السلام عليكم ورحمة الله وبركاته

هلا اختي العزيزة بسمة شخبارك تمام إن شاء الله

بصراحة مواضيعك جميله أتمنى لك التوفيق يارب

صحيح إن العمر يمضي سريع ما الالحظات وتشوف نفسك الا اخر المطاف

أنا لما كنت بالمدرسة بالصفوف الابتدائية كنت أستغرب كيف ومتى راح اتخرج من المدرسة..

لكن بعد ما تخرجت صرت أشد حيرة من قبل واقول كيف تخرجت من المدرسة بهالسرعة وصار لي سنتين..

وتأكد حينها أن العمر يمضي بسرعة والذكي من يحسن إستغلاله الإستغلال الأمثل مثل ما سعيتي له أختي العزيزة

ووفقك الله على نيله اللي هو حفظ القرآن أهنئك مرة ثانية لذلك..

أما بالنسبة للأشياء اللي أستفدنا منها في العطله هي قامت أختي الكبيرة بافتتاح مركز صيفي للقران_كان مركز فرعي لمركز ثاني بس كانت هي المشرفة عليه_ والتحق أنا فيه لهدف تعليم القرآن مع مجموعة من البنات بمثل عمري.. لكن للأسف ما ستمريت فيه بسب ظروف طارئة وبعدها ذهبت للعمرة.

بس صدقيني في الفترة اللي كنت أداوم فيها المركزة كنت أحس بسعادة كبيرة لاني كنت أحاول تقديم ولو شيء بسيط لهذا الدين الجليل.

عموما بحاول في الصيف القادم إن شاء الله الالتحاق بالمركز واستمر فيه داعية من الله التوفيق إن شاء سبحانه..


وأخيرا وليس آخرا شكرا على هذا الموضوع الجميلة
ولكِ خالص تحياتي
أختكِ حنايا