السلام عليكم ورحمة الله وبركاته

الكثير منا يمتلك صفات و احيانا مقدرات نادرة، لا يمتلكها الجميع.. منها صفات مضحكة أو مزعجة، و منها صفات نادرة وغريبة..
شاركينا بتلك الصفات لديك أو لدى أفراد عائلتك.. و سأبدأ أنا لتوضيح الفكرة

- مثلاً جدي الله يطول بعمره ليس لديه حاجز في أنفه بين منخريه! بقي يعتقد أن هذا هو الحال لدى كافة البشر حتى "أمسكناه" انا و دندون يتسلى بإدخال عود كبريت من إحدى فتحات انفه و يخرجها من الأخرى! صعقنا و سألناه فاستغرب من السؤال و اتضح انه بقي اكثر من 70 سنة لا يعرف بوجود الحاجز

- أنا اعتقد انه لا أحد يشاركني في الألم الذي يصيبني في أسناني عندما أشم أو أرى أي شيء مصنوع من البلاستيك أو المطاط! فإذا رأيت أواني منزلية بلاستيكية Tupperware او حقائب مدرسية جديدة او اي شيء مطاطي (خصوصا قربة الماء الساخن اذا عرفتوها).. يصيبني ألم مزعج جدا في أسناني الأمامية!!

- يعتقد زوجي ان هذه من القدرات الخارقة، ولكني اعرف انها شيء عادي للكثيرين، على الأقل من أفراد عائلتي.. فأنا استطيع أن أقرأ الجريدة او اي كتاب بشكل مقلوب (من اسفل الى الاعلى) و بشكل معكوس (أمام المرآة مثلا او من خلف الورقة).. عندما يراني أقرا جريدة مقلوبة يسالني اذا كنت فعلا اقرا بنفس السرعة العادية.. و في الحقيقة لا انتبه الا وقتها ان الجريدة مقلوبة!! و ما يثير "جنونه" أحيانا ان هذا ينطبق على اللغة العربية و الانجليزية

- ومقابل هذه الصفة المميزة توجد عقدة لا استطيع التخلص منها (عانت منها دندون كثيرا اثناء دراستنا للرياضيات( وهي انني استبدل حرف ن دائماً برقم 2 و بالعكس.. يعني المسائل الحسابية التي تحتوي على احد هذين الرمزين داااائما أخطيء فيها لانني ببساطة استبدل الرقم بالحرف و الحرف بالرقم، ثم تأتي المعلمة و تتساءل من اين لك هذا الرمز المسالة كلها ليس فيها ن! مش بايدي !!

أتمنى مشاركتكن بمواقف و صفات مشابهة

مرحبا دندوش كيفك وكيف البنوته الحلوه
شىء غريب الوجع اللي في اسنانك لما تشوفي اشي بلاستيك هادا معناه انك مافي اي ادوات بلاستيكيه في مطبخك
بالنسبه لي أنا بتضايق كتير من استعمال ورق الالمنيوم و خصوصا في تغطية الصواني الألمنيوم لما يحتكوا مع بعض كل شعر جسمي بيوقف
اذا تذكرت اشي تاني برجع احكيلكم
باي بوسيلي البنوته الحلوه

