السلام عليكم ورحمة الله وبركاته
الصراحة اهدي الموضوع لجميع من ابتليت باليالي الملاح
واهديه لروحي (يحول منيب احب روحي ابددددد)..اللي كلما دخلت هنا ..اتسائل..الخلل مني انا والا وش سالفة هالليالي الرومانسيه...؟؟؟؟؟
واهديه لزوجي اللي كلما ناظرته قلت (يحول يللي ماعنده ليالي رومانسيه)...
واتمنى من احد يتبرع لي بدرع لانه بتجين نعال كثيره لاني كاتبه الموضوع هذا بمنتدى (الليالي الرومانسيه ) وهالطقه...يعني جايتكم بعقر داركم..واتفلسف عليكم بعد...كملت..!!!


ايضا(ركزوا على كلمة-ايضا- ترا متعوب عليها - ومسروقه من منتدى مجاور للغة العربيه- بس اشوى ماصادون لاني لابسه قناع الننجا حق ولدي، يحسبونن الفراش).. ايضا اطالب بحق اللجوء السياسي لمنتدى ساعدوني لو لا سمح الله قاموا علي الاخوات هنا..
المهم..

اجي احيانا (احلفي انه احيانا موب دائما)...
واقرا هالافكار النيره يالله من فضلك....
اللي تبيتس تقلبين روحتس سبوره وترسمين بالقلم على جبهتس وساقتس وخشمتس.....
وعلى الطريق مادام قالبه قالبه...درسي عيالتس واسمي خارطه المملكه على كتفتس...على الاقل شي مفيد..ومقبله الاختبارات...يعني حج وقضاء حاجه..
واللي تقول لفي روحتس هديه .... (تخيلي روحتس صاموليه ولفي بكل اخلاص).
.ولو مالقيتي لفافات..جيبي جرايد..
اضمني ان زوجتس بيهتم اهتماما بالغا وبيقعد يطالعتس ساعتين (مبهور)<<-------
)<<------- لانتس ملففه روحتس بالصفحات الرياضيه وفيه تحليل لمباراة الهلال والنصر...والا صفحة الاسهم

واللي تقول انثري ورد وقراشيع على السرير والارض
(والله اذا كنتي انتي اللي بتجين تكنسين عقب..معليش انثر ان بغيتوا قراطيس حلاو مصاص بعد فوق المخاد)
لكن محد متورط به الا انا..!!

واللي تقول ودي عيالتس عند اهلتس وانسيهم... خير ان شاء الله؟؟
احمدوا ربكم على هالنعمه الكبيره اللي عندكم...!!

اولا هذولا بالذمه...وصح اهلي زيي..بس ولو..الام هي اللي مسؤولة عنهم قدام الله

ثانيا الجده (اللي هي امك) كلما تتقدم بالسنه ترا ماتتحمل الاطفال وصجتهم...
(واذا صار رفيقك عسل لاتلحسه كله)...
تمسكهم اذا عندك ارتباط اجتماعي...
اذا عندك مشوار مهم...اذا تبين مثلا تتعشين انتي وزوجك بهدوء... بس موب دايم)<<<تحسون الله يعين بنتي علي اذا هذي افكاري من الحين...

بس علشان ليله حمراء؟؟؟؟؟؟
حمراء؟؟؟؟؟؟احس والله حتى عيب عند اهلي...وش تقولين؟

خوذوا عيالي علشان ابانام مع زوجي مابي صجة؟؟؟<<----وين الحياء ..يعني لاتخلين شغفك بهالليالي الزرقاء والموفيه والبرتقاليه المنقطة بالبنفسجي وركضك ورا زوجك يخل ببرك بوالدتك...ويخليك تسفطين عيالك وهم صغار بحاجتك..
ترا فيه اولويات ..هماه<<<--- صوروني وانا مشخصه اقول حكم وامثال

(ماينفع اسوي لي برنامج خاص اتفلسف فيه)؟؟
<<<باللهعطوا هالخشه كف يمشي مليون هنا لو سمحتوا..
واللي تقول دخلي معتس علبة كاكاو بغرفة النوم ووووو....(&*^&%&%&*)<<<---مشفر
ياعالم كاكاو اسوي به كذا؟؟؟؟؟؟؟
نعمة ربي؟؟؟؟؟


اولا استغفر الله<<< احلفي
اقصد فيه ناس موب لاقين ياكلون خبزززز وهو خبز
وحنا نلعب بالكاكاو كذا؟؟؟؟
الله لايخسف بنا بس..

