السلام عليكم ورحمة الله وبركاته

انا اعتقد ان اول مره اشرفكم في النافذة الإجتماعية وأكتب موضوع

تراني جايه لكم من الاخاااااااااااااااااااااااء يعني لازم ترحيب

هههههههههههههههههههههههههههههه


امزح مو غصب

يالله خليني ابدأ في موضوعي الي جابني عندكم

الموضوع ومافيه ان وحده من صاحباتي دقت علي تصيح من قلبها ليييييييييييييييييييش؟؟

كان عندها مجلس امهات بالمدرسه وهي ثالث ثانوي
وقالت لامها ابغاك تحضري مجلس الامهات وتسالين عني وتبغى تفرح ان امها جات وشافت معلماتها وصاحباتها

صحت البنت وراحت معاها امها وفي نص الحفلة قامت وقالت لها خلاص انا بروح يالله
وطبعا طلعت وحطمت كل احلام بنتها الي كانت تحلم فيها ان معلماتها وصاحباتها يشوفوا امها
ان امها تعرف وش شخصيتها مع معلماتها وصاحباتها ان وان وان يعني كل شي


حبيباتي الي قروا الموضوع

ابغى اعرف في حالة ان كنتي بنووووته حلوه وتبغي امك تجي وسوت فيك كذا
ايش راح تكون ردة فعلك؟؟

او

ايش تكون مدى فرحتك لمن امك تجي وتسال عنك وتشوف صاحباتك؟؟



وان كنتي الي قريتي موضوعي الام القلب الحاني على بنوووتتك
ايش تحسين مدى الاستفاده من مجلس الامهات ؟؟

وهل تحبي تسالي عن بنوووتتك دائما؟؟


وهل مره جرحتيها او حطمتي احلامها وما رحتي ؟؟ في هذي الحاله حسيتي انك حطمتيها ولا لاء

معليش اسئلة كثيرة بس من جد بكى صاحبتي هو الي خلاني اكتب الموضوع


انتظركم

اختكم
فوفو

من غيييييييييييييييير زعل انا اشوف ان الام الي ام بالفعل تهتم لامور عيالها(بنات واولاد) يعني مو بس في مجلس الامهات الي تقرره المدرسة حتى الايام العادية كل فترة وفترة لازم تسأل عنها مهما يكون المدرسة مجتمع ظروفه والموجودين فيه غير البيت وحتى لو ولد تخلي ابوه يسال عنه او تسأل اساتذته بتلفون المدرسة اذا الزوج يسمح 0000الله يرضى عليها امي ويطولي عمرها الين تخرجي من الجامعة كانت حاضرة000

ومشكوووووورة يا فوفو على هالموضوع المهم

مشكورة على هالموضوع أولا أنا بنوتة

ثانيا أنا أمي معلمة يعني الإبتدائي كنت معاها فما يحتاج طول الوقت معايا أما في المتوسط ماقد جات ولا مرة عشان تسأل وأما في الثنوي لمن كنت في أولى كانت ما حتجي بس وحدة من الأبلات عاتبتها وقالتلها لازم تروحي وجت بس في النهاية يعني بعد ما خلص دوامها .. بس قد إيييييييييييييش فرحت لانها من يوم ما طلعت من الابتدائي ما قد سألت عني وأصلا ما توقعت انها تيجي لانها ما تحب الغياب ابدا... ولانها عارفة مستواي من الشهادة...


وأما دحييييييين في ثاني لازم تيجي لان بنتهاااااااا طلعت البنت المثااااااااااالية ههههههه يووووووووووووه قد إيش فرحت ان الابلات شافو أمي ..




ولو أمي سوت فيني كذا من غير سبب (بس مااتوقع )راح ازعل من جوى وماراح ابين لانو مو من عادتي ابين الزعل.وما ابغى ضميرها يانبها بعدين..
اما اذا كان لسبب سأتفهم هذا السبب... وبس

وعليكم السلام ورحمة الله وبركاته
هلا وغلا فوفو

اااااااخ ذكرتينا اللذي مضى ..

