وامي حليله تقول لي لاااااااااااااا
ريال طيب بس انتي دومج تتحرين الناس شايفين اعمارهم
المهم الريال كان حاطني بباله
وعقب فتره يا وخطبني وفي ذاك الوقت كنت في الكليه ادرس
يعني ترددت واااااااااااااااااي قلت لين ما اتخرج
وبعدين في نفس الوقت وايد خطبوني المهم اخر شي رسيت على بر وصار النصيب



والشي الطريف انه في يوم الملجه كانت كيكتنا 5 طوابق ولما وصلوها لنا اليبت كانت ذاااااااااااااااايبه
لانه كان في الصيف وبالضبط في 6_8 ونحن بالامارات عندنا مناسبه في هاليوم اللي هي عيد جلوس المغفور له الشيخ زايد فكانت صدق مناسبه حلوه وكانت شوارع بوظبي كلها مزينه

المهم بعد مالبسني الشبكه جربنا للكيكه عشان نقصها

واذا بالكيكه تنهاااااااااااااااار
وانا كنت مرتبكه وهو نفس الحال , وطيحت الكيكه طرت الجو
بس بقى الطابق الخامس واللي هو الصغير سليم وكلناه

وهذي قصتي يلا نتريا باقي الاعضاء

..
بس بقولك عني انا والتمساح حقي .................................هذي عجبتني


المهم انا وابو الشباب خالفنا القوانين من غير محد يدري(نص الجماعه اصلاً درو)........... وهذي بعد عجبتني
المهم اخره امس تهاوشنا ولا دق ولا كلمني وانا مطنشه .........................كل واحد يحاول يثبت شخصيته
قالت هذا وانتم ماتعرفون بعض زين ولا شفتو بعض ولا تملكتو تسوون كذا
اجل اذا تملكتو وش بتسوون قااااال بنسحب شعور بعض وتقيس..................... اختي الكبيره مره قالت لي انه اذا
طولة الملجه تستوي وايد مشاكل وريال ممكن مايعرف يرضيها بس اذا عرست غير لانها تكون جدامه

المشكله هو هنا معنا اقصد من مواليد الرياض لكن وش نسوووي ................ احسن عشان اذا بغيت تزورين
اهلج
واذا لمحت له اني ابيه يشوفني علشان ابي اشوف شكله ...................حركات
يقول انا ما خطبتك كذا الا لمى شفتك يوم كنا ببيت جدتي مو دايم بس نتقابل بالخطا واحيانا صدف
تعرفين البيت كبير واحنا نتغطى عنهم واحيانا نتقابل بالصدف بس والله اني ما اعرف ملامح وجهه
اذا شفته بالصدفه اهرب مدري وين اروح تقولين فار خايف من المصيده......................خلي عنج ..هذي الحركات معروفه
لكن الله يسهل واقبله واوريه الشغل قولو يااااااااااااارب.....................ان شاء الله بس لازم تعزمينا

عارفه ياقلبي طولت وقلبت لك الموزوع بس المعذرة..........................بلعكس وايد ستانست وياج وضحكت
سلالالالالالالالالالالالالالالالالالالامي .............................مشكورة لانج فرحتيني وكنت اول وحدة تكتب

انا اول مره شفت خطيبي ليله الخطوبه والعيله كلها متحاوطتنا سلم علي وسلمت عليه وراسي في الارض وبعدين قطعنا الكيكه والنكته عاد لمن سال اختي عن نوع الكيكه شنو تحب سالوني وستحيت وسكت قالت له اختي اهم شي تكون فيها فواكه وانا ماحب الفواكه عاد اختي كنها ماتدري عني المهم اكلني قطعه فيها فواكه حزتها تمنيت اقوم وارجع عاد اكلته انا واني منزله راسي مديت الشوكه وهو مد راسه واكلها وبعدين شرته عصير وطاحت نقطه طبعا لاني منزله راسي وضل فتره يدكرني ويقولي تشربيني العصير ورسك تحت اشلون تصير هادي ولله انا معدوره لاوسخر على مكياجي وقالي اخديها من الحين ماابي الامكياج خفيف مره وضليت 3 اشهور مااتكلم الالمن يسالني واوقات بلموليه ماارد بس عاد الحين صار الساني شطوله يقولي لوبعدك زي اول كان احسن