ثانيا والله قسم بالله احسن لكم مليون مره ومن صحيح لو ان هالكاكاو قاعده تاكلينه انتي وزوجك وعيالك ( ياعمري ياهالعيال كاسرين خاطري-اللي محلوتين عند جدتهم ولا ياكلون كاكاو بعد ) كوليه انتي واياهم بالصاله
بطريقة طبيعيه ومتهنين وتطالعون التلفزيون واخر وناسه وسواليف ووش صار لك اليوم ووش رايك و و و ..
ترا موب اهم شي بهالحياة السرير والتفنن فيه ...
السعاده باشياء ثانيه...مهمه جدا....اشياء تدوم
اشياء تبني الشخصيات
اشياء تعتبر ركائز اسريه على المدى البعيد..
الاحترام...البذل...الاهتمام... الحوار...الرقه..الحنان...
مهوب اشياء وقتيه تستمر كم دقيقه تبي تعتبرينه هي اساس قوة العلاقه عندك؟؟؟

(علشان بس محد يقوم علي..انا مااتكلم عن العلاقه الزوجيه الحميمه الطبيعيه اللي معروفه اهميتها ..اتكلم عن التقليعات الغريبه اللي يعتبرونها الناس هي اللي تقوي الحب بين الزوجين)


(كلاكيت مره ثانيه وانتي وعيالتس وابوكم بالصاله تالكون جالكسي وتناظرون المحقق كونان)<<<----علشان تفهمون بس وش اقصد يوم اقول السعاده باشياء ثانيه...


واللي تقول اكتبي بالروج احبك على المرايه...
بالله ومن بيجيب فوطه يمسحه ذا ويتورط به غيري...

وبكيفه موب لازم يقرا احبك
لان المفروض شايف حبي بالافعال مهوب حركات ترسيم وتكتيب..



بس احب اقول لكم قصة بالاخير...

لوحده من ضحايا الليالي الرومانسيه (على قولتكم)


لبست فستان زواجه والطرحه وماكياج ودنيا....
ونومت عيالها وقفلت عليهم بعد...
وراحت تنتظر الابو بمجلس الرجال (علشان تسوي له استقبال من اول مايدخل)..

مفاجأه بزعمها...
طبعا هي مسكينه من كثر شغل البيت...نعست مره وهي تنتظر
تنتظر تنتظر ماجاء...
غفت عينه الحرمه ونااااااااااااااااااامت ورا الكنب متغبيه...
والدنيا ظلماء طبعا...(علشان مفاجاة)
ودخل الزوج ...يدور يدور يدور بالصاله...
بغرف النوم بالمطبخ...
ماااااااااااااااااافي احد؟؟؟؟؟
يكلم اهله ...ماااااااااااااااااااااايدرو ن وينه؟؟؟؟؟
يدور بكل مكان..مالها اثرررررررررر
ويجون اخوانها مدررررررررررعمين ومرتاعين...وين اختنا وين وين...؟؟؟؟؟
كل خاطره شينه تجي ببالهم...
ويفتح الزوج لمبه مجلس الرجال علشان يجلسون سوا يتفاهمون وش بيسوون...بيروحون للشرطه والا المستشفى والا من صديقاتها...و و و و
ويلقون الحرمه
نااااااااااااااااااااااااااااا اااااااااااايمه بالمجلس ولابسه طرحه

هههههههههههههههههههههههههههههه هههههههه
وهاااااااااااااااااااااات ياتكفيخ منهم كلهم الزوج والاخوان...
ووالله احس الفشيله اكبر من التكفيخ...
ياااااااااااااااااااااااااربيه لاعادت...


بس فكووووووووونا من الليالي الرومانسيه

الموضوع مجرد دعابه..وابداء رأي...لا اقصد فيه تجريح لأحد...
فقط خاطره وحبيت اترجمه لسطور..
اتمنى مااحد يزعل


وخلوا كل لياليكم رومانسيه طبيعيه خاليه من التقاليع

منقول من الاخت جريشة

أسمحيلي أختي أنهار الجنان
وليسامحني الأخوات على ماسأكتبه لأنه لابـــد لي
من أطلاع الجميـــع على ماتوصلت اليه

لي تعليق على موضوعك ومضطــرة لقـــوله لأنه يفســـر في رأيي هذا
الأقبال المتزايد على معرفة كل جديد في الليالي الرومنسية من قبل الزوجات
وهي وجهة نظري بعد ماشفت من مواقف وقصص
وحــرص من أغلب النساء على مايسمى بالليالي الرومانسية 00!!


بما أن الرجــل لايعبر لزوجته عن مشاعره ومحبته ولايفكر بالتقرب
منها الا لأهــــداف شخصية 000000!!

فلا يفكر أن يمرر يده على شعر زوجته ليشعرها بحنانه
أو يقبلها بدون مناسبة
أو يتغزل بجمالها وانوثتها
لايمكن أن يعمل كل ذلك الاهدف معين براسه !!

