السلام عليكم ورحمة الله وبركاته :


يرن الموبايل بأنغام شبابية، خالد يفتحه ليسمع صوت زميله سالم قائلا: ها بوليد انت مستعد وجاهز للي اتفقنا عليه؟.
خالد: وشنو اللي اتفقنا عليه؟
سالم: افا مداك نسيت اللي قلته لك امس؟
خالد: اي ذكرني «ان الذكرى تنفع المؤمنين».
سالم: نسيت ان بعد كم يوم راح نرسل مسج بالموبايل حق برنامج «ستار اكاديمي»!!
خالد: نعم نعم تذكرت، بس يا سالم ابيك تطول بالك معاي شوي، وتسمع اللي عرفته امس، تراه شي مو سهل!
سالم: وأيش اللي عرفته امس يا بو وليد.
خالد: اللي عرفته ما هو هيّن... ويكسر جبال ويحطم القلوب ويبكي العيون للي عنده ضمير، وبقلبه رحمة.
سالم: الله... كل هذا... شلون... قولي اللي عرفته بسرعة؟.
خالد: تدري يا سالم ان 800 فلس او 400 اللي بندفعها لمسج ستار اكاديمي ايش ممكن تسوي؟.
سالم: ايش ممكن تسوي؟! هذي ما تعشيني وجبة مأكولات سريعة من اللي تطلبه بالتلفون؟
خالد: بلاك غشيم وما تعرف شي؟
سالم: اشلون؟
خالد: اسمع يا سالم انت انسان اعرفك تماما... ضميرك حيّ... وما ترضى باللي بتعرفه، تصدق يا سالم ان 800 فلس قيمة المسج او 400 فلس حسب نوع المسج طبعا يمكن تنقذ 800 طفل بافريقيا من ان يحرمون من نعمة البصر، لانهم يحتاجون حبة فيتامين (أ) كل ثلاث سنوات، وقيمة الحبة الواحدة اقل من فلس واحد، وان 100 الف طفل من طلبة القرآن يصابون سنويا بالعمى بالصحراء الكبرى بافريقيا.
سالم: معقولة يا خالد 800 طفل!!
خالد: وبعد اسمع العجب 10 فلوس تكفي لشراء علاج طفل فيه ملاريا، وان مليون طفل يموتون سنويا من الملاريا بافريقيا، يعني حياة 80 طفلا تعادل قيمة مسج واحد.
سالم: يا الله عليك يا خالد كلامك قوي!!
خالد: ادري انه قوي بل حاجة الانسان الفقير اقوى، وخلني اكمل يا سالم لا تقاطعني لان عندي شيئا كثيرا بعد، اتصدق يا سالم ان 25 فلسا تعالج طفلا بافريقيا مصابا بالاسهال يعني حياة 32 طفلا تنقذهم بقيمة مسج واحدة، وان مليوني طفل يموتون بسبب الاسهال!!
سالم: 32 طفلا حياتهم تساوي مسج واحد!!
خالد: وبعد يالسلم اكثر من 150 الف طفل يحرمون من ان يلعبوا ويركضوا مع الاطفال لاصابتهم بشلل الاطفال لان ما عندهم 15 فلسا قيمة طعم شلل الاطفال.
سالم: معاناة اكثر من 53 طفلا بقيمة مسج واحد؟!
خالد: عليك نور يالحبيب، ونفس العدد 53 طفلا تقدر على ايدك يتأجل موتهم يوما واحدا ـ بإذن الله طبعا ـ ايام المجاعة واللي تكثر بافريقيا لما يأكلون وجبة بالمجاعة من ماء وطحين قيمتها 15 فلسا، واذا كان الطفل اثناء المجاعة مع اسرته وهم خمسة تقريبا تنقذ عائلة كاملة بـ 75 فلسا.
سالم: الله اكبر عليك كل هذا وانا ما ادري؟!.
خالد: مو انت وحدك ما تعرف هناك كثيرون مثلنا ما يعرفون ان حتى الحيوان بافريقيا ممكن ننقذه من الموت جائع لما نغرس شجرة يرعونها ناس هناك بـ 50 فلسا.
سالم: حتى الحيوانات ممكن ننقذها!!
خالد: تصور عائلة كاملة ممكن تتغذى بالبروتين اذا شرينا لهم دجاجة يعيشون على بيضها بقيمة ربع دينار.
سالم: المسج الواحدج يجيب 3 دجاجات لثلاث عوائل.
خالد: من تصور من 50 ـ 80 فلسا تعطي مسلم بافريقيا جزء عم (الجزء الثلاثون) من المصحف الشريف ومعاه معلومات شرعية عن التوحيد ومبادىء اللغة العربية، تكون زادا لروحه ودينه ولكل عائلته.
سالم: 10 اجزاء من القرآن بقيمة مسج!!
خالد: اصدق يا سالم انت تقدر تنقذ طفلا مسلما بافريقيا من الجهل لما تدفع نصف دينار قيمة الرسوم الدراسية لمدرسته لمدة سنة في بعض الدول.
سالم: خالد ابيك تقولي من قالك هذه المعلومات الخطيرة.
خالد: هذا الكلام مو من عندي ولا من خيالي، هذا كلام الحقيقة سمعته من شخص شاف بعينه كل هذا ومرات كثيرة ماتوا اطفال امامه.
سالم: انا ودي اعرف هذا الانسان؟ من هو؟
خالد: هذه المعلومات يقولها د. عبد الرحمن السميط رئيس جمعية العون المباشر مع اخوانه اهل الديرة بلجان الخير، اللي رفعوا رأسنا بفعل الخير بتبرعات الطيبين الذين نفتخر فيهم بكل مكان.
سالم: بس يا خالد يعني كلها 800 فلس... ما تؤثر على احد؟.
خالد: يا سالم ما تدري ان الله سبحانه وتعالى راح يسألنا يوم القيامة عن فلوسنا منين جبناهم ووين صرفناهم، راح تقول لربك 800 فلس انقذت فيهم ارواح وعالجت امراض وعلمت ناس، ولا راح تقول لربك دزيت فيها مسج لستار أكاديمي؟!.
سالم: لا والله لا بتساوي هذا وذاك، خالد بقولك شي... جزاك الله خيرا... نورتني وفتحت عيني على اشياء، ما كنت اعرفها... واقول لك مشكور انك انقذتني من شيء ما كنت اقدره تماما، والحين عن اذنك باتصل بالربع واخواني بسرعة حتى يعرفون اللي عرفته ونسوي الصح اللي ينفعنا ونترك الغلط والكلام والاسراف اللي ما منه فايدة.
















































