السلام عليكم ورحمة الله وبركاته
الف مبروك اختي روح الحياة والله يديم السعادة بينكم ويرزقكم الذرية الصالحة.
اختك بالله هوايتها المطاعم بس ترى مانيب دبة بس احب اروح دايم لها مع زوجي وخصوصا في نهاية الأسبوع وبما انك ما حددتي وش نوع المطعم انا بعطيكي الي اعرفة من معلومات عن مطاعم الرياض.
المأكولات البحريه :
(1) مطعم ليكلوز الفرنسي ( شارع التحليه) " أسعاره نار"
(2) مطعم عمو حمزه ( فروع متعدده ) " اسعاره متوسطه"

المأكولات الإيطاليه :
(1) مطعم الريف الإيطالي ( شارع التحليه ) " اسعاره شبه عاليه"
(2) مطعم روما ( عمائر السيركون من جهة الخلف ) " اسعاره متوسطه"
(3) مطعم بافيليون ( شارع التحليه ) " سعره مناسب"

المأكولات الصينيه :
(1) مطعم الخليج الصيني ( طريق الملك فهد "الرحمانيه") " اسعاره مناسبه"
(2) مطعم كانتون سزلر ( شارع التحليه ) " اسعاره مناسبه"

المأكولات الشاميه :-
(1) الريف اللبناني (شارع التحليه) "اسعاره نار نار وتفاجئت فيها"
(2) مطعم بعلبك ( شارع العروبه ) "اسعاره مقبوله "
(3) مطعم برج الحمام (شارع التخصصي ) " اسعاره شبه عاليه"
(4) مطعم العجمي ( فروع متعدده والاشهر شارع الثلاثين) "اسعاره مناسبه"
(5) مطعم ابوكمال (شارع الثلاثين) "اسعاره جيده"
(6) مطعم هاشم "الاردني" ( بجوار شرطة السليمانيه) " اسعاره جيده"

المأكولات الهنديه :
(1) مطعم مكاني (شارع الثلاثين السليمانيه ) "اسعاره مناسبه"
(2) مطعم آفاد ( شارع التحليه ) " اسعاره نوعاً ما عاليه"
(3) مطعم مرحبا ( خلف مركز الخليج التجاري طريق الملك فهد ) "اسعاره مناسبه"

المأكولات السعوديه الشعبيه :
(1) مطعم الرومانسيه ( حي العقيق طريق الملك فهد) "اسعاره مناسبه"
(2) مطعم غوزي (شارع الامير عبدالله ) " اسعاره مناسبه"


المأكولات الإيرانيه :
(1) مطعم شيراز (شارع عبدالله الحمدان المتفرع من التحليه)"اسعاره نوعاً ما عاليه"
(2) مطعم أصفهان ( يوجد فرع له بالفيصليه) "اسعاره مناسبه"
%%% هذي المطاعم الي اعرفها %%%
بس اصبري شوي وشوفي اقتراحاتي لأنكم عرسان
فيه مطعم((ايطالي)) اسمة سبازيو في برج المملكه في الدور قبل الأخير على ما اذكر هذا فظيع وروعة اكلة يهبل وتشوفين الرياض من فوق منظر خيالي..اسعارة غويلية شوي بس الصراحة يستاهل كل ريال يندفع فية.

واذا تحبين التوفير فية مطعم بعد ببرج المملكة اسمة السيزونز في فندق الفور سيزونز فية بوفية يومي غداء وعشاء وسعرة 110 للشخص بعد ممتاز وحلو وفية توفير وكل يوم فية اكلات من مطبخ مختلف (( اسألو وش نوع البوفية عشان لا تروحون ويكون بوفية صيني وانتم ما تحبونة مثلا)) انا انصحكم بأختيار اليوم الأيطالي او السي فود.

وفية مطعم برازيلي في الفيصلية فوق مدخل الفندق بعد حلو وعندهم اكلات برازيلية رهيبة هذا خلية لروحة ثانية من باب التغيير والأكتشاف....
وهذا كل ما عندي عن مطاعم الرياض
تحياتي لك
اختك شقراوية