بسم الله الرحمن الرحيم
السلام عليكم ورحمة الله وبركاته

بعد زواجي بثلاثة شهور حملت ، كنت فرحانه انا وزوجي بالحمل ، الحمد لله نساتي ما كانت صعبه ، صحيح اني تعبت في البدايه لكن بعدين الحمد لله صرت احسن ، وبعد دخولي الشهر الرابع ، احسست بألم في جنبي الأيسر ، ما كنت قادره اتحمل الألم ، زوجي خاف علي وايد ، اتصل إلى الوالده ، واخذوني للمستشفى ،فحصت علي الطبيبة قالت ان معي طلق مبكر ، وفي احتمال ان البيبي ينزل وعطوني أبر توقف الطلق ، ونمت بالمستشفى ، بعدين دخلت علي دكتوره وقالت لي تبي تفحصني (تفحص المهبل) قلت لها لكن الأخصائيه إلي فحصتني في الطوارىء قالت لي خطير الفحص للمهبل باليد في مثل حالتي وإذا بيفحصون علي بيفحصون بالأشعه ، لكنها عصبت وقالت تبي تفحصني اترجيتها اني ما ابي الفحص إلا بالأشعه ما لقيتها إلا تنادي على الممرضات تبيهم يمسكوني علشان تفحصني ، ولمه فحصتني اصتدمت يدها بكيس المشيمه ونزل الماء ، ما قدرت أتحمل بكيت وبحرقه ومن قلب ، بعد ما نزل الماء بـ12 ساعه نزل البيبي ، ولمه نزل كان يتحرك يمي ، ما قدرت اشوف منظره وهو يموت جدامي . تأثرت وايد وصابتني حاله نفسيه ، صرت اكلم نفسي ، مو داريه انا في علم ولا حلم .كنت كل ما لي تغمض عين وأنام أشوف ولدي يتحرك وهو نازل ويموت ، ما كنت اقدر أنام .

احذرن يا أخواتي من مثل هذه المواقف ، فإنها صعبة على النفس و القلب و الروح
الحمد لله انا اللحين حالتي أفضل من قبل

دعواتكن لي بالشفاء

الله يشافيك حبيبتي وماتشوفين شر
والله عورني قلبي الف الحمد الله على سلامتك

حسبي الله على هذي الدكتوره اذا كان نيتها شينه والله يعوضك خير ان شاء الله

ربى يعوضك خير يا عمرى .. و تجيبى ياما غيره و لا يهمك.
احتسبها لله و راح يعوضك الف خير ان شاء الله .
والله ما اقدر اقول اى شئ لان الموقف فعلا صعب
الله يصبرك
اختك

بسم الله الرحمن الرحيم ،،

الله يصبرك حبيبتي ويشافيكي بإذن الله ويعوض عليكي في القريب إنشاء الله.