بسم الله الرحمن الرحيم
السلام عليكم
انا وحدة لي متزوجة سنتين تقريبا وعندي ثلاث سلايف (زوجات اخوان زوجي)
وانا زوجة اصغر واحد وبصراحة كنا من ابدع مايكون في السنة الاولى مع العلم
اننا ساكنين بنفس العمارة لكن بعد فتزة حسيت ان زوجة الكبير عليها حركات تقهر
وتسويها معاناكلنا الباقين وكنت اسكت عليها لكن بعد كذا ماقدرت حسيت انها زادت
شوية لانها شايفة الناس ساكتة فكرت انها قوية مع العلم ان علاقتها معي قبل الزواج
كانت زينة فكنت احاول اوصلها انها تسوي اشياء تعصبني لكن عبث الى ان جاء يوم
وانفجرت قدامها وقلت لها انتي فيك كذا وكذا مع اني يعلم الله اني ماعمري غلط بحقها
خاصة قدام الناس على عكس الي سوتة معى يوم كلمتها لكن في اليوم الثالث اتصلت عليها واعتذرت وقالت لي يومها حليب ياقشطة لكن الان اذا كلمتها نزلت عينها في الارض وحتى يوم اسالها كيفك؟ ماترد ماني عارفة كيف اتصرف مع اني ما غلط بالقدر الي هي غلطت فبة
ابغى حل و نصائح بحيث تتحسن العلاقة ترى علاقتي مع الباقين ممتازة وهم كمان علاقتهم
بزوجة الكبير ما هي قد كذا رسمية جدا جدا جدا .
ولكم مني جزيل الشكر

الافضل انك تخلي علاقتك معاها رسمية00
لانه كل مازاد الاحتكاك زادت المشاكل بين السلايف00
انا اتذكر سلفت امي الي هي مرة عمي كانت دايما تضايقها 00وامي تطنشها 00
من جد كانت جايبت لنا العمى 00والمرض00
المهم انه امي من النوع الطيب الي ماتحب احد يااخذ بخاطره منها 00
وكانت تعاملها زي اختها بس مافي فايدة00
ومارتاحت امي الى بعد ماكبرنا وخرجت من العمارة لبيت لحالها وكمان مرت عمي00
والان العلاقة سارت رسميية وافتكينا00
وامي دحين تقول ليتني من زمان خليت علاقتي معاها رسمية وارتحت00
************************************************
اما انا ماعندي سلايف لان اخوان زوجي صغار لسة00
************************************************

أختي كل ما كانت العلاقه رسميه كل ما كان أفضل


تسلمممين

صدقتي اختي بنت بلدها
وفعلا عن خبرة انا لي سلفة واحده واصغر مني بس ما ادري ليش ما تحبني مهما اعمل لها أو ابدأ الحديث معها فهي تنطنشني واحس ان الغيره ماكله قلبها بشهادة الجميع معن اهي اصغر مني ب10 سنوات يمكن بس لانه ما يبين على عمري الحقيقي وكاني اصغر سنا لاني انحف منها بكثير وانا عادة اسولف و اضحك يعني مو كشريه او ضيقة الخلق
لكن للاسف النفس البشرية
فقررت اني اتعامل معها بشكل رسمي سلام بس بدون اي كلمه بعدها نهائيا حتى انك تشوفينا ببيت عمي لما نجتمع تحسبينا متحاربين لانه يا اختي تعبت من المحاولات وعلشان ايش علشان وحده ما يهمني امرها فقررت اني اضربها بالحيط واكشخ واروح بيت عمي ولا اتكلم خلاص وارتحت معني يا حبيبتي ما احب اقعد في مكان وانا حاسه ان فيه احد وده يذبحني وتقطعني بنظراتها وعلى بالها اني موفاطنه فيها
فطنش تعش تنتعش

شوفي حبيبتي
أنا عندي سلفة أنا أكبر منها بسنة وحدة وأول ما أتزوجت كانت تتحاشاني وماتبغى تختلط في
وجانبي كلام من أختها إلي هي صديقتي أنها ماراح تخطلت في أبدا مع أني أنا مين أختارتها زوجة لأخ زوجي مع تردد الكثير
المهم أنا عملت نفسي مش ملاحظة حاجة وبدأت أتدخل فيها وأسأل عنها وأتكلم معاها وأضحك ومش حاطة في بالي
وشوي .....شوي بدأت تاخذ علي وبدأت تقول لي أشياء في نفسها أنا بصراحة أستغرب من ذكرها لها أمامي من كثر ما أرتاحت لي

يعني بإختصاار أحسن إلى الناس تستعبد قلوبهم

وفقك الله لما يحب ويرضى

بس عاشقة القرآن مش كل الناس طيوبة متل سلفتك
وترددها في البداية كان بسبب القانون الماشي وهو الرسمية