بسمالله الرحمن الرحيم
اخواتي الغاليات مبدعات مطبخ لك
للامانه يا كثر ما استفدت من تجاربكم وابداعاتكم
واتمنى اكون مثلكم خصوصا اني احب الطبخ وايد
واحب اليوم اشارك معكم اذا سمحتو لي بهذي الطريقه
الحلوه والناجحه لعمل الصمون او كما يسمونه الصامولي
والله طريقه ناجحه ورائعه اتمنى تجربوها وتردو علي
للتشجيع يعني
نجي للمقادير
اربعه اكواب او نص كيلو طحين وانا استخدم الكويتي
نص كوب حليب
نص كوب ماء
بيضه
ملعقه سكر نص ملعقه ملح
ملعقه خميره
ملعقتين زيت
الطريقه
نخلط الحليب والماء والالخميره وملعقه السكر
ونتركها لمده خمس دقائق
ثم نضيف الزيت والبيضه ونخلط عدل
بعدين نضيف الطحين مع الملح
ونعجن لمده عشر دقايق ثم نترك العجين
حتى يختمر ويرتفع ثم نعجن مره اخرى
ونتركه يرتفع مره ثانيه
بعدها نعجه بخفه ونشكله حسب الرغبه
يفضل على شكل الصمون المعتاد
ونتركه لمده ربع ساعه او اكثر
واثناء هذا ندهن الصمون بالمااااااء
علشان ما ينشف ويختمر عدل
بعدها ندله على فرن حار من الاسفل ثم الاعلى
ولاظو حبيباتي ترى ما ياخذ وقت وايد و
واسفه على الاطاله واللي تجرب ترد تكفون ابي تشجيع
وسلامتكم

بارك الله فيك غاليتي
يا ريت وصفات مصورة من يديك ستكون افيد و احلى

اخواتي الكريمات
شكرا للمرور الصراحه بغيت ازعل بس مروركم اسعدني