طيب انا عندي شغلات
هسه مش ايد اي حد بترجع للوراء شوي يعني اما انا ايديني يبرجعن للوراء وبخليها زي كاني بدي اكسرها وهذا ما بيوجعني ابدا
كمان اصابعيي نفس الشي بقدر ارجعهن للوراء على الاخر وبقدر اخليهن يتصلبوا او يتشنجوا او اعمل دوائر اي شكل بتحبيه بيلتوا لكل الجهات والاشي اللي بيحير الكا انه في اصبع من وانا عمري سنتين اسم اصبع الدوده بخليه يتحرك زي الدوده او بالاحرى عده اصابع في يدي
وهو اصبع السبابه في اليدي اليسرى واصبعي الابهام في كلتا اليدين
حتى انه ادى معلماتي - المحاضره - في الجامعه كانت تدرس العربي لنا وكانت تقرا لنا ابيات شعر وكانت الابيات تصف المراه العربيه شعرها اسود وعيونها مها ووصلت لبيت يقول ان يديها يكونن لينات وطبعا انا كنت قاعده في نص الصف فقالت فجاه زي اصابع هنلي - شو اللي خلاها تنتبه لي - فقلت لها هم لينات وبس هم زي الدود مافي عظم يعني هههههههه واستغربت وراحق قالت لكل الاساتذه والمعلمات وكل حدا يشوفني يقول مالهن ايدينك
وكمان مش اديي بس كمان اصابع رجليي بخلي الاصبع الكبير يصدر فرقعه 24 ساعه لو بدك
كنت لما انام في الليل انا وصديقاتي في السكن اصير افرقع باصابع رجلي الكبير فقط
واقول لصديقاتي يوجد فأر في الغرفه هههههههه
بعدين بعمل حركات بهلوانيه كثيره في يداي او لما اطبخ ولما اقلب البيض المقلي في المقلاه
او شغلات كثيره في الطبخ وبكسر البيض بيد واحده
طيب وبحكي واسناني او وفمي مغلق
يعني صاحبه مقالب وبهلوانيه زي ما تقولي وكل هالمقالب اللي بسويها في المنتدى مش من قليل
ودايما عامله مقالب في زوجي
بعدين زي ما قلت الاخت باليرينا عن الامينيوم بقوم بازعاج خالاتي لما اروح على بيت جدي بحط اظافري على جهه من شباك الامينوم وبحركها عاد شوفي صوت احتكاك الاظافر مع الالمينوم ازعاج على الاخر
بس صفه سيئه كثير وهي اذا عصبت ما حدا بيقدر يمسكني يعني لا تقولي عصبيه ما في اهدا مني وابرد من اعصابي ومافي اطيب مني يعني بعصب في السنه مره او كل سنتين بس بطلع كل الطاقه اللي عندي
بس مره قرات انه الاشخاص الطيبين هيك اذا عصبوا ما حدا يقدر يمسكهم بس يبروقوا وبينسوا بسرعه
بعدين نسيت احكي عندي طول نفس يعني في برنامج كانوا يجيبوا قولي جوول لمده معينه واطول مده بيوخذوا جائزه فصرت اقول استني خذي نفس وابدئي جووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووول
لمده 60 ثانيه دقيقه ومرات اكثر يعني جربيها وما رح تقدري تكملي
عندكم موهوبين ياعمي في المنتدى ههههههههه
وبوسيلي الاموره
وشكرا

أهلا باليرينا أنا و البنوتة تمام الحمد لله و عم نكتشف مواهب بعض
هو انا عندي كم شغلة بمطبخي بلاستيك.. بس مو من الماركة اللي بكرهها (ماركة ربرميد عدوي الأول.. الها ريحة مزعجة بتضرب باسناني على طول!),,
فعلا مزعج جدا صوت ورق الألمنيوم و احتكاكه باي شي.. قشعر بدني

هنلي! شو هالمواهب
انا متلك بفرقع اصبع رجلي الكبير بكل سهولة بدون ما امسكه جوزي بينجن من هالحركة المشكلة اني بعملها لا ششعوريا لما اسرح او افكر بشي مهم
اما الليونة هاي فما بقدر أجاريك فيها ابدا .. يمكن الها علاقة بانك شاطرة بالحلويات ؟؟

انا يا دندوش عندي عادة غريبة و كنت اخجل من ذكرها على اساس انها وسواس قهري...و هي اني اكره الارقام الفردية و احب فقط الارقام الزوجية و تنطبق هذه النظرية في ابسط ابسط ابسط ملامح حياتي اليومية...يعني مثلا اغسل شعري بالشامبو مرتين او اربعة مرات...اقطع 2 خيارة او بطاطسة او 4 ( حتى لو الوصفة غير كده)!!...اشرب 6 او 8 رشفات من الماء و مش 7 مثلا...اضع لاطفالي 6 او 8 بسكويتات ...هل انا طبيعية ام احتاج لمراجعة الطبيب؟!!!!!!

