السلام عليكم و رحمه الله و بركاته
كيفكم يا حلوات؟
بصراحه انا غرقانه لشوشتي
يعني بين الشيبس و الكوكيز من جهه و بين الرجيم من جهه ثانيه


بدي اسال عن مشروع حماة المستقبل
قرات عنه في قسم الخيرات و ردت New Moon على عضوه و اخبرتها انها تشترك بهذا المشروع
و سالت نيو مون بس يبدو انها لم تشيك على الموضوع مره ثانيه و لم ترى سؤالي بس مش مشكله

انا شفت ورقه التسجيل
و يقولون اذا تبي تكون مدرب او متدرب
و بعدين سألوا اسئله شخصيه
و خفت ارد و ارسل انا و مش عارفه عن شو بيحكوا
فقلت خليني استفسر بالاول
و لاني توقفت عن متابعه الحلقات (ياويلي من حمامه الجنه ) فما بعرف اش هي رقم الحلقه الي تكلم فيها عمر خالد عن هذا المشروع

ولي شو برغي كثير كل هالكلام و بعدني ماقلت شو بدي ...الله يصبركم يارب
بدي تعطوني رقم الحلقه المتعلقه بالمشروع
نبذه عن المشروع
انا بعد ثلاث اسابيع ان شاء الله بترك كندا و بروح لبنان فاذا بدي اشترك هل اضع عنوان كندا او لبنان؟ يعني هم بدهم مكان الاقامه الحقيقيه ام مكان الاقامه خلال الصيف
يعني باختصار اي شئ تعرفوه عن الموضوع قولوه

وعليكم السلااااام ورحمة الله وبركاته
يا أهلاً
خلاص مادامك رح تشتركي ، رح أعفيكِ من العقوبة
شوفي حلومة :
الحلقات التي تلت ( محاربة العري ) مباشرة - إن لم أكن مخطئة - كانت تتحدث عن التدخين والشيشة والمخدرات ... وغيرها من المكيّفات ..
وكان الواجب العملي للحلقة : أن ننشر بين الناس : حكم التدخين - رسالة إلى المدخنين - رسالة إلى بائع الدخان وهذه الرسائل الثلاثة كانت موجودة على الموقع لمَن أحب أن يستعين بها أو يطبعها للنشر ..
وبعد ذلك فتح الأستاذ عمرو خالد مشروع حماة المستقبل لكي يتم تدريب عدد من الراغبين بالانضمام إلى حملة محاربة التدخين وأشباهه ، على كيفية محاربة هذه المكيفات في مجتمعاتنا ، وذلك حسب أسس علمية وعملية وعلى يد مدرّبين متخصصين ..
لذلك فأرى أن تسجلي عنوانكِ في لبنان ( مكان قضاء الإجازة الصيفية ) لأنه خلال الصيف سيتم تطبيق هذه الخطوات ..
تمام ؟
يالله روحي سجلي

رد على السريع
يعني لح نتعامل مع مدمنين؟
او بيكون بس دروس نظريه؟
انت لح تشتركي؟

لأ ما رح نتعامل مع مدمنين .. أصلاً ما منعرف مدمنين حتى نتعامل معهم !
رح نتعامل مع مدخنين مثلاً .. حتى أننا سنتعامل معهم من بعيد لبعيد .. يعني ما في ضرر ..
هكذا أعتقد ..

أنا مشتركة

رجعت لك
ان شاء الله احاول اشوف اليوم الحلقه
طيب اعطى معلومات اكثر؟
يعني التدريت يومي؟ كم ساعه؟ اذا سجلت و بعدين غيرت راي شو بيصير؟
على شو منتدرب بالضبط؟
كيف نساعد المدخنين على التوقف او شو؟

لا على حد علمي .. ما أعطى معلومات مفصّلة ..
إذا سجلتِ وبعدين غيرتِ رأيك أعتقد ما رح يصير شي ..

وعليكم السلام ..
أهلاً دانية ..
روحي لموقع الأستاذ عمرو خالد وابعثي رسالة إلى Moderator في ساحة الحوار وهو سيرشدك إلى كيفية التسجيل ..