السلام عليكم ورحمة الله وبركاته :

صدقوني طفشت ومليت ساعدوني زوجي يحب الفطائر بكل انواعها وماعمري سويت لع فطائر الا ويطلعون ناشفيين مرة كانهم كرات تنس
الي تعرف طريقه فطائر طريه ولذيذة تفيدني والله يعطيها العافيه

لاتخلوني ردوا هلى ضروري ضروري
والله يعطيكم العافيه وماراح انساكم من الفطاشالله هذا اذا ماخربتها

السلام عليكم و رحمة الله وبركاته
سلامتك من الطفش يا حبيبتي
اقول لك المنتدى مليان ما شاء الله بالطباخات تبارك الرحمن بيساعدونك و ممكن تبحثين بنفسك في المعجنات انا داخلة اقولك الغلطات اللي كنت اسويها فتطلع الفطاير عندي ناشفه :-
1- كنت اطلع عينها من التخمير عادة هي تحتاج ساعة او ساعة و نص بالكثير .
2- كنت اطلع عينها بالخبز ( يعني تشقر شويه تطلعينها من الفرن ) اذا تركتيها فترة طويلة بالفرن تصير ناشفة
انا متأكدة الاخوات بردون عليج بطرقهم الحلوة المبتكرةمع انج لو دخلت قسم المعجنات بيكون اسرع لج
مع تمنياتي لج بالتوفيق في الدنيا و الآخرة و انشاء الله تصير فطايرج لينة و يرضى عليج ابو الشباب

أنا عندي نفس مشكلتك ؟؟؟؟؟؟؟؟؟؟؟؟؟؟ يعني مستحيل الفطائر تضبط معي مهما سويت ؟؟؟؟؟؟؟؟؟

الاهم حاجه في وصفة المعجنات استعمالالحليب بودرة اوسائل اولبن اوزبادي واستعملى الزبدة ولا تنسى التخميرلمدة كافية واهم شئ درجة حرارة الفرن المنا سبة

بقولك على طريقتي وانشالله تعجبك
_ في الكاس الخلاط ( شوي زيت ، زبادي ممكن نص العلبه اذا كنتو شويين ، شوي سكر وملح ، نص ملعقه خميره ، نص كاس ماء ) تخلطينهم زين
_ وبعدين تصبين الخلطه في علبه بلاستيك وتبديت تضيفين لها الدقيق المنخول ( لازم تنخلينه ) وتعجنيين وتضيفين شويت زيت اذا احتاجت العجين لازم تكون العجينه رخوه شوي .
_ السر في معجناتي !!!!!!!!!!!!!!1 اذا خلصتي عاجنتها قومي خذيها وخبطي فيها 4او5 مرات وشلون ؟
تقومين تحطين العلبه البلاستيك في الارض وتمسكين العجينه وترفعينها وتخبطينها في العلبه وهكذا < يعني اذا زعلانه انتي وزوجك هذي الطريقه تخليك تطلعين الي في خاطرك خخخخخخخخخخخ> وتطبقين العلبه وتلفينها بمنشفه وتحطينها في مكان دافي لمده ساعه ( انا احطها في الفرن وهو مسكر )
انا احشيها بجبن شيدر مبشور +بيض مسلوق روعه
- لازم الفرن يكون مشغل قبل بوقت وماتكون حرارته عاليه
- عطيني النتيجه انتظر ولا اقولك ارسليلي شوي

بصراحه طريقه محدده ومقادير انا مابعرف
انا بعجن العجينه دائما على البركه من غير حساب وعيار
بس ممكن علشان تكون طريه بس تخلصي عجين حطي كاسة زيت زيتون فوقهم وعجنيهم كمان مره مع زيت بس
ويارب انه تزبط معك وماشاء الله الاخوات ما قصروا