سينابون




السلام عليكم ورحمة الله وبركاته كيفكن صبايا اليوم قررت انو ساوي سينابون و هي أول مرة بس أنا بخب جرب الشي الجديد و بالفعل دخلت المطبخ و بلشت

أول شي حضرت المكونات

كاستين و نص طحين و ملعقتين سكر و ملعقتين حليب و ملعقتين لبن و ملعقة خميرة و ربع كاسة زيت مازولا و ماء دافئ للعجن

عجنت المكونات مع بعض و لزقت العجين شوي بإيدي فرجعت ضفتلا شوية طحين لبطلت تلزق و ضليت اعجنها مدة شي خمس دقائق


و بعدين تركتها ترتاح شي نص ساعة و بعدين مديتها و حطيت عليها زبدة سايحة و سكر و قرفة لقسم و زيادة عليهم كاكاو لقسم تاني

و لفيتهم ع شكل رول و قطعتهم بكرات و دهنت الصينية بالزيت و حطيتهم بالصينية و ع الفرن شي نص ساعة او حسب فرنك

و لبين ما استوا عملتةالحليب المكثف المحلى يلي هو عبارة عن كاستين حليب سائل مع كاستين سكر و شوية زبدة

و بتضلي عم تحركيهم ليسمك بدهم شي ربع ساعة تحريك مستمر بعد ما يغلو و وقت طالعت السينابون من الفرن

حطيت ع وشهم الحليب المكثف المحلى و تركتهم يبردو شوي و لمن داقوهن ولادي كتييير انبسطو فيهم و حبوهم بتمنى ينالو اعجابكم و بانتظار تعليقاتكم الروعة

Sent from my GT-I8552 using منتديات لكي mobile app

يسلموا دياتك يا حلوة
معهم حق اولادك يحبوه ...نحنا كمان اشتهينا قطعة


صحة وعافية

تسلم إيديك
انا كتييير بحبها بس ولا مرة جربتها


وهي انت شجعتيني ساويها


مابعرف شو بيطلع معي ههههههه

كتبت بواسطة وعود الخير
يسلموا دياتك يا حلوة
معهم حق اولادك يحبوه ...نحنا كمان اشتهينا قطعة


صحة وعافية



الله يسلمك حبيبتي وعود الخير يا ريت فيني أعطيك ياهم كلهم


Sent from my GT-I8552 using منتديات لكي mobile app

كتبت بواسطة اللولو المكنون
تسلم إيديك
انا كتييير بحبها بس ولا مرة جربتها


وهي انت شجعتيني ساويها


مابعرف شو بيطلع معي ههههههه



الله يسلمك يا رب جربيها عنجد سهلة و سريعة و بإنتظار موضوعك عنها يا حلوة

Sent from my GT-I8552 using منتديات لكي mobile app

كتبت بواسطة asmaabhr
ما شاء الله

تسلم ايدك حبيبتى

وهنا وعافية عليكم وع الولاد



الله يسلمك حبيبتي و العافية ما تفارقك يا غالية

Sent from my GT-I8552 using منتديات لكي mobile app