بسم الله الرحمن الرحيم
السلام عليكم ورحمة الله وبركاته

إخواتي انا ماني عرفانيي كيف ابدا موضوعي
انا خجلاني منكن كتييييير

انا بنت لبنانيي كنت مسيحيه .. لما سار عمري 18 فتت عالجامعا الامريكيه .. وكنت ساكنه بعيد عن اهلي في السكن الجامعي .. كنت كتير خجوله وانطوائيي ومابعرف اعتمد عحالي .. لاني كنت غنوجه كتير كتير وماتعودت ابعود عن بابا وماما..

كنت بس بفوت للجامعه وارجع لغرفتي مابروح اي مكان تاني .. وبئضي يومي مع الروم ميت تبعي وانا كتير حبيتا وكنت متعلئه فيا وكتير بحبا

بس هي الله يسامحا اهدتني كتب تبعت شكسبير وجورج ميشال ودواوين نزار إباني .. وانا صرت كتير مشاعري رقيقه وقتا ( كنت لساتني بيبي) وتأسرت وصرت رومانسيه كتييير

وفي يوم من لإيام البروفيسور طلب منا ننئسم لمجموعات ونشترك بعمل بروجيكت
وانا صرت مع زميل لإلي بقروب واحد

وبعد فتره حسيتو عم يتقرب لألي .. وانا بحاول ابعدوا عن تفكيري بس ماإدرت

رجعت عالسكن وحكيت للروم ميت كل شي ..

وبعدين انا كنت في الكافتيريا تبع الجامعه .. (مع اني ماكنت بحب اجلس فيا لأنو فيا كتير شباب سموكنغ .. وانا بكره ريحه الدخان كتير ).. بس كنت رايحه بالصدفه ولمحتو قبالي وحسيت قلبي عم يضرب

بس هو تقرب لي وحكا لي رغبتو في الارتباط؟؟؟
وحكى لي انو كان مرائبني من زمان وحبني كتير

وهوي بصراحه كان كتير مهضوم وانا كتير حبيتو

المشكله انو هوووي كان مسلم وانا كنت مسيحيي
بس طلب مني اني اسلم لأنو مابيصير المسلم يتجوز مسيحي وانا وافقت

بس المشكله في اهلي .. هما مسيحين كاثوليك كتير متشددين وعارفه ميه بالميي انو ماراح يوافقوا

وفعلا خطبني منهن وماوافئوا

فأقنعني انو نهرب ونتجوز
وانا وقتا كنت طايشه وزغيري ووافقت

وفعلا رحنا عكندا وجلسنا فيها خمس سنين انجبت فيها بنتين أمورتين توأم

وكنت دايما بحكي مع الماما من كندا وبطلب منا السماح وسامحتني

بس بابا لساتو مابدوا يحكي معي .

شو بدي اعمل هلا؟؟

انا فتحت ألبي لإلكن لأني حسيتكون متل اخواتي وحبيتكن كتير كتير

مبروك اسلامك حبيبتي اول شي
والاسلام دين السلام والمحبة والوفاء
بالنسبة للام اكيد رح تسامحك وابوكي مسامحك
بس عم يتدلع عليكي زيادة لكن لو يشوفك امامه مع اطفالك رح يعرف انه صار جد بحق وحقيقة
رح يفرح لك ويكلمك متل اول ويمكن والله اعلم تقدري تخليهم يدخلوا في الاسلام مثل ما دخلتي انتي
فحاولي تنزلي بلدك وتزوري اهلك واهل زوجك

thug girl
هذا رأيي

اختي ThuG GirL
مرسييييييييييييي كتير عردك الحلو
انتي كتير خففتي عني

والحكايه هيدي صار لها عشر سنين

وانا ساكنه هلأ بلبنان وكتير بنزل زور اهلي

بس بيي مابدوا يشوفني

وانا كتير رحت لعندو وبوست ايدو و رجلو تحتى يسامحني

بس هوي طردني انا وجوزي من بيتو

وحكى لي انو مابدو يشوفني

شو اعمل معووو؟؟

طيب جدك عايش حيبيتي ؟؟

أهلا و سهلا فيك أختى أنجيلا مفيدة و مستفيدة معنا فى هالمنتدى الطيب

بالنسبة لتصرف والدك يعتبر رد فعله طبيعى جدا.

والعملية محتاجة لوقت أكبر حتى تقدرى ترضيه و صبر و إحتمال...

بما إنك أصبحت مسلمة و أسأل الله تعالى أن يثبتك و يسعدك فى إختيارك الصحيح... عليك بالدعاء المستمر لرب العالمين إنه يحنن قلوب والديك و إن يهديهم كما هداك...

عزيزتى تخيلى لو هدى الله فيك والديك قديش راح يكون لك الأجر العظيم و تخيلى مدى السعادة اللى راح تعيشوها مع بعض.

توددى له بالهدايا وتحملى ردة فعله و غضبه....
بكل مناسبة إتصلى فيه و بكل موقف خليكى معه,, بالأفراح و الأحزان بالأعياد معلش تحملى فالأب و الأم يجب علينا برهما و إن لقينا منن الأذى فمو مشكلة.... منصبر لأنه رب العالمين أمر بالإحسان و البر.

وكمان لاتنسى بيتك و زوجك وبناتك الله يحميهن... لا تخلى مشكلتك مع أبوك تنعكس على علاقتك بزوجك.....وخصوصا إذا كنتى متفاهمة معه.....

ربى يهون عليك ويسعدك.

بس انا اعرف انه المسيحين يعملون حساب للكبار
عشان كذا قلت لك وسئلتك هل جدك عايش يقدر هو يفيدك بانه يعمل مجلس صلح بينك وبين ابوكي

او انك تطلبي من الكنيسة اللي يروح لها ابوكي المساعدة منهم ؟
على اساس الاقناع ويمكن يقدرون يقنعوه ؟

مبروك و الف مبروك اعتناقك للإسلام
عزيزتي أنجلا كل شيء يتطلب الصبر و الوقت لا تقلقي من أهلك و لا من تصرفاتهم
ممكن أهلك يكونون غير راضيين عن طريقة زواجط أي هروبك لأن هذه ضربة بالنسبة لهم
أمام العائلة و الأهل و الأصحاب و لكن الزمن كفيل لينسينا كل شيء
لا تتعبي في صلة أهلك مهما حصل فالإسلام يوصي بالوالدين و يوصينا بصلة الرحم
و أجمل ما في الإسلام هو الرحمة و المغفرة و التسامح ......
عزيزتي أمك على ما يبدو تتجاوب معك حاولي أن تترجيها أن تتوسط لك عند الوالد حاولي أن تربطي الإتصال
بكل من يستطيع الثأتير على والدك .
فقصتك ليست أول قصة هناك أناس عديدة تصرفت مثلك و في النهاية استقرت فالله سبحانه و تعالى لن ينساك
و لن يتخلى عن عبدة من عباده أطاعته صلي و أكثري من الصلاة و لا تيأسي ثابري ثابري أكررها .
أتمنى لك التوفيق .