بصوا انا كنت صابغه شعرى نبيتى4 سنين وكان شعري جميل بس فردته من سنتين وباظ خالص المهم علشان مطولش عليكمبطلت اصبغ 1سنه وبعدين رجعت اصبغ تانى نبيتى وده كان في شهر 4 فى 5 بقا برتقاني صباغته تاني نشف خالص وطبعا اللون راح تاني وبقي برتقاني عملته بحنه سودا بقا ليل وقالولي الحنه السودا تبوظ الشعر عايزه ارجعه تاني نبيتي بس بالحنه يا تري تقدروا تساعدوني وتفتكروا شعري ممكن ياخد لون تاني بعد ما بقا اسود وممكن وصفه سهلة تطري شعري معلش طولت عليكم

حبيبتي ممكن تجربي احد اللوصفات الل تناسب نوع شعرك


حنة طبيعية بمفعول الصبغة


بعد ما حضرنا للحنة مع بعض تعالوا بقى نشوف ازاي الحنة الطبيعية ممكن إنها تعمل مفعول الصبغة بس من غير ما تؤذي شعرك ده غير إنها كمان هتساعد على جمال وتعومة شعرك..
طريقة التحضير
اخلطي كل المكونات مع بعضها ما عدا عصير الليمون وسيبها لمدة 3 ساعات في طبق بلاسيتك اللي فيه عجينة الحنة وده علشان المكونات دي كلها تتخمر مع بعضها البعض، بعد كده ضيفي عصير الليمون بعد كده حطيها على شعرك من ساعة إلى ثلاث ساعات على حسب درجة اللون اللي إنتِ عايزاه، يعني لو عايزاه أحمر ناري مثلا يبقى سيبيها 6 ساعات.
وخلي بالك إن طريقة التحضير ثابتة في كل مرة واللي بيختلف المكونات على حسب النتيجة اللي إنتِ عايزاها ودي بقى مكونات الحنة على حسب اللون اللي إنتِ عايزاه.

شعر أحمر

المكونات:
1- عشر ملاعق كبيرة حناء.
2- عصير ليمونة.
3-كوباية كركديه.
4- كوباية مية سخنة.
5- ثلاث ملاعق قشر الرمان المجفف.
6- كوباية من خل التفاح أو الخل العادي.

شعر أشقر


المكونات:
1- عشر ملاعق كبيرة حناء.
2- عصير ليمونتين.
3-ثلاث ملاعق كركم.
4- مقدار مناسب من الماء الساخن.
5- ملعقة كبيرة من خل التفاح أو الخل العادي.


شعر بني محمر

المكونات:
1-عشر ملاعق كبيرة حناء.
2- عصير ليمونة.
3- ثلاث ملاعق من خل التفاح أو الخل العادي.
4- ثلاث ملاعق قشور باذنجان مغلية.
5- مقدار مناسب من الماء الساخن.

لشعر بلون الشيوكولاتة

المكونات:
1- عشر ملاعق كبيرة حناء.
2- عصير ليمونة.
3- ثلاث ملاعق من خل التفاح أو الخل العادي.
4- ثلاث ملاعق من بودرة الكاكاو.
5- مقدار مناسب من الماء الساخن.

لشعر كستنائي

المكونات:
1- عشر ملاعق كبيرة حناء.
2- عصير ليمونة.
3- ثلاث ملاعق من خل التفاح أو الخل العادي.
4-كوب مغلي من البابونج.
5- مقدار مناسب من الماء الساخن.

للشعر النحاسي

المكونات:
1- عشر ملاعق كبيرة حناء.
2- عصير ليمونة.
3-زجاجة سفن أب صغيرة.
4- مقدار مناسب من الماء الساخن.


لشعر بلون دم الغزال

المكونات:
1- 10 ملاعق كبيرة حناء.
2- عصير ليمونة.
3-كوبان من محلول دم الغزال عبارة عن (ملعقة كبيرة من بودرة دم الغزال في كل كوب ماء)
4- مقدار مناسب من الماء الساخن.
5- كوب من خل التفاح (أو الخل العادي).

لو شعرك فاتح وعايزة تغمقيه

المكونات:
1- نصف فنجان حنة حمراء.
2- نصف فنجان حنة سوداء.
3- فنجان من أوراق عشب البابونج مطحونة.
4- مية سخنة.
الطريقة:
اخلطي المكونات دي كلها مع بعضها وسييها نصف ساعة لغاية ما تتخمر وبعد كده حطيها على شعرك من ساعة إلى ثلاث ساعات أو أكتر على حسب درجة التفتيح اللي إنتِ عايزاها.

منقول

بجد ربنا يخليكم ليا ومتشكره ليكم جدا