مرحبا بنات .. اشلونكم .. عساكم بخير .. شخباركم ..كيفكم ..بكل اللغات ..ترى إذا موبخير آنا بعد ماكون بخير ...>>>>>حشى بالعه راديو ...المهم :

حبيت اخبركم اليوم عن شي يروح حب الشباب والبقع ويبيض البشرة بعد وهو ((( الطين ))) أي نعم الطين ،، آنا بصراحه ماأعاني من حب الشباب ، بس ساعات تطلع لي وحدة أو ثنتين قبل لا تجي أللي بالي بالكم ، المهم ماطول عليكم أول ما شوف المقروده واشوف ويها >>>> يعني الحبة بنت الأباليس هههههههههههه ...اروح بسرعة وآخذ شوية طين وانقعهم ثواني بالماي وأطلي وجهي بالطين طبقة سميكه وانتظر لحد ما ينشف واشطفه بالماي بس بدون صابون ،، ليش بدون صابون بتقولون لي وآنا أقول لكم >>> لأن الطين أصلا ينشف البشرة عشان جّذي ينشف الحبوب وتشفى بسرعة وبعد له فوايد وايد لأنه مليان أملاح وينعم البشرة ويشدها ويبيضها وانصحكم تجربونه وما بتندمون وخاصةً أللي يعانون بكثرة من الحبوب الدهنية وراح يلاقون نتيجه سريعه جداً بالكثير بعد اسبوع ،، بس أللي مثل حالتي يعني حبة أو ثنتين من أول مرة راح يحسون ان الحبوب تنشف وثاني يوم تختفي ولا كأنها موجوده وبدون أثر ..


بس في شغله حبيت أحذركم منها ، أللي بشرتها حساسه يمكن ما يناسبها لأن الطين يقرص البشرة شوي ويخليها تصير حمرة لكن مايطول بسرعة يروح لحمرار ،، فيمكن يمكن أن البشرة الحساسه ما تستحمله مع العلم أن آنا بشرتي حساسه بس ما صار لي شي شوية احمرار وراح ،،، المهم للحذر بس مو أكثر .... وبس وسلامتكم .

أختي أي طين تقصدين قناع الطين اللي في الصيدليات أو اي طين

مشكورة أختي (بشاير)
وان شاء بجربها .
وايوه صح الطين اللى تقصدينه هو اللى يباع في الصيدليات
وشكرا مرة ثانية

تحياتي

أخواتي البشائر وسمراء البادية شكراً على التواصل معاي ... والطين أللي اقصده ما ينباع بالصيدليات بس عن الحواج ( العطار ) وشكله مثل الحجر ولونه أخضر مثل الحنه قبل ما تنعجن ،، وآنا آخذ قطعة من الطين وأنقعها في ماء لين أتذوب شوي وبعدين أستعملها .. جربوها ما راح تندمون...

تسلمين بشاير على الموضوع

شكرا اخت بشايرلكن لو كانت حبة وحدة واتركت بعد ما راحت اثر شو الحل

ممكن استعمال طين لونه بني