بسم الله الرحمن الرحيم

بكتب لكم الليوم بخور الفم ويارب ينال اعجاب الجميع وهذه اللخلطه يستخدمونها اجدادي بشكل رهيب من ايام زمان
واحلا مافيها انها كلها طبيعيه يعني مامنها ضرر ابدا

المكونات
ملعقه كبيره قرنفل اللي هو المسمار
ملعقة كبيره مستكه
فنجان هيل
بشر ليمونه مبشور ناعم بقياس ملعقتين كبيره
فنجان دارسين
فنجانين سكر بني النوع الجيد الاصلي
ماء الزهر ليس ماء الورد لان ماء الورد خفيف وماء الزهر يجي قوي ومركز وتحسون فيه من طعم العطر


الطريقه
تطحن جميع المكونات بشكل ناااااااااعم جدا جدا جدا ماعدا السكر حيث انها تصير مثل البودره وتخلط مع السكر البني الناعم المذوب بفنجان ماء الزهرويوضع معها بشر الليمون وتعجن جيد لين ماتتكون عندك مثل العجينه ولاتسيحينها حيل لان السكر البني يختلف عن بعض بعضه يسيح ويصير عندك خليط طري جد وهذا اللي مانبيه وبعضه يصير مثل العجين وهذا هو المطلوب وكل ماشفتي الخليك لين زيدي شوي من المقادير والسكر لين تصير عجينه وبعدين تاخذين العجينه ويكون عندك قدح فيه ماء الزهر تحطين ايدك فيه وترطبينها قليلا علشان مايلزق فيها العجين وتكورينها صغار مثل بخور المعمول بس اصغر شوي وتحطينها بمكان جاف مثلا فوق الثلاجه يومين لين تجف وبعدين ترصينها بعلبه محكمة الاغلاق
وتاخذين منها كل ماحتجتي وتحطينها جمب راسك ونتي نايمه علشان اذا قعدتي من النوم تتفلفين على ابو الشباب على طول ههههههههههههههه


ويارب تجربونها وصدقوني بتعجبكم وهذي طريقة جدتي اللي مشهوره بصناعة البخور والعطور وكانو يسمونها الفواحه من جمال ريحتها والحين كبرت ومريضه الله يشفيها وتوارثنا شغلتها وحبيت افيدكم


اطلبو من الله انه يوفقني دنيا واخره ويحقق اللي بخاطري ويعطيني الصحه والعافيه


اذا تبون اقولكم عن عطورات المفارش والغرف الرهيبه قولو تراني بالخدمه

يعطيك العافية بس كيف استخدامها يعني تتمضغ ولا كيف

وياليت تقوليلنا على عطورات المفارش والغرف
وما ننحرمش منك ياعسل

مشكورة ياعسل على الوصفة..

حبيباتي طريقة الاستخدام تحطينها بالفم وهي بروحها تذوب تكون حاااره بالبدايه وبعد ماتذوب وتبلعينها تصير ريحة الفم جنان ولازم تكونين منضفه الاسنان قبل بالفرشاه لتعطيكم نتيجه مبهره
مشكورين على المرور واي استفسار انا حاضره
وطريقه عطورات المفارش والغرف انشالله بكتبها لكم قريب

جزاك الله خير اختى

وانشاءالله اجربها وعلى ضمانتك

مشكوررررررة اختى
ادور الطريقه من زمان

كتبت بواسطة صابرينا
مشكورة ياعسل على الوصفة..