السلام عليكم ورحمة الله وبركاته
بصراحه يااخواتى انا من زمان ضد زواج الاقارب لان ضره اكبر من نفعه واليوم لما سمعت قصه احد اقارب جارتى بصمت بالعشره على مضار زواج الاقارب وقلت الله يبعد عن ابنائنا هذا الزواج
القصه كما روتها صاحبة الشان انها تزوجت ابن عمها وخالتها لان الامهات اخوات والاباء اخوات (فهمتو قصدى يعنى اخين اخذين اختين) المهم ان زوجها كان كويس معها في بداية الامر زي اي زوجين في بداية حياتهم لكن بعد فتره بدا يتغير عليها صار يمنعها من زيارة اهلها مره ومره يقولها خلى اهلك يجو ياخذوكي وتطور الامر وصار يضربها ويبخل عليها بالمصروف وكانت تخاف تقول لاهلها عشان ابوها وامها معاهم السكر دايم مرتفع وكانت تشتكى لام زوجها لان ابوه متوفي بس مافي فايده لدرجة انها حمات وولدت ومات الطفل ولم ياتى لزيارتها ولاحتى قالها حمد لله على السلامه وفوق كذه سافر يتمشى وهى بالمستشفى تخيلوا وبعد فتره جاها وهي عند اهلها واخذها بعد ما راضاها وهي بالبيت تنضف وجدت صور له بالصدفه وهو مع بنات اللهم ياكافى ذهبت لبيت اهلها ومعها الصور ورتفع السكر مع الوالدين ومرضت الام وطلب الاب منه الطلاق لكنه رفض بحجة محبته لها بس البنت ماعاد تطيق تشوفه وحط هو واسطات حتى ترجع وحاول يكلمها بس رفضت تقابله وبعد ماياس عناد فيها تزوج وتركها دون طلاق وها هي لها سنتين عند اهلها على قولة المثل (لامطلقه ولامعلقه) ولاب رافض يشتكيه رغم وجود اثبات الخيانه وهي الصور لان بينهما صلة رحم علما ان البنت عمرها لايتجاوز 24 سنه يعنى المستقبل امامها
وبعد هذه القصة تبغونى ما اكره زواج الاقارب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

معاك حق
الرفض ثم الرفض من زواج الاقارب
ماعمري الا سمعت المشاكل عن النتائج

احنا ضد زواج الاقارب لدرجه صار من الناااااااااادر نسمع زواج من نفس عائلتنا ( ماسواها الا عم لابوي اخذ بنت عمه لانها يتيمه)
مين اللى كسر هذه القاعده ؟؟؟؟؟؟ اختي الله يهديها والقصه احنا على علاقه وصداقه قويه مع ناس من عائلتنا الام مع امي والاب مع ابوي والاخوان والاخوات كذلك يعني كلنا منسجمين مع بعض بقوووه وكان من بين البنات وحده في عمراختي هي اللى رتبت الزيجه بأتفاق بين اختي واخوها .... وبمجرد مافتحت الموضوع لنا صرنا متأكدين انها راح تتزوجه بحكم المعرفه فأول ماخطر في بالي جمله على طول قلتها((شوفي احنا علاقتنا قويه معهم ونحبهم فالله يخليك لو صار اي شي بينك وبينهم لاتنقلينه لنا لان اكيد راح نكون في صفك وتدريجياً راح نحقد عليهم وراح تسوء العلاقه)) وصار اللى صار وتزوجوا
والا الان واحنا في مشاكل وهي ساعات تندب حظها واحنا صرنا العكس نمدح ونذكر المحاسن واختي تسب واحنا ندافع ونعطي الاعذار عنهم والله يكون في عونها وعونا

كلامكم صح ياأخوات أنا كمان معكم ضد زواج الأقارب.. كفاية المشاكل الإجتماعية.. فهناك مشاكل مرضية (انتشار الأمراض الوراثية) بشكل أكبر والضحية طبعا الأطفال..
لا ثم لا لزواج الأقارب

المشكله مو في زواج الاقارب المشكله في الرجال نفسه انا اغلب اللي يقربون لي متزوجين قرابه وماشاء الله حياتهم من احسن مايكون .

بالخلع تطالب.. جزاك الله خيرا ....

اختى الفاضلة..
لكل قاعدة شواذ..
ومو كل زواج اقارب يصير فيه مشاكل بل بالعكس بعض الزواجات تنجح ويصير مستوى المشاكل فيها اقل لان الكل يبغى يحافظ على ترابط العائلة..
احنا عائلتنا ماشاء الله غالبيتة زواجاتهم من الاقارب والحمد لله الامور ماشية تمام على الاقل مافيه فضائح قدام الناس لاننا من عائلة واحدة..