فالمرأة لاتحرص على تعلم هذه الليالي الا لأشباع عاطفتها
ولتسمع كم كلمة حب من زوجها تشعرها بأنوثتها وبرغبة زوجها بها
هذا الزوج الذي لو تركته لضميره ولم تحركه فلن يتحرك أبداً 000
عندما اقرأ تلك المواضيع أشعـــر بالرحمة لهذه الأنثى الضعيفة
التي دفعها الرجل لمخالفة فطرتها وحيائها وعلى الملاء
حتى تنال بعض الحنان والحب منه00
فلا حول ولا قوة الا بالله

أخـــواتي هذه بعــض التعــليقات الطــريفة على بعض الرومانسيـــااات
وأرد على لســان بعض الأزواج

1ـ بروزي بطاقة زواجكم وضعيها بجانب السرير من جهة الزوج على مفرش جميل .
أخــــاف يتــهيض ويتزوج مــرة ثانية!!!

2 ـ سجلي صوتك في جواله وأضبطيه حتى يدق وهو خارج المنزل ليسمع عبارات الحب .
ياويلي ويا سواااد ليلي والله لأنام في قبري بعــد تعــزير يدوم لمدة حتى يفش غيضــه.
3 ـ أكتبي ورقه صغيرة وضعيها في محفظته مكتوب عليها ( ياليتني بدل المحفظة لأكون قريبة من صدرك ومعك في كل مكان )
بيـــقول انهـــبلت المرة الله يخــلف علي.

4ـ أمسكي بيده فجأة في السيارة أو في البيت وقولي له ( والله إني أحبك )
يوووووووووه بالسيارة بيقـــول لابشوفنا أحـــد.


5 ـ أكتبي عبارات حب على مرأة الحمام وغرفة النوم مثلا(أول مرة أشوف قمر يطالع نفسه في المراية +بوسه )
بيقــول أتقي الله الشغالة لاتشوف هالحــركات يكفــي إنها بعــيدة عن زوجها.
وبعــدين مالقــيتي تكتبــين أحبك إلا في مكان الشياطــين أعوذبالله.

6ـ أفرغي زجاجة دواء وأملايها بأوراق صغيرة مكتوب بها أشعار وعبارات حب .
علشان يتوهــم إنه سحــر وشوفي عاااد النتيــجة.

7ـ غيري شاشة التوقف في جوال زوجك وكمبيوتره بعبارات حب
أعقلي يامــره أنت مانتي مراهــقه أقل شي خافي من العــين لو أحد شاف جوالي.

8 ـ أكتبي بالكمبيوتر كلمة ( أحبك ) ثم فرغيها وضعيها على سقف الأبجورة وأطفئ النور سيظهر على سقف الغرفة كلمة أحبك بخط كبير مثل طريقة ( البروجكتر )
بيقول لاتكــسرين ولاتخــربين تراني ماراح أغير أي شي.

9 ـ غيري لون لمبة الأبجور بصباغتها بالمناكير
بيكـــح ويقووول وش ذالريحــة كتمتــيني.

10ـ غيري أسمك في جواله مثلا ( حبيبتك ،حياتك ، قمرك .......)
هالحــين أنت من لقــفك على جوالي وليش تكتــبين هالخرابيط صدق إنك فاضية.


11ـ علقي على ثوبه ببطاقة قبل خروجه للعمل مكتوب عليها ( لا تنسى أن تقبلني قبل الخروج )
شيلي بســرعة هالأوراق ذي بروووح للعــمل مستعجــل.

12ـ أنثري الورد على وسادته
ليش البزران لاعبين بالدنيا مافيه أحد يراقبهم
منثرين الورد على مخــدتي حتى النوم ماأقدر أنام.


13 ـ عندما يذهب للإستحمام جهزي له ملابسه وعطريها وضعي عليها بطاقة مكتوب عليها ( أحسد هذه الملابس التي ستحضن جسدك )
عجلي وخري عني بروح ألحــق الصلاة أو الشغل ومن هالأعذار.

14 ـ أرسلي على بريده الألكتروني بطاقات حب وأناشيد جميله
أصلا ماشفت شي لي شهــر مافتحت بريدي .


15ـ عندما يكون خارج المنزل ضعي بطاقات كثيرة بقبلاتك من الباب وحتى المكان الذي يعلق فيه ملابس
ياولد طــريق معي رجال شيلي الأوراق هذي بســرعة وعطــينا القهوة.


16 ـ حصني زوجك قبل خروجه من المنزل بالأذكار فهذا يشعره بحبك وخوفك عليه
على أيش قالولك ملاك ....


17 ـ أملئ البانيو بالماء الدافئ والرغوة ثم فاجئيه عند قدومه من العمل بعمل حمام جميل له ثم عمل مساج بالزيوت العطريه وسيدعي لك من أعماق قلبه
18 ـ جهزي له طشت ماء دافي مع الملح وعمل مساج للقدمين بعد قدومه من العمل
وخــري بس أبغى أنام علشان أصلي العصر وبعدها مشوار .



19 ـ أخرجا في رحلة رومنسية بدوووووووون الأولاد
لا لا لا أنا ماأستانس إلا مع عيالي كيف يطــيعك قلبك نتركهم في البيت.