ههههههههههههههههههههههههههههههههههه
الله يغربل ابليسك يا دندوشتي ( دعوة جديدة تعلمتها اليوم ) .... موضوع روعة .. خصوصا انك ذكرتيني بايام التوجيهي و حرف ن و رقم 2 ... يمكن لو ركزت ما صارت مهزلة العشر

من الاشياء اللي ما شفت حد غيري عنده اياها .. صوت الطنين المستمر في اذني لما بدي انام .. صوت خبط مش طبيعي .. و انا من زود الهبل كنت شو افكر؟؟؟ انه المطرقة و السندان اللي في اذن الانسان بعملو هاد الصوت طبعا حكيت هاد الحكي قدام عمي و زوجي و اخواته... فرطو من الضحك و لهلأ ما بعرف شو السبب فيها مع انها مرات بتخليني ما انام ..

شغلة تانية اني مش بس بعرف اقرأ بالعكس و بسرعة.. بكتب كمان بالعكس بسرعة ووضوح .. سواء مقلوب من تحت لفوق او من الشمال لليمين من فترة قريبة كنت زهقانة في الشغل و كتبت فقرة كاملة بالمقلوب ( يعني الصفحة مقلوبة عموديا) و اللي قبالي بشوف الكتابة معتدلة .. و بعدها بشوي تطلعت على مذكرة كتبها مديري .. لقيت انه خطي بالمقلوب احلى من خطه الصحيح بكتيييير

من المواهب الخطيرة عندي هي سرعة الحفظ و التصاق المعلومة حتى لو كانت مش مهمة في ذهني، خصوصا الاسماء و التواريخ.. احيانا احضر نشرة الاخبار.. النشرة اللي بعدها بسمع الخبر حرفيا مع المذيع و زوجي .. بلشت استغل الموهبة الخطيرة بحفظ القرآن.. لكن من المزعج اني بتذكر الاسماء الثلاثية لكل دفعتي بالجامعة.. حتى اللي عمري ما حكيت معهم !!

شغلة شكلك نسيتيها و هي مشتركة بيننا .. انه لكل كلمة في لون معين صح؟؟ و كتير كنا نحاول نشرح الموضوع لماما او لاي حد يستغرب ... بس انا لهلأ كل كلمة عندي الها لون ما تغير من يوم ما سمعت هاي الكلمة لاول مرة ... انت كمان ؟؟؟

بس بكفي هيك

أم ديمة حبيبتي غريبة فعلاً.. انك تكرهي الأرقام الفردية عادي .. انا عن نفسي بحب الأرقام الزوجية أكتر .. لكن ما الها اي دور بحياتي..
بس ما أعتقد الحالة بيلزمها طبيب .. طالما هي ما بتضر

دندونتي ..
صحيح نسيت شغلة الألوان.. يمكن لانها طبيعية بالنسبة الي كتير و ما حد انتبه لها .. (و الله لو يكونو العالم عارفين فيها الا يحكو عنا مجانين) ..
و انا عندي نفس الطنين .. بسمعه لما يكون هدووووووووووووووء... و انا مصرة انه المطرقة والسندان .. شو بده يكون يعني غير هيك؟؟ يمكن دقات القلب.؟؟

أم 3 بنات الله يخليلك ياهم ويقومك بالسلامة .. دندوش ودندون اخوات وتوأم و حبايب و دندون خالة بنتها لدندوش ..
حركة الاذن هاي نادرة سمعت عن ناس بيعملوها بس قلييييل ..

الحلم الجميل ..
طيب وين مواهبك يا جميل ؟..

غزال مشكورة انتي الأروع حبيبتي ...

قصة الألوان "بدون ما تضحكوا علينا" انه كل كلمة او بالاحرى كل حرف بالنسبة لي له لون .. يعني لما اسمع حرف بتخيله مكتوب أمامي .. وبلون معين .. و بالتالي كل كلمة بسمعها بتاخد لون أحرفها او الحرف الغالب فيها .. صعب اشرح اكتر من هيك.. بس طبعا هالشغلة ما بتاخد وقت يعني لحالها بتصير و من غير ما اركز و اتخيل الكلمة .. كل شي بيصير في أقل من لحظة.. ..
فهمتوا شي؟؟؟