السلام عليكم ورحمة الله وبركاته
اختكم (( الي اهيه حضرتي )) من الكويت وهذي اول مشاركة لي في منتدى لك خاصة وبالمنتديات كلها عامة ...................
الله يسلمكم ما اطول عليكم السالفة
انا طالبة سنة ثانية في جامعة الكويت , سالفة هالدكتور سالفة
اهو حرام حليو وخوش دكتور لكن تفكيره في عرّه مو هينه .
بس الزين فيه او الاصح الزين في محاضرته انك تقعد وتضحك لانه غشمرجي ماشاء الله (( غشمرجي= دمه خفيف ))
وانا من النوع الي احب اقعد بالمحاضرة بدون لا امل لاني اذا مليت اكره المادة بكبرها مع الاسف طبعا......
بس الاهم اني حبيت المادة لانها حلوه واكيد لانه الدكتور اثر فيني ايجابيا
(( لا تطالعوني جذي ترا هالدكتور كبر ابوي اوكي ))
بس الي ودي اخذ رايكم فيه ان البنات عبالهم اني احبه ...........ليش ؟؟!!!! الله اعلم
وانا ابي اتخصص بالمادة الي يدرسها هالدكتور لانه المادة وايد داشه مخي
يعني عاجبتني بزودة غير عن الباجي اوكي
بس الي خايفة منه انه اخاف الي يدرون اني استانس على هالدكتور يخاذوون السالفة بطريقة ما ادري اشلون ....................sid
يعني اخاف يقولون :- اي لانه اهوه عاجبها , او يقولون :- اكيد تحبه, او ما يقولون بس يطالعوني بنظرة والله خير النظرات عندنا على ودنووووووو يعني حدث ولا حرج .....
فانا الحين ابي رايكم يا اخواني ويا خواتي
اشاريكم اتخصص و كل وحدة من بنات الكلية تطالعني بنظرة ومايندرا يمكن يقولون عني شي جذي والا جذاك ,, والا اخليهم ورا ظهري واكل طريجي ..... وجزاكم الله خير
مع السلامة ومشكوريييييييييييييييين
اختكم WaRdYaH

و عليكم السلام و رحمة الله و بركاته

اهلا بك اختنا الوردية.

انا أرى
ان المشكلة حلها لو كان بنات المسلمين يتعلّمن من وراء حجاب.
يعني بدون ما يشوفهم الدكتور و لا هم يشوفوا الدكتور
و عندها ما كان يحصل كل هذه العقبات التي تخشين منها الآن

و الله أعلى و اعلم

السلام عليكم والرحمة
هلا والله فيج اختي مسلمه
والله هذا خوش راي لكن مو بيدنا نسوي هالشي
وبعدين حتى لو درسونا من وراء حجاب لازم بنشوف الدكتور يا لما نروح نساله في المادة او اوقات الامتحانات وبعدين هذا موضوع مو بيدنا
يعني ما باليد حيله
على العموم مشكوره على مشاركتج و ياريت ادوريلي على حل يكون بامكاني اني اسويه
وجزاك الله خيرا
اختكم WaRdYaH

بسم الله الرحمن الرحيم
السلام عليكم ورحمة الله وبركاته
شوفي عزيزتي انا لا اعرف عمرك كم لكن الظاهر حسب تجربتي الطويلة العريضة ان الاحسن انك تشوفي ليك تخصص ثاني لان هالسالفة ما راح تغيب عن بالك ابدا و ذلك سيؤدي حتما الى امور اكثر خطورة.
السلام عليكم ورحمة الله.

كلام الأخت مسلمة صحيح

أدري انك قلت مو بيدك

لكن بيدك تلبسي حجاب يغطيك كلك

انت في دولة عربية ومسلمة ومحد غاصب عليك انك تمشي بدون الحجاب الشرعي


ما ابغاك يا فالية تزعلي لكن قلبي والله يقطعني لما اقرأ هذا الكلام من أخوات لي أحببتهم


تخيلي انا في ماليزيا وطبعا عندنا الحرية في لبس الحجاب من تركه

لكن في جامعتي فقط إجباري على كل الطالبات لبس الحجاب والستر يمكن الوجه عند الغلبية مكشوف لكن على الأقل اللبس ساتر ومحتشم

حتى الغير مسلمات بيلبسوا الحجاب وما يخلعوه إلا لما يخرجوا مع أهاليهم لكن وانا كانت لي صديقة كانت نصرانية وما كانت تخلع الحجاب لما نخرج سوا والحين ربي طرح في قلبها النور والحمد لله انها أسلمت


حبيت أقولك هذي الكلمتين من قلبي وما أحب انك تزعلي

السلام عليكم ورحمة الله وبركاته
أنا اقترح عليك أنك تدخلين تخصص ثاني فهو أحسن لك وأفضل وبعدا عن مواضع الشبهات .

وأنا مع الأخوات المسلمة وصدى ..فعلى كل مسلمة تخاف من ربها أن تلبس الحجاب الشرعي وهو

لبس جلباب يستر البدن وتغطيت الوجه كاملا ....ونحن في السعودية الدكاترة يدرسون الطالبات من

خلال شاشات عرض بحيث الطالبات يشوفون الإستاذ وهو لا يراهن وتكون الإجابات والأسئلة

من خلال المايك فقط .

الله يغفر لنا و يرحمنا