السلام عليكم اخواتي وانشاء الله يعود رمضان على المسلمين بحال افضل ومبروك العيد
انا سجلت من زمان في المنتدى ودخلت اليوم اقراء المواضيع الله يجزاكم خير اخواتي فطستوني من الضحك على مواضيعكم الي زي العسل من جد دمكم سكر

لفت انتباهي موضوع الزوجات الي معصبين من زواجهم ضحكت لاني اليوم بس صار بيني وبين زوجي نقاش بس ايه وقفت انا وقفه رجاله ههههههههه

ياعزيزاتي كل وحده تشارك بقصه صارت معها ومع زوجها اكتر نقاش صار بينكم وكان فعلا بضحك او مابستاهل من بساطته يعني خلينا نشوف مين اكتر وحده نقاشها او زعلها من زوجها بكسب جائزه ..... الخناقه المضحكه.....

ابداء انا اليوم ماكان عندي جامعه فقررت اني انام متاخره زوجي ودا اولادنا الصبح للمدرسه وانا صحيت والله مش بايدي كان مو جاي على بالي اطبخ زي كل يوم
المهم بلشت اطبخ قبل موعد الفطور بساعتين وتش از كويس ومعاي وقت كتير المهم قالي الله يرضى عليكي جاي على بالي بقلاوه قلتلو والله والله مابعرف اعملها بس زوجي بحب الاكل كتير شو اسوي قلي روحي اشتري العجينه وانا بركب الرز وبحرك اللبن بس ترجعي فعملنا اتفاق وطلعت ولما رجعت اتاخرت شوي كان زحمه في السوبرماركت شو اسوي .... رجعت قبل موعد الفطور بنص ساعه ....
انا على طول ركبت الرز الي حضرتوا ماركبو وقلتلو يلا تعال حرك اللبن مارضي
وانا عصبت قلتلو ليش احنا عقدنا صفقه انك تحرك اللبن بس مارضي وصار يحكي انتي المفروض طبختي من زمان وما استنيتي .....
انا قلت ماشي يا سيدي مفكرني انا اتاكل اوطنه قلتلو ماراح اطبخ وافطر نواشف
فكرني بمزح وفعلا ماطبخت والمسكين راح على المطبخ وبلش يجهز حمص وجبنه عشان ياكل
وانا من قوتي رحت اكل معو ما رضي بس اكلت غصبن عنو هههههه
وفطرنا نواشف بدل منسف ... بس راضاني في الاخير وحرك اللبن بعد العشا واكلنا بعد العشا والله زوجي طيب وعلى نياتو

يلا شاركونا بقصص دمها خفيف زيكم

والله انت اللي دمك خفيف... شو هالجرأة هذه!
طيب صحيح، قاعدة طول النهار بلا جامعة شو بتعملي؟! كان حضرتي طبختك من الصبح..
هو المفروض الصفقة كانت، أنه هو يروح يجيب بقلاوة وانت تكملي الطبخة، هيك الصفقات الناجحة واللي فيها ضرب عصفورين بحجر لأنك هلأ طلعتي بشغلتين من شغلة.. وبعدين البقلاوة بالذات أسهل وأطيب وأنجح لما تكون جاهزة، ليش الغلبة؟!
الحمد زوجي رجل مشغول على طول، ما عنده وقت نتخانق خناقات جدية أو مضحكة!!

والله جوزي غير مافي اديق من خلقه اذا مزحت والا كنت جد بيزعل
شفتوا قولوا الله يعين
مره كنت بدي اعمل مقلوبه مع زهره وبما انه احنا عيله زغيره بيجيبلي الزهره حجمها عائلي
بروح انا بقليها كلها وبخزنها طبخات في الثلاجه
وطبخت وسويت - هذا كان يوم عادي مش صيام يعني- ولما رجع من الشغل
كنت طبعا قد قليت الزهره وتاركها على الطاوله لحد ما تبرد ويروح الزيت علشان اخزنها في الفريزر
طيب فات عالبيت ومرحبا اهلين شاف على طاوله المطبخ الزهره مقليه وناشفه
وطار عقله ليش مش طابخه وشو برود الاعصاب اللي عندك ومن هالحكي
وانا بكل برود بحكيله رح نوكل نواشف وعصب كمان وكمان وبعديها قلت له انه هذا للتخزين والاكل على الغاز وجاهز
يعني شفتوا على حاجه فاضيه والا وقت رمضان قولوا الله يعين
بيرجع معصب كانه مافي الاهو اللي صايم معصب على الاخر - بتعرفوا علشان بيدخن كثير ووقت الصيام طبعا مافي تدخين فبعصب عليه -
وخذي عاد وقت الافطار ليش الاكل ناقصه ملح وليش مش مستوي مليح وليش السلطه ناقصها ليمون وليش مش مطلعه الكولا قبل نص ساعه علشان تكون دافيه شوي يعني حاجات اتفه من التفاهه
والا اه اتذكرت اليوم قال روح ولما اجا بده يعلق جاكيته في الخزانه ما لقي علاقه قال شو هالبيت ما في اشي بيبقى على محله وشو شوشو مع انه هو اللي فاتح وطايل الجاكيت الصبح
فقلت له يمكن العلاقه واقعه بين الملابس من تحت وبالفعل لقيتها
بس شو تقولوا قولوا الله يعينك يا هنلي لولا انه اعصابي هاديه وبمتص عصبيته كان هسه شعري زي الليفه ابيض

والله فشيتوا خلقي

اهلا عزيزاتي ..
ايمان .... تسلمي انتي الي دمك شربات ههههه قلبت مصري انا
اي صفقه مع الزوج صفقه خاسره لانهم زي القطط بتاكل وبتنسى
وتعجبيني البقلاوه لازم تكون جاهزه من عند المحل اطيب بس حظي العاطل انو ماعنا محل عربي

هنلي احكي لزوجك تعال اطبخ انت ورجينا شطارتك يا سبع المطبخ
الرجال كلهم واحد سبحان الله بدهم مين يدللهم ويدلعم ويطعميهم واحنا النا الله

سميه بسيطه احكيلو لزوجك بحب اكل امي اكتر من اكل امك
خليكي جدعه ولا يهمك حد