انا بس باعطيكم نبذة صغيرة جدا عن أمي ..
أمي حبيبتي كانت تحضر مجالس الأمهات وغير مجالس الأمهات ..
كانت تجي بأيام غير معروفة للمفاجأة
واااااه من هذه المفاجأة
أمي ياعمري عليها كان اذا عندنا اذاعة صباحية .. تجي معانا من فجر رب العالمين
بس عشان توقف ورا الطوابير تشوفنا واحنا ننشد والا واحنا ماسكين المكرفون نتكلم
وتأشرلنا وتضحكلناوتشجعنا
واذا خلصت الاذاعة وطلعت الطوابير .. ودعتنا وراحت البيت !
أمي حبيبتي كانت تجي تدرب على الحفلات بمدرستنا خاصة ان كنا مشتركين فيها عشان تفرحنا ..
أمي كانت تدخل الفصل اذا مافيه معلمة وتجلس تتكلم مع الطالبات ..
وأنا ودي أصير كذا من فرحتي ان الي جالسه قدامنا " أمي "
أتوقع لو في يوم ما شفتها بحفلة ولا بمجلس .. حاتضاااااايق .. مع ان الضيقة الأكبر بالبيت
لما نرجع ونتهزّأ من شكاوي المعلّمات
لكن ومع هذا يسعدني وجودها دوما ..
وأتوقع اني راح أسوي نفس الشي مع أطفالي لاحقا
لأني أعرف مدى السعادة والفرحة التي عشناها مع تواجد أمي بيننا بمدرستنا ..
أمي
أمي
أمي
أمي ولااحد بالعرب مثل أمي

اشكر كل من اعطى اهتمامه بالموضوع

وكتب او لم يكتب لاني شايفه 67 دخلوا وثلاثه ردود


لي عوده بس مش هالايام ان شاء الله بعد الامتحانات


اختكم

فوفو

وعليكم السلام ورحمة الله وبركاته


اهلين و سهلين بفوفو اللي سحبت البنات للنافذة الاجتماعية عشان يردون على موضوعها


انا يا الغلا امي كانت تحضر اغلب مجالس الامهات بس مؤخرا بالذات مع اختي الصغيرة كتكوتة الصغيرة

ما عادت تروح خاصة اذا في وحدة منا احنا خواتها الكبار ممكن نروح نسال عنها و حاليا بمتوسط غالبا ما تروح

مشمش تسال عنها و في ابتدائي كنت انا او اختي الثانية نسال عنها اذا ما راحت امي


بس انا اكتشفت ان امي احيانا تطنش مجلس الامهات لانها تروح منها لنفسها احيانا من غير ما ندري و تسال عنا

في المدرسة من وقت لوقت او تتصل تلفون و تسال عنا

فمثلا كتكوتة ايام ابتدائي قريبتنا بالمدرسة فامي تعرف كل شي عن كتكوتة اول باول

و الحين في متوسط اكثر مدرساتها من المعارف و الجارات فامي تعرف عنها من غير ما تروح


لكن لابد من انها تروح على الاقل مرتين بالسنه جبرا لخاطر البنت


و انا كنت مررررررررة افرح اذا امي جات و سالت عني و ما اذكر انها مرة كسرت بخاطري غير لانها حرام

كانت والد و ما تقدر تجي لكن ام صديقتي ما قصرت و سالت عني و فرحت لما ردوا على المعلمات


و يا سلام على ذيك الايام خصوصا لما كانت تجيب معها حد من اخواني الصغار و كنت ادور باخواني في المدرسة

اوريهم صديقاتي و اعرف امي عليهم و على مدرساتي

و الحمد الله كنت دايما ابيض الوجه و يمدحون فيني المعلمات و ما يمسكون علي شي

بس اذكر حرام خواتي اذا درستهم نفس مدرساتي يقولون لامي ما نصدق انهم خوات ليمو

لان ما كانوا زيي من حيث الدراسة و الشخصية


بس ما شاء الله عليهم كانوا مرررررررة حبوبات عند المدرسات اهم شي الادب و الاخلاق


يلا هذي كانت قصة حياتي



صح نسيت اقولكم احنا مشكلتنا بالبيت مش مجالس الامهات و انما مجالس الاباء لان الوالد دايما ما يرضى

يروح مجالس الاباء و يقول لاخواني الكبار يروحون و احيانا ينسون و ما احد يروح يسال عنهم

و اخواني الصغار مررررررررة يتضايقون لان ودهم ابوهم يروح

و احنا دوم نكلم ابوي و امس تكلمه ان الصغار ودهم انه يروح لكن لا حياة لمن تنادي


لكن الوالدة ماتقصر صارت تتصل تلفون تسال عنهم من وقت للثاني و ان كان في اي مشكلة بالمدرسة

تتصل على المرشد الطلابي عشان تحلها و احيانا ترسل اخوي اللي بالثانوي عشان يكلم المدرسة

مجلس الامهات كنت اوانا في الابتدئي افرح لما تجي امي
جدا جدا جدا