عدنان المضاحكه .

جميل .. بارك الله فيك

بارك الله فيك ......

أرسلت بداية بواسطة توتي

ياليت قومي يعلمون !!

جزاك الله خيرا

جزاكن الله خيرا أخواتي ( دندوش وثلج وتوتي و الكروان )
على المرور .

وأزيدكن من الشعر بيت :
عندنا في الكويت الفتيات يأشرن على أي سياره تسير في الطريق

شباب أو فتيات أو أي كان وتقوله :
لحظه من فضلك خذ موبايلي وصوت لبشار على حسابي ،
فهذا ولد الكويت ،
قلة حيا ومسخره وفساد ،
من هو بشار هذا !!!
مجاهد !!
يحاول تحرير المسجد الأقصى !!!
يساعد المجاهدين في العراق وأفغانستان لطرد المحتل !!!
يقوم بفعل الخير في البلاد المسلمه الفقيره !!!
أنه لايشرف الشعب الكويتي ولا يشرف الدول الإسلاميه ،

حسبنا الله ونعم الوكيل ،
بس ياريت تجي عندي هذه الفتاة لأصوت لبشار لأعلمها بالهدوء وبالنصيحه
كيف تصوت لبشار ، وأفهمها بأنها مسلمه وهذه توافه ولابد أن نقف في وجه كل
من يدعي الإسلام ويصوت لهذه الأشكال ،

عندما غضب الروافض منه لأنه يفعل المعاصي في محرم ، رد عليهم وقال :
أبي رافضي وأمي سنيه فأنا أتبع أمي ولست رافضي ،
( يعني السنه فسقه ) ، عذر أقبح من ذنب .


إنا أتعجب وأغضب لأن من يتابع هذه البرامج ليس مراهقين ومراهقات ،
حتى الكبار الذين تعدوا هذه المرحله ،

يقول أحدهم عندما أذهب للديوانيه معي مهندسين ومستشارين وغيرهم من له مراكز
عاليه إذا فتحوا التلفزيون يقولون لنا لاتتكلموا ويشاهدون لهذه المعاصي
ويسمعون وينصتون ،.


اللهم رد شباب وفتيات المسلمين إلى دينهم ردا جميلا .

حياك الله أختي ( المستعينه بالله ) .