السلام عليكم و الرحمه

كنت عملت المطبق ده كام مره و عجب جوزى قوى و بعمله فى وقت الزنقات

يعنى من يومين جوزى خرج باليل و قبل ما يجى بربع ساعه اتصل عايز يتعشى فطير مشلتت و عسل و جبن

المهم قلت فى الوقت الضيق ده مش هاينفع اعمل فطيره قلت اعمل المطبق و هو شبيه بالمشلتت بس طبقاته اقل

من المشلتت و عملته الحمد لله خلصت الكميه كلها و جوزى بيفتح الباب كنت حضرت السفره للعشا

نيجى للمقادير

عملت 5 كوب دقيق + م\ص ملح + حوالى 2 كوب ماء و نعجنه كويس قوى و بعدين فى طبق مدهون زيت نقطع

العجين كور و نغطيه بالزيت تانى و نسيبه ربع ساعه علشان يسهل فرده

و طبعا هانحتاج كميه من السمن و الزيت مع بعض ( لا افضل استخدام زيت الذره ) عملت بيه قبل كده نشف منى

المطبق و هنحتاج كميه من الدقيق علشان نرش الطاوله و كمان نرش العجين بين كل طبقه زى السمن بس خفيف

و هو ده اللى هايخلى المطبق ينتفخ اثناء الخبز ماشى

و الصور مش محتاجه شرح و كمان عملت منه حلو يعنى حشيته سكر بنى و جوز هند و بعدين قدمته مه صوص التوفى

بعد كده نسيبه لغايه مانعمل غيره قصدى نريحه شويه و بعدين نفرده بالنشابه شويه يبقى رقيق او خفيف و نحطه على النار فى صاجه على نار هاديه واوى ما يبدا يحمر نقلبه على الناحيه التانيه و هكذا

تم الحفظ يا قمر

ده بقى الحلو و هو فعلا حلو







اتمنى يكون عجبكم

يسلمو يدينكماشالله عليك مبدعه